Қостанай
қаласының №15 орта мектебі мен «Өрлеу» БАҰО арасындағы ынтымақсатық: Болашаққа
сапалы біліммен.
Бүгінгі күн - білім беру мазмұнына, оқушы мен педагог
тұлғасына және қызметіне деген көзқарастардың түбегейлі өзгеріске бет бұрып
отырған кезең. Бұл жөнінде Қазақстан Республикасының Президенті Н.Назарбаев өз
сөзінде: «Біз қазір «білім - ғылым - инновация» атты үштік үстемдік құратын
постиндустриялық әлемге қарай бағыт алып барамыз», - деген еді. Қазақстанның
әлемдік үрдістерге кіруі, дамыған елдердің стандарттарына деген ұмтылысы білім
беру жүйесінің жаңа сапалық деңгейге өту қажеттілігін арттыруда. Осыған орай,
қазіргі кезде білім беру жүйесінде жасалып жатқан реформалар барлық
деңгейлердегі білім мазмұнын жаңартуға және өсуден тұрақты даму кезеңіне өтуге
бағытталған.
Бүгінгі таңда әлемнің алдыңғы қатарлы елдері білім мен инновация экономикасына
аса көп мән береді. Орта білім берудің фактологиялық парадигмасын дағдылар мен
білімнің қолданылу құзіреттілігін дамытуға ауыстыруымыз керек. Әлемнің көптеген
елдері білім беру жүйесінің келесі сатыларының мықты іргетасы болуы үшін,
бастауыш мектепке ерекше мән береді. Жоғарғы сынып бағдарламасы оқушыларға
оқылатын пәндердің санын азайтып, зерттеу-жоба жұмыстарын дербес және топпен
жұмыс істеуіне мүмкіншілікті таңдау құқығын беруі керек.
Қазіргі заман шарттарында орта білім беру мазмұнына жаңа талаптар қойылып отыр.
Өйткені, онда осы кезеңге дейін жинақталған дәстүрлі оң тәжірибе мен жаңа
ғаламдық үрдістер ескерілуі керек. Сондықтан соңғы жылдардан бері білім
мазмұнына, сабақ берудің жаңа әдіс-тәсілдеріне әлемдік және дәстүрлі үздік
тәжірибелер енгізіліп келеді.
Соңғы 3 жыл ішінде педагогтердің біліктілігін арттыру жүйесінде түбегейлі
реформа жүргізілуде. Аталған өзгерістерді «Өрлеу» ұлттық біліктілікті арттыру орталықтары
әлемдік тәжірибе негізінде жаңа формациядағы ұстаздар дайындау арқылы
жүзеге асыруда. Басты мақсат - еліміздің білім жүйесін халықаралық стандарт
деңгейіне жеткізу, мамандардың білімі мен біліктілігін заман талабына сай
жетілдіріп отыру.
Осы мақсатта әр оқытушы үнемі ізденіс, даму үстінде болып, кәсіби біліктілігін
жаңашылдықпен жетілдіріп отыруға тиісті. Осыған орай №15 қазақ орта мектебінің
ұстаздары Қостанай облысы бойынша педагогикалық қызметкерлердің біліктілігін
арттыру институтында "Қазақстан Республикасы орта білім мазмұнын жаңарту
шеңберінде қазақ тілінде оқытатын мектептердегі бастауыш сынып пәндері бойынша
педагогика кадрларының біліктілігін арттыру білім беру бағдарламасы " бойынша
біліктілікті арттыру курсын оқып меңгерді.
Курсты меңгерген мектеп мұғалімдері орта мектеп жүйесіне жаңаша леп
әкелуде. Білім беру қызметінің сапасын жаңа деңгейге жеткізеді деп айтуға
толық негіз бар. Олай дейтініміз «Өрлеу» ұлттық біліктілікті арттыру
орталығының тренерлері (М.Т Тұяқова (орыс тілі), Л.Е. Жаналина (орыс тілі), И.П.
Заминова (ағылшын тілі) берген жаңа идеяларды өз тәжірибемізге енгізе отырып,
оқушылардың білім сапасының деңгейін жоғарлатуға өз үлесімізді қосамыз деп
ойлаймыз. Мектеп мұғалімдері жаңартылған білім үлгісінде сабақтар беріп, оған
аталған тренерлер қатысып, өзара тәжірибемен бөлісіп, әдістемелік көмектерін
көрсетіп кетті.
Курста алған біліммен мектепте жүргізілген тәжірибемізді ұштастырған сәтте,
бүгінгі оқушылардың сұранысын қанағаттандыратын мұғалімді жаңашаландыратын
бағдарламаның білім жүйесіне енгізілуінің орынды екенін түсіндік.
Ойымызды қорытындылай келе, Елбасымыздың білім саласын ерекше назарда ұстап,
өзінің тікелей қамқорлығына алуы, оны мемлекеттік даму саясатының өзегі деп
қарайтыны бәрімізге белгілі. Ендеше біздің жұмысымыздың басты нәтижесі -
Тәуелсіз еліміздің жарқын болашағы болып табылатын жастарды тәрбиелеу
болатыны сөзсіз. Жаңа оқу жылында білім беру саласында үлкен табыстар мен жетістіктер
болады деп үміттенеміз. Сапасы жоғары білімі бар ұрпақ тәрбиелеу арқылы ғана
еліміз бәсекеге қабілетті мемлекет бола алады. Бұл жетістікке жету үшін
ұстаздарымыздың талмас еңбегі, Отанға деген сүйіспеншілігі, патриоттық сезімі
қажет!
Оставьте свой комментарий
Авторизуйтесь, чтобы задавать вопросы.