Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Начальные классы / Другие методич. материалы / "Қош, сүйікті Әліппем!" ашық тәрбие сағаты

"Қош, сүйікті Әліппем!" ашық тәрбие сағаты

  • Начальные классы

Поделитесь материалом с коллегами:

Тақырыбы: Қош бол, сүйікті Әліппе!

Мақсаты: оқушылардың әліппеден алған білімдерін ортаға салу. Оқушыларды ана тілі оқулығымен таныстыру және өзін-өзі басқаруға үйрету.

Көрнекіліктер: шарлармен безендіру, слайдтар, әріптер, суреттер, нақыл сөздер.

Мұғалім: -Құрметті ата-аналар, ұстаздар және оқушылар. Бүгінгі «Қош бол, сүйікті Әліппе!» атты мерекемізге қош келдіңіздер! Осыдан 4ай бұрын мектеп табалдырығын қысыла да қызыға аттаған бірі отбасының тұңғышы, бірі кенжесі, ата-әжесінің сүйікті де еркесі болып жүрген ұл-қыздарымыз өздерінің ең алғашқы оқулығы болған Әліппемен бүгін қоштасқалы отыр. Балалардың алдағы шғатын биік белестерінің ең алғашқысы әліппемен қоштасуы. Білім жолындағы белестерге қанаттары талмай көтеріле берсін деп тілек білдіремін.

-Ендеше, кішкентай бүлдіршіндеріңіздің білім өлкесіне аттаған алғашқы қадамдары құтты болсын. Сонымен, «Қош бол сүйікті Әліппе!»атты ертеңгілігіміздің кейіпкерлері 1 «Ә» сынып оқушыларын ортаға шақырамыз. (сахнаға 1 «Ә» сынып оқушылары шығады)

Мұғалім: Сөз кезегін оқушыларымыздың өздеріне береміз.

Алихан: Кең болсыншы еліміздің керегесі

Тату болсын, болмағай ерегесі

Таныстырсам өзімді, оу ағайын

Алиханмын ата-әжемнің немересі

Бастай: Сабақтан еш қалмаған

Ерінбей оқып талмаған

Боламын дейді бір балаң

Бастай атты бір балаң

Аийда: А әріптің абыройы асқар ма?

Ай сәулесі жарқырайды аспанда

Адам, ата, ана, менің де атым Аийда

А әрпінен басталар

Әділет: Ұстаз ұғар қашанда

Дамуын әр баланың

Жақсы оқитын сабақты

Әділет атты баламын

Айкөркем: Ата-анамның ардақтаған

Айкөркем атты қызымын

Әжем мені еркелетіп

Дейді «Алтын жүзігім»

