Отбасы туралы

Пән:  Өзін-өзі тану           Сынып: 9             Сабақ: 17-18             Күні:28.01.15           Өткізген:Нұрғалиева Ш.К.

Тақырыбы:  Отбасы - өмір аясы
Мақсаты: а) «Отбасы» құндылығы туралы түсініктерді отбасы туралы ұғымдарды кеңейту, оны сүйе білуге, отбасы игілігі үшін талмай еңбек етуге үйрету;
б) отбасының негізі өмірдің ұйытқысы, киелі қасиетке ие болу сыры, отбасы тәлімінің мәні туралы түсініктерді кеңейту;
в) отбасы тәрбиесінің мән-маңызын ашып көрсете отырып, ұлттық салтты, дәстүрді түсініп, құрметтеуге баулу, алдағы өмірге даярлау.

                                                       Сабақ  барысы:

 1. Шаттық шеңбері
Көңілге қуаныш сыйлайтын, жанымызды ізгілендіретін, өнер атауының ішіндегі құдіреттілерінің бірі - күй тыңдауға шақырамын.

2. Ойланайық, пікірлесейік
«Отбасы» сөзіне ассоциация құрғызу
• «Отбасы», «отау», «отағасы», «отау иесі» деген ұғымдарды қалай түсінесіз?
• Отбасы негізі неде деп ойлайсыз?

3. Назар аударайық
Қ. Толыбаевтың шығармасынан үзінді оқыту және оқушының есінде қалатын негізгі ұғымдарды анықтатып, тақтаға жазғызу.

4. Мәтінмен жұмыс
Ш. Айтматовтың «Мұрап» әңгімесінен үзінді оқу.
Мәтіннен қандай көріністерді елестете алар едіңдер?
• Қаратайдың отбасына қандай сипаттама берер едіңіздер?
• Отбасының берекелі болуы кімге байланысты деп ойлаймыз?
• Отбасын құру үшін ата-ананың келісімі керек пе?
• Отбасын құру үшін адамдар қанша уақыт бірін-бірі білуі керек деп ойлайсыз?

5. Дәйексөз
Үйлену дегеніміз - өз құқыңның жартысын азайтып, міндеттеріңді екі есе көбейту деген сөз.
Артур Шопенгауэр
6. Жаңа ақпарат
Отбасы адамға бақыт, толық мәнді тыныс – тіршілік әкеледі. «Үйлену оңай – үй болу қиын» дейді халық мақалы. Отбасының іргетасы ер азамат пен әйел адамның ақ неке қиып, отау тігуінен құралады. Отбасының басты қазығы, алтын діңгегі – бала. Баланың тәрбиелі жан-жақты болып өсуіне берекелі, өнегелі, ынтымақты отбасының ықпалы мол. Отбасы ата мен баланың, келін мен ененің және басқа да отбасы мүшелерінің жылы қарым-қатынасынан құрылады. Отбасы берекелі, тату болу үшін сыйластық, мейірімділік, жанашырлық, бауырмалдық қасиеттер әр адамның жүрегінен орын алуы керек. Отбасын құрғанда Адам өмірге ұрпақ әкеліп қана қоймай, сонымен бірге оған жалпы адамзаттық және ұлттық құндылықтарды, ата-бабасының салт-дәстүрін, жас ұрпақтың бойына сіңіртеді. Балаларын өздерін қоршаған ортаға және қоғамға пайдалы азамат етіп өсіру – ата-ананың ең маңызды міндеті.
«Отан оттан басталады» дейді халқымыз. Елдің, ұлттың, жалпыадамзаттың болашағы, даму деңгейі осы отбасынан басталады.

7. Бейнематериал көрсету

8.Шығармашылық жұмыс
а) Отбасына қатысты мақалдардың жалғасын табу
б) «Құндылық құнын ұғыңдар» (карточкамен жұмыс)

Құндылық құнын ұғындар

Отбасымда ең сыйлы ______________________________________
Ең қымбатты _____________________________________________
Ең ақылды _______________________________________________
Ең сүйкімді ______________________________________________
Ең құрметті ______________________________________________
Ең құнды ________________________________________________
Ең бағалы ________________________________________________
Ең қажетті _______________________________________________

9. «Менің ойымша…….» немесе «Мен ойлаймын…….» айдарында.

