Тақырыбы: Қош бол, әйбат Әліппем
Мақсаты:
Білімділік: Оқушылардың сауат ашу барысындағы алған білімдерін
тиянақтау. Әр оқушының іс-әрекеті арқылы икемділігін,
шығармашылық мүмкіндігін ашу. Өнерлерін тамашалау.
Әліппе оқулығының қадір-қасиетін ұғындыру.
Дамытушылық:оқушылардың іскерлік-дағдыларын дамыту, сөйлеу
мәдениетін дамыту, ой-саналарының өскендігін көрсету.
Тәрбиелік: Отанын, мектебін, ұстаздарын, ата-аналарын құрметтеуге
тәрбиелеу.
Көрнекілігі: Қазақ әліпбиі,суреттер, нақыл сөздер, «Әліппе», «Ана тілі», оқулықтарының мұқабасы, ауызша есепке көрнекілік, шарлар.
Атасы немересін жетектеп келеді.
Автор:
Жеті жасар баласын,
Жетпісте шал жетектеп.
Келе жатыр көшеде,
«Қайда әлгі мектеп»-деп.
Жетпіс келед жүгіріп.
Ата:
Балам,балам, жақсы бол,
Міне,сенің мектебің.
Сабағыңа зейін сал
Ақылды бол тентегім.
Немере:
Қыркүйекте келдім де
Сыныпқа кірдім қуанып,
Қарсы алды ұстаз мейіріммен
Қадамымды құп алып.
І-жүргізуші:
Ассалаумағалейкум, уа халайық!
ІІ-жүргізуші:
Армысыздар ардақты әкелер мен аналар.
Мұғалім:
Армысыздар құрметті қонақтар, оқушылар! Шәкірттердің қолдарына тұңғыш рет ұстап, бетін ашқан оқулығы «Әліппе».
Кеше ғана қыркүйек айы еді. Елбасының салихалы саясатының арқасында елімізде бірнеше мектеп салынып халық игілігіне пайдалануда. Соның дәлелі біздің елді мекенімізде №49 орта мектеп ашылып, алғашқы мектеп табалдырығын аттаған білдіршіндеріміз қолдарына әліппені алып білім жолының алғашқы табалдырығынан аттағалы отыр.Сіздер балаларыңызды біздің мектепке көңілдеріңізге үмітпен, сеніммен әкелдіңіздер. Ал біздер құшақ жая қарсы алдық. Арада өткен уақыт бойы біздер көп еңбектендік те, арасында біраз қиналдық та, жетістіктерімізге қуандық. Ал енді бүгін «Әліппемен қоштасу» мерекесі. Соңғы жылдары елімізде білім саласында көптеген жаңалықтар мен өзгерістер, жаңа бағдарламалар еніп жатыр. Бірақ сонда да Әліппе оқулығы сауатымызды ашқан ең алғашқа алтын кітабымыз болып қала береді. Біз Әліппемен қоштасамыз. Бірақ әлі алда әлі көп қызықтар, білім қоры, шығармашылық күтіп тұр. Барлық ғылымның атасы, болашағымыздың негізі- әліппені бітіру тойына хош келіпсіздер дей отырып, ертеңгілігімізді бастайық.
І-жүргізуші:
Кешегі сәби балаңыз,
Жарады міне қараңыз.
Ғылым, білім жолына,
Енді қайық саламыз.
ІІ-жүргізуші:
Көз салып қараңызшы бойымызға,
Ортақ боп бүгін өскен ойымызға.
Қош келіпсіз, ұстаздар, ата-аналар,
Әліппемен қоштасу тойымызға.
Мұғалім:
Өсті міне бойларың,
Өсті ақыл ойларың.
Қуаншқа ортақпын,
Құтты болсын тойларың!
-Балалар, мен сіздерге сұрақ қоюдан бастайын.
Іші толы әріпке,
Білімдегі жарық не?
Хор:
Ұлдар: Болашаққа жол ашар-
Қыздар: Ол сүйікті- Әліппе!
Мұғалім:Олай болса, бәрімізге ең қымбат Әліппені ортаға шақырайық.
