Открытый урок на тему "Жанасу сипатын ажырату"

Мерзімі: 23.11.2017жыл

Сыныбы: 3«А»

Пәні: Мимика және пантомимиканы дамыту

Сабақтың тақырыбы: Жанасу сипатын ажырату

Сабақтың мақсаты:  Жанасу  сипатын ажырату. Ауратындығын  сезіну және тері арқылы қабылдау, басу, қақтығысу. Кеңістіктегі  қауіпсіз іс-әрекеттің оңтайлы жолдарын таңдау.

Білімділік: Қоршаған ортамен байланысты түсіну, талдау. Табиғатпен жанасу түсінігін толықтыру. Тері арқылы қабылдауды меңгеру, ауратындығын сезіну процессін түсіну және ажырату. Кеңістіктегі іс-әрекеттердің қауіпсіздігін есте сақтауын қалыптастыру.

Дамытушылығы: Қолдың ұсақ және жалпы моторикасын дамыту арқылы оқушылардың қимылдары мен  бұлшық етінің жетілуімен бірге, сөйлеу тілін, ойлау қабілетін, қиялдауын, көру және есте сақтау қабілетін нығайту. Танымдылық қабілеттерін, қызығушылықтарын арттыру, шапшаңдыққа баулу.

Тәрбиелігі: Ұқыптылыққа, әдептілікке, еңбеккорлыққа, достыққа, қамқорлыққа тәрбиелеу. Табиғатты аялауды, қоршаған ортаның байлықтарын бағалауды насихаттау. Топпен жұмыс істей отырып, өзгенің пікірін құрметтеуге тәрбиелеу.

Сабақтың түрі: Аралас сабақ, интеллектуалдық ойын.

Көрнекілік дидактикалық материалдар: Плакат, шарлар, су, үлестірмелі  қима қағаздар, карточкалар, смайликтер, әуен.

Технология түрлерінің қолданылуы: интерактивті тақта, компьтер.

Пән аралық байланыс: Дүниетану,түзету ырғағы.

Сабақтың барысы:

Ұйымдастыру кезеңі:

         Оқушылармен және қонақтарымызбен сәлемдесу.Жымиып, күлімсіреп. Көңіл-күйін сұрау және ерекше түрде бір-бірімен амандасу.  Балалар бір-бірімен шеңбер құрып тұрып, әр қайсысы әр түрлі амандасады(мыс: қолмен, иықпен,құлақпен, тіземен, өкшемен,  кеудемен, т.б) Енді, балалар осы сәлемдесу түрі сабақ тақырыбына байланысты. Сабақтың тақырыбы жанасу сипатын ажырату. Қоршаған ортамен адамның байланысуы. Ауырсынуды, қақтығысуды және қоршаған орта кеңістігінде қауіпсіздікді ескеру.

Жаңа сабақ:

       Оқушылар бүгінгі сабағымыз өте ерекше әрі қызық өткелі тұр. Себебі, бізге бүгін қонақтар келіп отыр, сондықтан уақытты үнемдеп пайдаланып, сабаққа бар ынтамызбен бет бұрайық. Тақырыпқа деген қызығушулығымызды арттыру және білімімізді шыңдау үшін сабағымызды ойын арқылы өткізейік.  Дайынсыңдарма балалар?

      Бірінші тапсырмамызға көшейік. Ал, балалар мында бізге тапсырмамыздың бастамасы берілген екен. Қанекей, кім оқиды екен тапсырманы?...  (Адам мен қоршаған ортаның жанасуы тері арқылы жүзеге асады) көрдіңдерме балалар біздің тапсырманың басы да келіп жетіпті, осы тапсырманы түсінікті болу үшін сендерге толықтыра кетейін. Тері сыртқы ортамен тікелей жанасады. Сондықтан сыртқы ортада жүретінөзгерістерді ең алдымен тері сезінеді,ақпаратты қабылдайды. Ол жанасу мен қысымды, жылу мен
суықты,  ауруды қабылдайды. Енді сендерге мысал ретінде екі доп әкелдім бірі тегіс, бірі тікенекті осы доптарды қолымызға жанай отырып не сезінгенімізді байқайық.