10.«Бақытты отбасы модулін» салу.

11. Үйге тапсырма
1. Өтілген мәтіндерді басшылыққа ала отырып отбасын құру үшін өзіңізге қоятын талаптар тізбесін жасап келіңіздер.
2. Өз отбасыңның елтаңбасын жасап көріңіздер

12. Жүректен-жүрекке
«Ұрпаққа өсиет» әнін айтқызып аяқтау

• 1 слайд

  8 қыркүйек - Отбасы күні!
  

• 2 слайд

  "Отан отбасынан басталады" деп жатамыз. Жанұяның береке-бірлігі әр сәбидің, әр баланың болашақ қадамы. Өйткені, ұяда не көрсең, ұшқанда соны ілесің. Отбасы – ол да бір шағын ғана мемлекет. Отбасы тіршілігінің ежелден қалыптасқан заңы бойынша, оны отағасы, ол болмаса, анасы, одан қалса, үлкен аға не әпке басқарады, олардың сөзін, ұйғарымын өзгелерді жерде қалдырмайды
  

• 3 слайд

  8-қыркүйек - халықаралық отбасы күні.
  Бұл күнді белгілеу түрлі мемлекеттерде қоғамның назарын отбасына аудару қажеттігінен туындаған.
  
  Мереке болған соң, міндетті түрде тарту етілетін сыйлықтар да болады. Сіздің де дәл осы күні ата-анаңызға, перзентіңізге, бауырларыңызға сыйлық жасап, қуаныш сыйлау мүмкіндігіңіз бар
  
  

• 4 слайд

  Н.Ә.Назарбаев атамыз айтқандай:Отбасы – ата-анамыздың ошағы.Отбасында адам бойындағы асыл
  қасиеттер жарқырай көрініп, қалыптасады. Отанға деген ыстық
  сезім - жақындарына, туған - туысқандарына деген сүйіспеншіліктен
  басталады.
  
  

• 5 слайд

  Адам
  
  Адам өмірге бір-ақ рет келеді. Адамзаттың осы өмірдегі маңызды мақсаты ол адам болып туған соң, адамгершілік қасиеттерін насихаттауы тиіс. Адамдардың көбі бұл өмірде бақытты болуды, отбасының болуын аңсайды. Бақытты болу үшін ақша,дүние-мүлік қажет емес, ең бастысы қасында сүйікті адамын болуы шарт немесе тату- тәтті отбасын болуы абзал. Сүйікті адамын болса, ол саған қолдау көрсетіп, көмектесері сөзсіз. Сол адаммен бірге отбасы құру бұл да бір бақыт емес пе?! Отбасынның шаңырағы биік болып, тату-тәтті ғұмыр кешу бұл да бір арман...бұл да бір бақыт...
  Сол себепті де,халайық осы өмірде барлық арман-тілектеріңіз орындалып, Абай атамыз айтқандай, «Сен де бір кірпіш дүниеге, кетігін тап та бар қалаң» өмірде өз орнын таба білу әрбір адамзаттың міндеті.
  

• 6 слайд

  Ана! Ана! Ана! «Ана» дегенде толқымайтын жүрек, толғанбайтын жан жоқ. Осы үш қана әріптен тұратын «ана» сөзінің астарында ұшантеңіз ой жатыр. Ана — әрбір адам баласы үшін ең ыстық, жанға жақын, мағыналы да қастерлі сөз. Адамзат баласы алғаш дүние есігін ашқанда ананың ақ сүтімен бойына нәр алады, ана құшағына еніп, ана мейіріміне бөленеді. Адамның аузынан шығатын ең алғаш сөзі де – «ана». Міржақып Дулатов ағамыз айтқандай, бізді сүйетұғын, күйетұғын, әрқашан қамымызды ойлап жүре тұғын абзал жанды адам, бұл – ана. Алдыңа қойған мақсатыңа жетуің үшін ана жанын қиюға да дайын. Ана баласының үлгілі азамат боп өсуі үшін бар күшін салып, тер төгеді. Ананың махаббатына, құдіретіне тамсанған талай ақын әнін арнап, жырын жазып, талай жазушы қалам тербеген.
  