Хормен: Әліппе! Әліппе! Әліппе!
Әліппе:
-Армысыңдар жас достар!
Армысыңдар, ата-ана!
Болашаққа жол бастар,
Әліппең келді ортаға.
Білім деген ғажаптың,
Әліппесін меңгерген.
Келешегі қазақтың,
Басталады сендерден.
Таудай болса талабың,
Айтары көп әріптің
Қуанышы баланың
Қуанышы ананың
Жақсы білім көрімдік,
Болсын бізге халайық.
Не үйретіп, не білдік,
Қане, ортаға салайық!
Мұғалім:
Әлипбиді білдіңдер,
Әр әріпті танып дәл!
Біздің қазақ тілінде
Қырық екі әріп бар
Ал әріптер, шығыңдар
Орындарыңа тұрыңдар
Бастайық кәне айтысты
Жібермейік намысты.
(Оқушылардың тақпақтары кетеді)
Жарайсыңдар балалар, Жалқаубек болмай, Ақылдыбек болыңдар!
(сахнаға кір қожалақ Жалқаубек кіріп келеді)
Жалқаубек:
-Мыналар неге жиналып алған-әй.Менің атымды кім атаған? Қайсың?
Әліппе: Жалқаубек сен осы Жалқаубек деген аттан жалыққан жоқпысың?
Жалқаубекті ұялатын іс істеп, ұялту керек сонда ғана қоятын болады.
Ән: Жалқаубек
Әліппе:
-Балалар мен осы тойға Ана тілін шақырған болатынмын, сіздер танымай қалып шығарып жіберген жоқсыңдар ма?
І-жүргізуші:
-Жоқ ол не дегеніңіз? Біз келген қонақтарды қайтарып көрген емеспіз, бізге көбелектерден басқа ешкім келген жоқ.
ІІ-жүргізуші:
-Әділет сен білесің бе, көбелектер та-ма-ша билейді дейді.
І-жүргізуші:
-Олай болса көбелектердің биін тамашалайық.
Би: «Көбелектер»
Әліппе : Ойпырмай бәрекелді, мен сізді жаңа ғана іздеп жатыр едім.
Хош келдің Ана тілі.
-Балалар, әріпті танып, тақылдап сөйлей аласыңдар.Енді сауатты жазу мен мәнерлеп оқытатын досыммен сіздерді таныстырайын да, сендерді табыстырайын. Ол Ана тілі, енді сіздер ана тілімен дос болыңдар.
Ал мен сендермен қоштасамын, үнемі биіктен көріне беріңдер.
З.Нұрәділ:
Ашыла берді алдымнан
Кең дүние есігі.
Соғылған сомдап алтыннан
Әліппе-білім бесігі!
Әліппем, менің Әліппем!
Өмірде көрем таным мен.
Қайталап айтам мың рет,
Өзіңе көп-көп рахмет!
Н.Нұрәділ:
Қош бол, құтты Әліппем,
Көп нәрсені үйреттің.
Таныстырып әріппен
Тақылдатып сөйлетіп
Ән: «Қош бол, құтты Әліппем!»
Фатима:
Ана тілім- елдігім,
Ана тілім ерлігім.
Ана тілі болмаса,
Бүтінделмес темдігім.
ІІ-жүргізуші:
Алфавиттің
А тұрады басында.
Әрқашан да
Ә тұрады қасында.
Байқадың ба?
Б тұрады үшінші.
Ал осының сыры неде?
Түсінші:
І-жүргізуші:
Айсая, соны да білмедің бе?
А деген ол -аналар ғой ардақты,
Ә деген ол-әкелер ғой салмақты,
Б деген ол -балалар ғой әдемі.
Біздің елде үшеуі де кәделі.
Ана тілі:-Балалар сендерге көп-көп рахмет.-Мен сендердің әліппеден алған білімдеріңді тексеру мақсатында сендермен ойын ойнағым келіп отыр.
Әлгі Жалқаубекті ортаға алайық, оны да ойынға қосайық.