       Екінші тапсырма: Балалар, қанекей, кім оқиды екен тапсырманы?.... ( Жылу және суықты адамның ең бірінші болып ерні мен беті, саусақ ұштары бірінші  қабылдайды) Көрдіңдерме балалар кез келген нәрсені қабылдауда адам организімі басты сигнал беріп тұрады. Қандай нәрсе қауіпті және қауіпсіз екендігін аңғару үшін алдымен кез келген нәрсені ұстап, сипап және көріп білу керек. Сендерге мен тағы бір мысал әкелдім мына кеселерде бірі жылы бірі салқын су бар бұларды қауіпсіздікті сақтай отыра, бізге зиянын тигізбейтіндей қалай байқауға болады. Міндетті түрде алдымен сыртын ұстап білу керек. Содан қолмен көруге болады. Көзді жұмып затты ұстағанда біз оның көлемін, пішінін және температурасын анықтай аламыз. Яғни қолмен жанасу арқылы қоршаған ортамыз зерттеп біле аламыз. Бұл әсіресе көзі нашар көретін балаларда сипап сезу өте жақсы дамыған, міне, сондықтан біз Брайл нүктелері арқылы жұмыс жасаймыз.

      Көз жаттығулары: Б.қ тұрып көзімізді жәймен жұмамыз,  Көзімізді ашып, жыпылық қағып, қабақты түйіп тұрамыз(2рет)Көзімізді жұмып, екі саусақпен көзіміздің айналасына жәймен айналдыра массаж жасаймыз.(3рет)

    Енді ары қарай тапсырмамыз сергіту сәттерімен байланысады. Мында бізге аяқталмаған сурет келіпті осы суретті ерекшелетіп аяқтап көңіл-күйімізді қалпына келтіреміз. Бұл суреттің ерекшелігі суретті әдемі көбелектерді қондыру арқылы саламыз. Осылайша біз ең керемет көңіл куйді сақтап қаламыз. Қоршаған ортаны аялау, қастерлеу деген ұғымды қалай түсінесіңдер балалар?Енді, уш түрлі көңіл куйде тақпақ айтып жіберейік балалар.(Жылау, күлу, ашулану)

       Қараңдаршы балалар біздің к-күйімізді қоңыздар бұзғылары келіп жатыр екен. Олардың ішінде тапсырмалар бар екен, қоңыздарды жарып, тапсырманы орындасақ бізге сабақ соңында «Бақытты көңіл-күй» құрамы(рецепті) бар екен соған жете аламызба, тапсырманы орындай аласыңдарма балалар? Тапсырмасы:Мимика арқылы смайликтермен жануарлар бейнесін көрсету.

          Мында бізге сыйлық жіберіпті сыйлықтың құрамы бар екен «Бақытты көңіл-күй»

300гр сабақ, қою тәтті крем, 2кг бақыт, 3 кесе үй тапсырмасы, жақсы қуырылған әзіл, 6 улкен қасық күлкіні себеміз, 2литр шоколад құйылған құраммен жасалған тәтті кәмпиттер. Міне балалар осы кәмпитті жеп керемет Бақытты көңіл-күймен өмір сүрейік.

         Сабақты қорытындылау:

Не білдіңдер? Не түсіндіңдер? Бас, қол, ерін уш тілде айту. Сабақ ұнадыма балалар?

\

№5 «көру қабілеті бұзылған балалардың арнайы (түзету)

мектеп – интернаты» коммуналдық мемлекеттік мекемесі

Тақырыбы: «Жанасу сипатын      ажырату»

     Өткізілген күні: 23.11.17ж

       Өткізген:   Кәрібаева Айгерім

Қызылорда 2017-2018жыл