• 7 слайд

  «Анаңды меккеге үш арқалап апарсаң да, қарызын өтей алмайсың» деген дана қазақ халқы. Шынында да, осыншама қиналып, көзжасын төге жүріп, бізді өсірген анаңа қолыңнан келгеніңнің бәрін істесең де, оның бәрі анаңның түн ұйқысын төрт бөлген бір күніндей ғана. Өз парызыңды өтеу, бұл – ана алдындағы парызды өтеу.Қаншама байлық иесі болсаң да, әлемге әйгілі адам болсаң да, анаңды, оның саған жасаған жақсылығын ұмытпау – сенің өмір бойындағы борышың. Қай адам қолынан келген сый – құрметін жасамады десеңші, шіркін! Бірақ соның бәрі анаңның бір ауыз жылы сөзіне де жетпейді. Дүниенің нұры, өмірдің гүлі, қызықтың қызығы – ананың қолында. Ана бір қолымен бесік тербетсе, екінші қолымен әлемді тербетеді.  
  

• 8 слайд

  Ана дейміз бәріміз де аңқылдап,
  Ана дейді жас сәби де жарқылдап
  Ана деген бай тірегі өмірдің
  Ана деген – алтын қазық, алтын бақ
  Ана деген – асыл жаңдар бұлақтай
  О адамдар қадірлей біл ананы
  Жат қылыққа ақыл-ойды тонатпай
  Ана десем, алғыс алам халқымнан,
  Ана десем, теңіз болам шалқыған
  Ана десем, ашылады қабағым
  Ана десем, әділдікті ұғамын
  

• 9 слайд

  Бақытты сәби
  

• 10 слайд

  Бақытты отбасы.
  Бақытты перзент
  

• 11 слайд

  Тату-тәтті отбасы
  

Краткое описание документа:

Тақырыбы: Отбасы - өмір аясы

Мақсаты: а) «Отбасы» құндылығы туралы түсініктерді отбасы туралы ұғымдарды кеңейту, оны сүйе білуге, отбасы игілігі үшін талмай еңбек етуге үйрету;
б) отбасының негізі өмірдің ұйытқысы, киелі қасиетке ие болу сыры, отбасы тәлімінің мәні туралы түсініктерді кеңейту;
в) отбасы тәрбиесінің мән-маңызын ашып көрсете отырып, ұлттық салтты, дәстүрді түсініп, құрметтеуге баулу, алдағы өмірге даярлау.

Сабақ барысы:

1. Шаттық шеңбері
Көңілге қуаныш сыйлайтын, жанымызды ізгілендіретін, өнер атауының ішіндегі құдіреттілерінің бірі - күй тыңдауға шақырамын.

2. Ойланайық, пікірлесейік
«Отбасы» сөзіне ассоциация құрғызу
• «Отбасы», «отау», «отағасы», «отау иесі» деген ұғымдарды қалай түсінесіз?
• Отбасы негізі неде деп ойлайсыз?

3. Назар аударайық
Қ. Толыбаевтың шығармасынан үзінді оқыту және оқушының есінде қалатын негізгі ұғымдарды анықтатып, тақтаға жазғызу.

4. Мәтінмен жұмыс
Ш. Айтматовтың «Мұрап» әңгімесінен үзінді оқу.
Мәтіннен қандай көріністерді елестете алар едіңдер?
• Қаратайдың отбасына қандай сипаттама берер едіңіздер?
• Отбасының берекелі болуы кімге байланысты деп ойлаймыз?
• Отбасын құру үшін ата-ананың келісімі керек пе?
• Отбасын құру үшін адамдар қанша уақыт бірін-бірі білуі керек деп ойлайсыз?