Отан сүйер ұлан бол

«Отан сүйер ұлан бол!» интеллектуалдық ойын-сайысы.

Мақсаты: Оқушылардың туған еліне, жеріне деген

сүйіспеншілігін арттыру, Қазақстан Республикасының

Мемлекеттік рәміздеріне құрмет сезімін тәрбиелеу.

.

Көрнекілігі: еліміздің рәміздерінің суреті, слайдтар, нақыл сөздер.

Мұғалімнің кіріспе сөзі:

- Балалар, жерге жетер байлық жоқ.Жер болса ел болады, ел болса ер болады. Ерлеріміздің арқасында «Қазақстан» егеменді ел болып, дүние жүзіне танылды. Біздің Отанымыз егеменді, тәуелсіз қазақ мемлекеті. 130 –дан аса ұлт өкілдері тұратын осынау қасиетті мекенде, асқақтаған өлкеде, кеңшілігі керемет дархан дастархандай далада, егіні теңіздей толқыған, төрт түлігі өрбіген, өндірісі өркендеген мекенде өмір сүруші әрбір адам өз Отанын жанындай сүйіп, оның көк байрағын көкке көтеруді мақтаныш тұтады.

Атыңнан айналайын, егеменді ел,

Тәуелсіз күнің туды кенеле бер.

Мерейің құтты болсын, Тәуелсіздік!

Ғасырдың тойы болшы келе берер! – деп, «Отан сүйер ұлан бол!» атты интеллектуалдық ойын-сайысымызды бастаймыз.

ҚРМ Гимн орындау

Жүргізуші: Жарысқа 2 топ қатысады:

"Қыран"тобы және "Тұлпар"тобы

Дұрыс жауап жалаушалармен есептелінеді.

Көп жалауша жинаған топ "Жеңімпаз" атанады

Топтармен таныс болыңыздар

1 –топ "Қыран" Омарбек Анел

Біздің топ «Қыран»деп аталады.Қыран деген атауды бекер алғанымыз жоқ. Қыран құс біздің мемлекеттік туымызда күннің астында қалықтап ұшқан күйінде белгіленген. Осы қыран құстай ғылымның биігінде самғап ұшуға тілек білдіреміз.

Қуат-күшін арнаған сүйікті елге

"Қыран" болып самғаймыз биіктерге

Мен топ басшысы: Омарбек Анел

Біздің ұранымыз:

Талпынбаса ғылымға, өнерге кім

Талаптыға төгілер сәулесі күн

Талпынамыз шыңдарға, асқарларға

Талпынамыз табысқа кенелуге

Өзімізге жеңіс, қарсыластарымызға сәттілік тілейміз;

2-топ "Тұлпар"

Біздің топ «Тұлпар»деп аталады. Қасиетті мемлекеттік елтаңбамыздың екі жағын қанатымен көмкеріп тұрған ертедегі тұлпарлар бейнеленген. Тілек, тұлпардай жүйрік болыңдар!

Тұлпарға тән адуын, еркін екпін

Бойымызда бәрі бар кереметтің

Мен топ басшысы: Сағатбек Самғат

Біздің ұранымыз:

Әрбір күнде ғылымға аттанғанда

Кеуде соғар біз емес мақтанғанда

Қазақстан ғылымын паш етеміз,

Үмітіңді бола ма ақтамауға

Өзімізге жеңіс, қарсыластарымызға сәттілік тілейміз

Жүргізуші:Көк байрақ иілмесін, жығылмасын,

Көзге жас, кеудеге өксік тығылмасын.

Тұрғанда көкшіл Туың көкті тіреп,

Қазағым, сен қашанда тұғырдасың! – деп, топтарға тапсырма

II."Қыран" тобына:(бейнесұрақтың авторы: мектептің директоры Қыдырмолдина Әсем Ізтлеуқызы)

- Сәлеметсіздер ме балалар? «Отан сүйер ұлан бол!»интеллектуалды ойын-сайысының қатысушылары. Менің сіздерге қоятын сұрағым мынандай:Қазақстан Республикасының ұлттық белгілерін атап беріңдер.

Тыңдағандарыңызға рахмет. (Балалардың жауабы:........)

Жүргізуші:Дұрыс жауабын тыңдайық. дұрыс жауап үшін топқа жалауша беріп отыру.

"Тұлпар" тобына: (бейнесұрақтың авторы: директордың оқу- ісі жөніндегі орынбасары Нұрбекова Ләззат Бекмұхамбетқызы )

-Сәлеметсіздер ме, «Отан сүйер ұлан бол!»интеллектуалды ойын -сайысының қатысушылары. Менің сіздерге қоятын сұрағым мынандай:

-Астана – еліміздің бас қаласы. Ол өзінің қайталанбас сәулет өнері туындыларымен ерекшеленеді. Барлықтарыңызға танымал сондай сәулет өнерінің туындысы .

Бұл не ? Қайда орналасқан ? Қашан салынды ?

( Балалардың жауабынан кейін)

Жүргізуші:

Дұрыс жауапты тыңдайық.