Жалқаубек сен шардың ішінде құпия тапсырмалар жасырулы сен ептілік танытып шарды жарып ішіндегі тапсырманы оқып бере ғой.
Жалқаубек:
Алфавитте неше дыбыс бар?
Дыбыстар нешеге бөлінеді?
Неше дауысты дыбыс бар?
Неше дауыссыз дыбыс бар?
Неше белгі бар?
Буын дегеніміз не?
Сөз неден құралады?
Сөйлем неден құралады?
Мақалдың жалғасын тап дейді.
1)Оқу -білім бұлағы,
...............................
2)Еңбектің наны тәтті,
..................................
3) Отан үшін отқа түс..............
4)Білекті бірді жығар,
.................................
Жұмбақтың шешуін тап дейді.
1)Жазу жазып жалықпаған,
Жаза-жаза арықтаған.
2)Алты қырлы,
Алтын сырлы.
3)Үйреткен ілімді,
Қырық екі білімді.
4) Қабат-қабат қаттама,
Ақылың болса, аттама.
Мұғалім:
Жарайсыңдар балалар,әліппеден алған білімдеріңді жақсы көрсете білдіңдер, енді ән айту шеберлігімізді де неге көрсетпеске.
І-жүргізуші:
Бүгін қызық, бүгін той,
Біздер үшін біліп қой.
Әнде салып, би билеп,
Жалғастырып ойды ой-деп кезекті әнге берелік.
Ән: «Бал балалық» орындайтын Сахитжан Аслан
ІІ-жүргізуші:
Ажырамай мектептен бір елі сіз,
Жақсылыққа жаралған жүрегіңіз.
Сөз берелік құрметпен өзіңізге,
Оқушыларға арналсын тілегіңіз-деп мектебіміздің басшысы
Ерік Әбдірашұлына құттықтау сөз кезегі беріледі.
Ана тілі:
Туған елдің тілімін,
Ақылы мен танымын
Түсіндірер бәріне
Ана тілі-пәнімін.
Ана тілім -елдігім,
Ана тілі-болмаса
Бүтінделмес теңдігім.
(Оқушыларға оқулық ұсынады)
Жалқаубек: Ау халайық бір шарымыз қалды ғой ,ей тапсырманы орындаудан қашып тұрған жоқпысыңдар.
Математикалық тапсырмалар.
1) 3-8 неше таңбалы сан?
10 неше таңбалы сан?
1 мен 9 қосындысы неше?
3пен3 қосындысы нешеге тең?
8 бен 2 нің қосындысы нешеге тең?
2)Айманда 5 шар бар.
Болатта 3 шар.
Барлығы қанша шар?
5+3=8
Барлығы 8 шар
3)Суретте қанша текше орналасқан?
4) Мына сызықтарды атаңдар?
Ән : «Математика сабағы» хор
Ана тілі:
Туған елдің тілімін,
Ақылы мен танымын
Түсіндірер бәріне
Ана тілі-пәнімін.
Ана тілім -елдігім,
Ана тілі-болмаса
Бүтінделмес теңдігім.
(Оқушыларға оқулық ұсынады)
Мұғалім:
Жүздеріңнен көрем шаттық әр айын,
Болсын солай әрбір күнің, әр айың.
Тойларыңыз құтты болсын, ата-ана.
Тойларыңыз құтты болсын, ағайын-деп кезекті балаларымызды осындай деңгейге жеткізген әрейне сіздердің арқаларыңыз,олай болса сөз кезегі өздеріңізде.
Мұғалім:
Әліппені қолға алып ойланам,
Қалай оқып кетер депте толғанам.
Әріптерді жазамыз әдемілеп,
Мақтап қоям: «жарайсың кәделі» деп
Ерекше ғой орыны есептердің
Жалқау бала көрмеппін есептеуде.
Тойдың басы бұл біздің ата-аналар,
Жігіт болсын баламыз атақ алар-деп «Қош бол, әйбат Әліппем» атты ертеңгілігімізді Серікбаева Айсаяның «Көңілді күн » әнімен аяқтаймыз.
Оставьте свой комментарий
Авторизуйтесь, чтобы задавать вопросы.