Открытый урок на тему "Бағдаршам"

Сабақтың ұзақтығы 1 сағат .30мин

ТАӘ: Сейсенова Гүлнұр

Жасы: 15.02.1999ж Диагнозы: УУО

Сабақтың тақырыбы: «Бағдаршам» Мақсаты: Жол жүру ережесі туралы түсінік беру . Бағдаршамның атқаратын қызметімен таныстыру. Білімділік: Бағдаршам туралы түсінігін қалыптастыру, жолда жүргенде мұқият болуға үйрету; Дамытушылық : Өз ойын толық жеткізе білуге үйрету. Сөздік қорын молайту. Ойлау қабілетің дамыту. Тәрбиелік: Жолда жүру ережесін сақтауға, ұқыптылықты болуға тәрбиелеу. Көпшілік ортада өзін ұстай білуге, үлкенді сыйлауға, жол беруге дағдыландыру.

Дидактикалық материалдар: Бағдаршамға байланысты суреттер, кітап, пазл. Көрнекі құралдар: Сурет дәптер,түсті қағаз, шаблон,қайшы,желім.

Сабақтын барысы:

Отбасы мүшелерімен және баламен амандасу. Баланың денсаулығы мен көңіл-күйін сұрау. (5 мин)

Қолын жудырып,сүлгімен сүртуге жәрдемдесу. (5 мин) Баланы психологиялық дайындау. Тақырыпқа сай жұмыс үстеліне құрал-жабдықтарын дайындау. (5мин) Ұйымдастыру: - Сергіту сәті. (5 мин)

Қызыл көзі жанғанда,

Сынық сүйем бас па алға,

Сары көзін ашқанда,

Қарап қалма аспанға,

Жасыл көзін ашқанда,

Өте бергін жасқан ба?

Жұмбақ жасыру:

Жасыл көзі" жүр" дейді.

Қызыл көзі тұр дейді.

Сары көзі "дайын бол" дейді.

-Бұл не?

-Бағдаршам

-Бағдаршам бізге жол қилыстарынан өтуге көмектеседі. Жаяу жүрушілерді жол апатынан сақтайды. Жолдан өтерде өте мұқият болу керек. Жолдан жүгіріп өтуге болмайды. Бағдаршамның үш көзі үш түрлі. Бағдаршам бар қиылыста адамдар өтетін ақ жолақтар бар. Бағдаршамның қызыл көзі жанғанда көліктер тоқтайды. Сары көзі жағанда көліктер дайындалады.

Ал, жасыл көзі жанғанда көліктер жүреді. Көшеден өткенде арнайы жолақтармен өту керек. Жол қилысында аса абай болу керек. Көшелерде, жолдарда доп ойнауға болмайды.

Жұмбақ жасыру:

-Үш көзі бар қаз-қатар

Кезек-кезек ашады.

Үшеуінен байқасам

Үш түрлі нұр шашады.

(Бағдаршам)

-Бағдаршамның қызметі қандай?

-Жол тәртібін реттеуші.

-Қай жолмен жүреміз?

-Жиек жолмен жүреміз.

-Жиек жол болмағанда ше?

- Жер асты жолымен жүреміз.

- Қоғамдық көліктерге қай жерден отырамыз.

Тақпақ:

- Қызыл жанды тоқтағын

Көрдің жұрттың тосқанын

Сары жанды дайындал

Айналаңа қарап ал

Жасыл жанды тыңдағын

Жолың ашық тұрмағын.

Жұмбақ:

-Бір көзім: кідір дейді,

Бір көзім: жүгір дейді,

Бір көзім: абайла дейді

Қарап ал маңайға дейді.

(Бағдаршам)

Ала таяқ ұтаған,

Жол тәртібін нұсқаған.

Өміріңді күзеткен,

Ысқырықпен түзеткен.

(Май)

Көше бойлап аяңдайды,

Адам тасып аялайды.

(Автобус)

Көліктің қаншасын үстінен өткізген,

Іргеден басталып, алысқа жеткізген.

(Жол)

Жаңылтпаштан жаңылма!

Күз жүзгіш

Күз жүзгіште,

Күз сүзгіш.

***

Ықылық қалды тұтылып,

Түйілдім қатты тұтығып,

Ықылық қалды тұтылып,

Сытылып шықтым құтылып.

Логикалық тапсырма.

Неше құс?

Көлден ұшса жеті қаз,

Қайтып қонды екі қаз.

Қонбады оның нешеуі,

Қане, кім тез шешеді? /Бес қаз/

***

Тауықтардың біреуі

Бес балапан шығарды.

Көптен күтіп жүр еді.

Інім қатты қуанды.

Он жұмыртқа бастырған,

Қарай алмай шаршады.

Тауығының астында.

Жатыр әлә нешеуі ? /бес балапан/

Практикалық жұмыс.

Түсті қағаздан бағдарша бейнесін қайшымен қидыру. Дайын салынған суретті түсті қазбен жапсырмалату. Шаблонмен жұмыс.

Сабақты бекіту:

Бүгінгі тақырып бойынша сұрақ- жауап.

-Бүгін бағдаршам туралы не білдік?

-Қандай түс жанғанда адамдар жүреді ?

«Арнаулы әлеуметтік қызметтер көрсету орталығы» КММ

Ашық шұғылдану жұмысының

Тақырыбы: «Бағдаршам»

Орындаған: Нурмухаметова Айнур Касенгалиевна.

Тексергендер: Әдіскер---------------------

Джунусова Ж.К.

Бөлім меңгерушісі-----------

Идрисова А.М.

Семей-2016ж