Алшынбек: Алшынбек деген баламын

Таудай биік талабым

Жақсы оқып сабақты

Білімді адам боламын

Малика: Жеңу үшін қиынды

Еңбегіңді аяма

Алдарыңда тұрған қыз

Жанбулатқызы Малика

Эльдар: Жақсы оқитын мен үлгілі баламн

Азамат боп мен де өсіп толамын

Бассам деймін даналардың тек ізін

Сауытбек Эльдармын

Гүлзат: Ай нұрынан жаралған

Ай мен күні анамның

Ақылдысы баланың

Кілең бестік бағасы

Гүлназ деген сұлуың

Мен боламын ағайын

Досан: Түсінсем деп бар әріпті

Ынта қойып қарамақпын

Сыныптағы ең кішісі

Бекқалиұлы Досанмын

Алмас: Жақсы әдепті, жақсы істі

Бойыма әркез термекпін

Қиын-ау деп қайыспайтын

Ер мінезді Алмаспын

Гүлзат: Ынталы да инабатты

Өнегелі бір қызбын

Ата-анамның ақылдысы

Саматқызы Гүлзатпын

Жалғас: Орыс тілін жақсы білемін

Суретті жақсы саламын

Есепті тіпті шағамын

Білімді де өнерлі

Жалғас атты баламын

Шарапат: Шарапатпын атамның баласымын

Әжемнің тәттісімін, дарасымын

Қашанда қатарластың алды болып

Сенімін ақтаймын анашымның

Аслан: Отбасының еркелеткен

Жарқыраған жұлдызымын

Сабақты жақсы оқитын

Аслан деген ұлыңмын

Ақмоншақ: Мен де есті баламын

Айтқан тілді аламын

Жұмсағанға барамын

Жақсы менің сабағым

Ақмоншақ деген ару қыз

Мен боламын ағайын

Ғалымжан: Ғарыш, ғалым, ғұлама

Ғ әрпінен басталар

Менің де атым ерекше

Ғалымжан деп аталар

Әсел: Лаулатып сәби сезім ой алауын

Шаттық тілеп таңменен оянамын

Еркелеткен есті қызы әкемнің

Мына мен Болатқызы Әселмін

Мұғалім: Балалар мен сендерге сұрақ қояйын. Сендер соған жауап беріңіздер.

  • Іші толы әріпке

Білімдегі жарық не?

Хормен: Болашаққа жол ашар

Ол сүйікті – Әліппе

Ол сүйікті – Әліппе!

Мұғалім: Олай болса, бәрімізге ең қымбат әліппені ортаға шақырайық

Хормен: Әліппе, әліппе, әліппе! (әліппе келеді)

Мұғалім: Оқушылар біздер 4 ай бойы алғашқы оқулығымыз әліппе арқылы 42 әріпті оқып, біліп, оқи, жаза білуді үйрендіңіздер. Олай болса әліппеге өз ризашылықтарыңызды білдіріп, рахмет айтыңыздар.

Әліппе: Менің атым – Әліппе

Мені аққудай дәріпте

Мені оқып, ер жеткен

Бауыржан да, Мәлік те

Өсті ме, бойларың

Өсті міне, ойларың

Қуанышқа ортақпын

Құтты болсын тойларың!

Балалар, сендер мені оқып тауыстыңыздар. Мен арқылы әріппен, сөз, сөйлеммен, дыбыстармен таныстыңыздар. Енді менімен қоштасып, «Ана тілі» оқулығымен достасасыңдар. Оны да жақсы оқыңдар. Сабақтарыңды жақсы оқып, ата-аналарыңды, ұстаздарыңызды қуанышқа бөлей беріңіздер.

Эльдар: Әліппені алғаш рет қолға ұстаған сәтте, кітаптың ең бірінші бетінде бірінші сынып оқушыларына арналған Қ.Р Президентінің арнау құттықтау сөзі жазылған:

Айналайын! Қолыңдағы әсем кітап «Әліппең» - аяулы ана тіліңнің мөлдір бастауы, білім шыңына жол ашар ақылшың.

Білім есігін ашқан алғашқы қадамың құтты болсын! Еңбегіңмен алған білімің өзің үшін де, Елің үшін де таусылмас асыл қазына болмақ.

Елін, жерін сүйетін, жаны ізгі жақсы азамат болып өсетініңе сенемін.

Ғалымжан: Бірінші беттен елімнің

Елтаңбасын таныдым

Көк байрақты қазақтың

Ұрпағымын, сәнімін

Алихан: Ең алғаш қолға алған Әліппені

Қызығып қарай бердім әріптерді

Мен үшін сыры жұмбақ бұл кітаптың

Ұстазым маған кілтін алып берді

Ақмоншақ: Алфавиттің А тұрады басында

Әрқашанда Ә тұрады қасында

Байқадың ба Б тұрады үшінші

Ал осының сыры неде? Түсінші

Айкөркем: А деген ол аналар ғой ардақты

Ә деген ол әкелер ғой салмақты

Б деген ол балалар ғой әдемі

Біздің елде үшеуі де кәделі

Малика: Әліппе деген алтын жол

Апарар сені алысқа

Жеңіл емес ауыр жол

Тырысып бақ намысқа

Алшынбек: Таныстырар әріппен

Мынау кітап әліппең

Әліппе деген аты оның

Басталған қай әріптен

Гүлназ: Жақсы кітап – Әліппе

Үйретеді әріпке

Қуыршақпен қоштастық

Әліппемен достастық

Хор: «Жарқын жүзді ұстазым»