Бұл - Астана қаласының символы. Ол Астананың әкімшілік орталығының қақ төрінде орналасқан зәулім ғимарат – «Бәйтерек» 1997 жылы бой көтерді. Оның биіктігі 97 метр, салмағы 70 тонна. Дұрыс жауап үшін топқа жалауша беріп отыру

Екінші кезең «Көрермендер сұрағы»

Мемлекеттік рәміздерге түсінік беру. (топпен жұмыс) 1 минут

1. «Қыран» тобына: ҚР-ның Мемлекеттік Туын сипаттау(слайд бойынша)Нарима.1ж

2. «Тұлпар» тобына:ҚР-ның Мемлекеттік Елтаңбасын сипаттау (слайд бойынша).

Самғат(1ж)

Дұрыс жауап үшін топқа жалауша беріп отыру

Үшінші кезең "Құпияхат". (қарсыластар сұрағы) 4 минут

"Қыран" тобына

1. Біз қандай мемлекетте өмір сүреміз?

2. Мемлекетіміздің астанасы қай қала?

3. 16-желтоқсан қандай күн?

4. Мемлекеттік рәміздерді атаңыз.

5. Тудың авторын атаңыз. дұрыс жауап үшін топқа жалауша беріп отыру

"Тұлпар" тобына

1. Елтаңбаның авторы кім?

2. Гимнің сөзі мен әнін кімдер жазған?

3. Қазақстан қашан тәуелсіз ел болды?

4. Ұлттық валютаны айтыңыз?

5. «Желтоқсан оқиғасына» қатысқан жастарды білесіз бе?

дұрыс жауап үшін топқа жалауша беріп отыру

Төртінші кезең "Сиқырлы сандық". Сиқырлы сандықтың ішінде жасырылған затты табу.

"Қыран" тобына: «Ол бүкіл жақсылықты, мәдениетті үйретуші, тура жол көрсетуші, ғылымға бастайтын жолда айырылмас серігіміз, таптырмас ақылшымыз. Оның әр сөзі – алтыннан да қымбат». Ол не?

Дұрыс жауап: «Бұл кітап» дұрыс жауап үшін топқа жалауша беріп отыру

"Тұлпар" тобына:

-Бұл үйіңнің кішкентай табалдырығынан басталады.Анамыздай құрметтейміз,мақтан етеміз.Алысқа кетсең сағынамыз ,Сағынғанда қуантатын ғажайып табиғаты көз алдымыздан елес болып өтеді. Ол не?

Дұрыс жауап: «Туған жер» дұрыс жауап үшін топқа жалауша беріп отыру

Бесінші кезең "Блиц-турнир".

"Блиц-турнир" топ басшыларының арасында өтеді.Уақыт1минут.1сұрақ 1 ұпай.

"Қыран" тобы мен"Тұлпар" тобының басшысына

Ердің атын не шығарады?

еңбек

Отансыз адам........

Ормансыз бұлбұл

Қазақстан халқы өзінің Президентін қашан сайлады?

1991 ж 1 желтоқсан

Нан алынатын өсімдік

бидай

Қазақстанның Ата Заңы қабылданған күн?

/1995 ж, 30 тамыз/

1

Қазақтың ұлттық баспанасы

Киіз үй

2

Қазақстан Республикасы өз Тәуелсіздігін қашан алды?

1991ж 16 желтоқсан

3

Тәуелсіздік құрбандары кімдер?

Қ.Рысқұлбеков,Л.Асанова.Е.Сыпатайұлы.

4

Ел іші ... ..

алтын бесік

5

Қазақстанның ұлттық ақшасы, ол қашан айналымға енді?

теңге 1993,15қараша/

ІІІ. Қорытындылау

ХХІ ғасыр – білім мен ғылым ғасыры. Білім мен біліктіліктің бәсекеге түсер ғасыры. Білімді топтың даңқы арта түсері сөзсіз. Бүгінгі білім – ертеңгі байлығымыз. Осындай білім бәсекесін қорытындылайтын да уақыт жетті. Өздеріңіз көріп отырғандай, жеңімпаз топты анықтап, оларды бағалы сыйлықпен марапаттауға рұқсат етіңіздер. Сонымен қатар екі топ мүшелері де ойын барысында көрсеткен танымдық білім белсенділктері үшін арнайы дипломдармен марапатталады.

Жалаушаларды санау,жеңімпаз топты құттықтау.

IV. Марапаттау

Оқушылар жаттаған тақпақтар Аянат, Нарима, Бағжан

Мұғалім:

Тәуелсіз Қазақстан – ұлы Отаным,

Көк туымды қалайша құлатармын. Тып-тыныш тұрып жатқан жайымыз бар,

Бәріміз баласындай бір атаның.

Елімізде бақ-береке, ырыс болсын,

Қызыл тілім қанжардай қылыш болсын.

Халқымның ахуалы дұрыс болсын.

Еліміз әрқашанда тыныш болсын! – деп сынып сағатымызды аяқтаймыз.

«Б.Садырбайұлы атындағы орта  мектебі,мектепке дейінгі шағын орталығымен»к.м.м.

Тақырыбы «Отан сүйер ұлан бол!»

(интеллектуалды ойын- сайысы)

Иманғалиева.А.С.

3-сынып

2015-2016 оқу жылы