Открытый урок на тему: Заттың санын білдіретін сөздер. “Үш би”

Тақырыбы: Заттың санын білдіретін сөздер. “Үш би.”

Мақсаты:

Білімділік:Заттың санын білдіретін сөздер қанша? неше? Ұғымы туралы білімдерін пысықтау. Қазақтың үш биі туралы мағлұмат беру.

Дамытушылық:Жаттығулар орындау арқылы оқушылардың ойлау қабілетін, сөздік қорын, есте сақтау қабілеттерін дамыту.

Тәрбиелілік:Отанын сүюге, туған жерін, елін,халқын қорғауға тәрбиелеу.

Сабақтың түрі: аралас сабақ

Көрнекі-құралдар: үш би суреті, сұрақтар,

Әдіс-тәсілдері: сұрақ-жауап, , әңгімелеу

Пән аралық байланыс: математика

Сабақтың барысы: І. Ұйымдастыру кезеңі: түгендеу, оқушылардың сабаққа зейінін  аудару.

ІІ. Психологиялық дайындық:

-Екі көз не үшін керек?

– Барлық жақсылықты көру үшін.

-Екі құлақ не үшін керек?

-Ақыл-кеңес тыңдау үшін.

-Екі қол не үшін керек?

-Елге көмек беру  үшін.

-Екі аяқ не үшін керек?

-Шетте жүрсең,туған жерге жету үшін..

1. Ұранымыз: «Жақсы оқу, үлгілі болу».

2. Мақсатымыз: «Еңбектену, 4-5-ке қол жеткізу»

ІІ. Өткен материалдарды еске түсіру.

а)Өлеңмен жұмыс.

«Домалақ ана» өлеңін пысықтап оқыту немесе жатқа сұрау.

ә)Ережелерді қайталау.

– Кім?Кімдер?Не?Нелер? сұрақтарына жауап беретін сөздер кімнің және ненің атын білдіреді?Мысал келтірейік.

– Қандай сөздер бас әріппен басталып жазылады?Мысал келтірейік.

-Не істеді?Не қылды? Қайтті?сұрақтарына жауап беретін сөздер  нені   білдіреді?Мысал келтірейік.

-Қандай? Қай? сұрақтарына жауап беретін сөздер заттың  несін білдіреді?Мысал келтірейік.

-Қанша?Неше?Нешінші? сұрақтарына жауап беретін сөздер заттың несін білдіреді?Мысал келтірейік.

ІІІ. Мақсат қою.

(Сан есімді пысықтау)

– Балалар жылдың неше мезгілі бар? (4)

– Қазір қай мезгіл? (көктем)

– Көктем айлары нешеу? (3)

– Сен нешінші сыныпта оқисың? (бірінші)

– Жасың нешеде? (сегізде)

– Сен нешінші партада отырасың? (үшінші)

– Мен сендерге қандай сұрақтар қойдым? (Қанша? Неше? Нешінші?)

– Ендеше балалар бүгін біз сендермен заттың санын білдіретін сөздерге арналған жаттығу жұмысын орындаймыз.

б) 136- жаттығу.(жазбаша) Сандарды сөзбен жазу.

11,12,13,14

Үлгі: он бір, …

2.Екі таңбалы сан атауларының бөлек жазылатынын естеріңе сақтаңдар.

IV. Сергіту сәті.

Көк аспанға қараймын,

Келген құсты  санаймын,

Үшбұрыш  болып тырналар,

Көк жүзінде сырғанар.

в) 138- жаттығу. Көп нүктенің орнына аптаның нешінші күні екенін жазыңдар.(ауызша)

Аптаның нешінші күнін білдіретін сөзді тап.

Дүйсенбі-аптаның бірінші күні.

Сейсенбі-… … … .

Сәрсенбі-… … … .

Бейсенбі-… … … .

Жұма-… … … .

Сенбі-… … … .

V. Жаңа сабақ.

– Бүгін біз сендермен Үш би.

Мұғалімнің қысқаша мағлұмат беруі:

Төле би ақылды,әділ адам болған.

Қаздауысты Қазыбек би тапқыр,батыл,шешен атанған.

Әйтек би шешендігіне қоса,ел басқарған.

Қазақтың бұл үш биі-халық қамын ойлаған адамдар.

VI.Оқулықпен жұмыс.

Н. Оразалиннің «Үш би» өлеңін оқиық.

1. Өлеңді мұғалімнің оқып беруі.

2. Оқушыларға оқыту: дауыстап тізбектей оқыту, іштей оқу.

-Өлеңнің ішінде заттың санын білдіретін сөзді табыңдар?

3. Сұрақ- жауап арқылы тауып оқып, қорыту.

-Төле би мен Қазыбек,Әйтеке биді-кім дейді?

-Еліне қандай болған?

-Көліне қандай болған?

-Жеріне не болған?

-Кімнің туын ұстаған?

-Кімнің намысын ұштаған?

-Қасиетті үш бабамызды қалың қазақ кім деп тұтар?

-Қазақтың үш биі туралы не айтамыз?

VIІ.Сергіту сәті.

Солға, солға түзу тұр.

Алақанда шапалақ…

Оңға,оңға түзу тұр.

Алақанда шапалақ…

Алға қарай бір адым

Алақанда шапалақ…

Артқа қарай бір адым

Алақанда шапалақ.

..Шыр көбелек айналып,

Орнымызды табайық.

5.Мақал оқыту,түсіндіру.

Шешен сөз бастар,

Батыр қол бастар.

-Батырлар туралы қандай мақал-мәтелдер білесіңдер?

– Шешен деп кімді айтамыз?

– Батыр деп кімді айтамыз?

Сан есім ережесін, сұрақтарын қайталау.

VІІІ.Сергіту сәті.

Аспанға  қарап  ай  көрдім,

Төменге  қарап  жер  көрдім.

Оңға,  солға  бұрылып,

Егеменді  ел  көрдім!

ІХ. Қорыту

-Біз нені білдік?

-Қанша?Неше?Нешінші? сұрақтарына жауап беретін сөздер заттың несін білдіреді? Мысал келтір.

– Келешекте нені білгіміз келеді?

– Сан есімнің түрлерін.

Х. Бағалау.Мадақтау.

ХІ. Үйге:

«Үш би» өлеңін жаттау.

в) 137- жаттығу.(ауызша)1.Сұрақтарға жауап жазыңдар.

1. Атың кім?

2. Неше жастасың?

3. Қай сыныпта оқисың?

ә) Неше? Нешінші сұрақтарына жауап беретін сөздердің астын сызыңдар?