Аслан: Бар кітапқа бас болған

Әліппе ғылым анасы

Әліппеден басталған

Даналықтың данасы

Гүлзат: Әліппе деген алтын жол

Апарар сені алысқа

Жеңіл емес, ауыр жол

Тырысып бақ намысқа

Шарапат: Бүкіл қазақ баласы дәріптеген

Қоштаспақпыз сүйікті Әліппемен

Ризамыз бәрімізді таныстырған

Сөз бен дыбыс әріптермен

Әсел: А-ны айтқанда дауысымыз дірілдеді

Қоштаспақпыз сүйікті Әліппемен

Ризамыз бәрімізді таныстырған

Сөз бен дыбыс әріптермен

Хор: «Ұстазым» әні

Алмас: Білімге жолды бастаған

Әліппем саған мың алғыс

Оқы деп ұран тастаған

Әліппем саған, мың алғыс!

Жалғас: Енді біз жаза аламыз

Әріпті қосып әріпке

Риза боп саған жүреміз

Сүйікті біздің Әліппе!

Әділет: Әріптерді үйретіп

Жақын болған кім бізге

Жамандықтан жирентіп

Ақыл болған кім бізге

Бастай: Келгенде алғаш мектепке

Білмеуші едік әріпте

Оқимыз қазір ертек те

Үйреткен оны Әліппе

Аийда: Әліппе даңғыл жол ашты

Жаңадан пәндер жалғасты

Әліппе сырын ұқтырған

Рахмет ұстаз алғашқы

Досан: Қош бол, құтты Әліппе,

Көп нәрсені үйреттің

Таныстырып әріппен

Тақылдатып сөйлеттің

Хор: «Әліппе» әні

Әліппе: Ал, енді балалар мен кетейін. Алда қыс, көктем, жаз бар. Жақсылап демалып, сендер сияқты балаларды күзде қарсы алып әріптермен таныстырамын. Балалар, мен сендермен қоштасамын. Енді қолдарыңа басқа кітап алатын боласыңдар. Ол кітап – Ана тілі. Хош сау болыңдар.

Хормен: Қош бол, қош бол, құтты Әліппе!

(ана тілі келеді)

Оқушылар: Қош келдің, ана тілі!

Ана тілі: Сәлеметсіңдер ме, менің жаңа достарым. Енді мені оқитын боласыңдар.

Ана тілің арың бұл

Ұятың боп тұр бетте

Өзге тілдің бәрін біл

Өз тіліңді құрметте

Мен де келдім дайындалып тойыңа

Оқы талмай, түй санаңа, жас бөбек

Сыр құямын, нұр құямын бойыңа

Таза ұста, оқы мені қастерлеп

Оқушылар: Оқимыз, таза ұстаймыз

Мұғалім: Әліппемен қош айтысып қаламыз

Енді қолға ана тілін аламыз

Ата-ана қуанышқа ортақ боп

Сауатты боп шықты міне балаңыз

Мұғалім: Балалар, Әліппені оқуға тек қана мен емес, ата-аналарыңның да көмегі тиді, сондықтан ата-аналарымызға да рахмет айтайық.

Бәрі бірге хормен: Рахмет сіздерге ата-әже,әке-ана!

Хор: Анашым

Ал енді, келесі кезекті оқушыларымыздың өнеріне берелік. Тамашалаңыздар:

Ән: 1. Әліппе (Шарапат, Айкөркем)

2. Қазағым (Алихан, Жалғас)

3. Әкем,анам (Әсел, Ақмоншақ)

Би: 1. Бала тілегі – қыздар тобы

2. Қамажай – қыздар тобы

3. Флэшмоб – оқушылар орындайды.

Қорытынды:

Мұғалім: Балалардың білімі құтты болсын

Денсаулығы ауырмайтын мықты болсын

Білімдерін әрі қарай дамытатын

Ерінбейтін еңбекқор күшті болсын!

Осымен «Қош, сүйікті Әліппе!» ертеңгілігімізді аяқтаймыз. Балаларды бүгінгі мерекесімен құттықтау үшін директордың тәрбие жөніндегі орынбасарына, бастауыш сыныптар оқу ісі меңгерушісіне сөз беріп, ортаға шақырамыз.

Автор
Дата добавления 29.12.2015
Раздел Начальные классы
Подраздел Другие методич. материалы
Просмотров134
Номер материала ДВ-297547
Получить свидетельство о публикации
Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх