Открытый урок на тему "Грибы" (6-класс)

Сабақтың тақырыбы	Зең саңырауқұлақтары.
Сілтеме	Оқулық, интернет ресурстары
Сабақтың  мақсаты	Білімділігі: Оқушыларға саңырауқұлақтардың түрлері  туралы, төменгі сатыдағы өсімдіктердің тіршілігі туралы толық мағлұмат беру, олардың табиғаттағы маңыздылығы туралы түсіндіру; мукор және зең саңырауқұлақтарының құрылысы, жалпы сипаттамасы, пайдасы мен зияны туралы оқушыларды ақпараттандыру. Дамытушылығы: таным белсенділігін, пәнге деген қызығушылығын арттыру, өз бетінше ізденісін және топпен жұмыс жасауды меңгерту, сыни тұрғыда ойлауын дамыту; биология пәнін экспериментальді салыстыру арқылы оқыту; оқушылардың видеороликтер арқылы проблемалық сұрақтарына жауап алуына ықпал жасау. Тәрбиелілігі: оқушыларға жан – жақты білім бере отырып, оқушыны ізденімпаздыққа, ұтымды жауап беруге тәрбиелеу; ұжымдық тәрбие қалыптастыру.
Оқыту нәтижесі	Оқушылардың сабаққа деген ынтасы артады; - Жаңа материалды өз беттерімен оқып үйренеді; - Экспериментальды оқыту арқылы салыстыра оқып үйренеді; - Білімдерін бағалауды үйренеді; -Сыни тұрғыда ойлап үйренеді; -Топпен ынтымақтыстықта қарым – қатынас жасап үйренеді.
Негізгі идеялар	Саңырауқұлақтар; Мукор және зең саңырауқұлақтары. Пеницилл Аспергилл
Дереккөздер	Биология. Оқулық. 6 – сынып. 2015ж.
Тапсырмалар	1.       «Миға шабуыл» арқылы сұрақтарға жауап беру; 2.      Постер қорғау арқылы; 3.      Топтық жұмыс. ДЖИГСО әдісі арқылы;
Кейінгі тапсырмалар	Жаңа тақырыпқа байланысты   «Ерекшесін көрсету»  әдістері арқылы тапсырмалар беру, «ДЖИГСО» әдісі арқылы,RAFT стратегиясы бойынша әр топ көшбасшылары өтіліп жатқан объектіні суреттейді.
Әдіс - тәсілдері	СТО, топтық  және  практикалық  әдіс

Сабақ бойынша мұғалімнің  жазбалары:  (мұғалім және оқушы  немен айналысады)

Сабақтың барысы:
І. Ұйымдастыру кезеңі (3 мин)

ІІ. Үй тапсырмасын сұрау ( 7 мин)
ІІІ. Жаңа сабақты түсіндіру (10 мин)
ІV. Жаңа сабақты бекіту (15 мин)
V. Кері байланыс (2 мин)
VІ.Үйге тапсырма беру (2 мин)

І.Ұйымдастыру кезеңі. (3 мин)

1) «Достық шеңберін» құрып, психологиялық атмосфера қалыптастыру;

2). Топқа бөлу;

3).Оқушыларды түгендеу;
4) Сыныпты жинақтау.

ІІ. Үй тапсырмасын сұрау кезеңі:

І.Қызығушылықты  ояту.(4 мин)

Топ  басшылары  сайланып, сабақ кезеңдерінде белсенділік танытқан оқушыларды  бағалау парағына  бағалап  отырады.

Өткен  тарауда  алған  білімдерін  еске  түсіру  мақсатында  «Кейіпкерге хат» ойыны арқылы (RAFT стратегиясы)
Әр топтан топ басшысы үй тапсырмасын ауызша баяндайды. Ал қалған топ мүшелері Тақтаға ассоциациялық карта құрастырады.

ІІ.Мағынаны  тану.(2 мин)

«Миға шабуыл» сұрақтары арқылы

Өткен  сабақтағы  саңырауқұлақтардың  көбеюі  туралы  сұрақтарға  жауап  беру  арқылы  жаңа  сабаққа  көшу:

1.Саңырауқұлақтар  қандай  жолдармен  көбейеді?

2. Вегетативті  көбею  қалай  жүзеге  асады? (Жіпше, өсімді денесі  арқылы).

3. Жынысты  көбею  ше? (Гаметалардың  қосылуы  арқылы зигота түзіп).

4. Жыныссыз  көбею  қалай  жүреді? (Споралар  арқылы).

5.Күнделікті  тұрмыста, үйде  азық-түліктердің, жемістердің  көктеп, бүлінгенін  көресіздер ме? Ал  олардың  біржасушалы  саңырауқұлақтардың   өсімді  денесі, споралары  екенін  білеміз  бе?

Оқушылардың жауабын тыңдап, жаңа сабақтың тақырыбын ашу.

ІІІ. Жаңа сабақты түсіндіру кезеңі: (10 мин)

Ендеше  бүгінгі  сабақта  біржасушалы  саңырауқұлақтармен танысатын  боламыз.

Зең саңырауқұлақтары күнделікті тұрмысымызда жиі кездеседі. Солардың бірі ақ зең немесе мукор саңырауқұлағын қарастырайық. Олар табиғатта өсімдік қалдықтарының, шірінділердің арасында, көңнің құрамында кездеседі. Үйде ұннан жасалған тағамдардың, нанның беті екі – үш тәулік жабық қалдырылса, үлпілдек мақта тәрізді мукор саңырауқұлағының жіпшумағы пайда болады. Бұл түссіз жіпшумақ – өсіп кеткен бір ғана жасуша. Хлорифилі болмағандықтан органикалық зат түзе алмайды. Олар дайын органикалық заттарды өздері өсіп тұрған ортадан сіңіріп, қоректенеді.Жіпшелері біраз ұзарып өскеннен кейін пердемен қапталған спора жиналатын қалта спорангий түзіледі.

Пеницилл мен аспергилл де зең саңырауқұлақтарына жатады. Бұлар толық жетілмеген саңырауқұлақтар. Олардың түсті шоғырлы жіпшумағы болады. Олар конидиялар арқылы көбейеді. Медицинада пеницилдің 2 түрінен дәрі алады. Олар мынадай ауруларға қарсы қолданылады:

-Өкпенің қабынуы;

-Ревматизм;

- Дифтерия;

-Скарлатина.

Аспергилл  - табиғаттағы тепе – теңдікті сақтауға көмектеседі.  Ерекше зиянды ағзалардың өсуін тежейді.

ІV. Жаңа сабақты бекіту. (15 мин)

1). «ДЖИГСО» әдісі арқылы оқушыларға оқулықтан теориялық білім қалыптастыру тапсырмасы  беріледі.
      Оқулықтағы  мәтіннен   1 – топ ашытқы  саңырақұлағын, 2 – топ пеницилл немесе «жасыл зең»  саңырауқұлағы  мен аспергилл туралы, 3- топ мукор немесе «ақ зең» саңырауқұлағы туралы  оқып, жаңа сабақтың мазмұнын түсініп, топта  талдап, өзге топтармен білімдерін бөлісіп, сипаттама  береді.

(1 – 2);   (2 -3);  (3 – 1).

Әр топ өздеріне берілген А4 қағазына өз тақырыптарына байланысты Постер қорғайды.

Сергіту сәті. «Саңырауқұлақтардың пайдасы» тақырыбында видеоролик тамашалайды.(3 мин)

V. Ой толғаныс (5 мин)

2).   Семантикалық карта құрастырылады.

Атауы	Зең саңырауқұлақ	Дәрі жасалады	Ауру  тудырады	Тамақ өндірісінде қолданады	Тағамдарды  бүлдіреді	Сары шоғыр түзеді	Көкшіл шоғыр түзеді
Мукор
Пеницилл
Ашытқы
Аспергилл

Семантикалық  карта

Бағалау. Топ  басшыларының  бағалауларын  ескере  отырып  оқушыларды  бағалау.(3 мин)

р/с	Топ мүшелерінің аты - жөні	«RAFT стратегиясы»	Сұрақ - жауап	Топтық жұмыс	Семантикалық карта
1
2
3
4
5
6
7
8

Кері байланыс (2 мин)

Оқушылар «Білім ағашы» - на сабақта не сәтті өтті, нені жақсы меңгерді, соларды ескере отырып білім шыңының қай деңгейінде екендіктерін өздері көрсетеді.

Үйге тапсырма: Тақырыпты  оқу. Жаңа  терминдерді сөздікке  жазып, жаттау.
Зең  саңырауқұлақтардың  тұрмыста пайда болуын бақылау. Біржасушалы  саңырауқұлақтар  тақырыбына  шағын  жоба  қорғау.

р/с	Топ мүшелерінің аты - жөні	«RAFT стратегиясы»	Сұрақ - жауап	Топтық жұмыс	Семантикалық карта
1
2
3
4
5
6
7
8

Топ басшысының топ мүшелерін өзіндік бағалау бетшесі