Открытый урок на тему "Жас ұрпақты тәрбиелеу үрдісіндегі бос – уақытты тиімді пайдалану жолдары"

Жас  ұрпақты  тәрбиелеу   үрдісіндегі  бос – уақытты

тиімді  пайдалану  жолдары

Мақсаты:  Оқушыларға бос уақытын тиімді пайдалануына ықпал ету,

                    оқушыны жеке тұлға етіп қалыптастырып, болашаққа деген

                    сенімін нығайту, ізгілікке, еңбекқорлыққа, тапқырлыққа

                    тәрбиелеу.

         Егеменді еліміздің жарқын болашағы болар жас ұрпаққа терең мазмұнды  білім  беру мен ұлтын сүйер патриот тәрбиелеу бүгінгі алға қойған міндеті. Жас ұрпақ тәрбиесі  қай заманда болмасын уақыт сөресінен түскен емес. Тәрбие  мәселесі  адам  баласының  ғұмырындағы  ажырамайтын  баға  жетпес  құндылық.

          Тәрбие – халықтың ғасырлар бойы  жинақтаған  ізгі  қасиеттерін  жас ұрпақтың   бойына  сіңіру  баланың   қоршаған  ортадағы  қарым-қатынасын, өмірге  деген  көзқарасын  қалыптастыру. Ал  тәрбиенің  негізгі мақсаты – дені  сау, ұлттық сана сезімі, рухани  ойлау дәрежесі  биік,  мәдениетті,  ар – ожданы  мол,  икемді,  бойында  ізгі  қасиеттер  қалыптасқан  адам  тәрбиелеу. Бұл  тұрғыда  тәрбиенің  мынандай   құралдарын  қолданғанымыз  жөн: сөз, өнер, ойын,  әлеуметтік  орта, еңбек, спорт.

         Тәрбие  үрдісін   ізгілендірудің  және  сабақтан  тыс бос уақытына тиімді  жетілдірудің  негізгі  шарты  балаларға  даралап  ықпал  ету. Топта   әр-түрлі  мінез-құлықты балалар тәрбиеленеді. Кейбір  бала  өзіне  ерекше назар  аударуды  қажет етеді. Тәрбиеші  балалармен  педагог  ретінде  емес, анасы  ретінде  сөзге  тартып, ашық  пікірлеседі.  Яғни  тәрбиеші – екінші анасы болып  табылады. Тәрбиеші  бала  бойындағы  қасиеттерін  одан әрі дамытып, қабілеттерін  шыңдауға  міндетті. Сондықтан  баланың бос уақытын дұрыс ұйымдастыра білу тәрбиешінің шеберлігін қажет етеді. Балалар  бос  уақытында  қоғамдық  пайдалы  істерге, спорттық  ойындарға,  кітапханаға, түрлі үйірмелерге қатысуға, теледидар көруге, таза ауада серуендеп, мұражайға, саябақтарға  бара  алады.

        Оқудан  бос  уақытында  жасөспірім  ортақ  істің  белсенді  қатысушысы болуға  мүмкіндік  алады. Бала  қоғамдық  пайдалы  іске  араласа отырып, өзін  қоғамның  бір  бөлшегі, пайдалы  адам  екенін  ұғынады. Теледидардан  мульттоптамалар  көріп, ой-өрісін  кеңейтіп, түрлі  танымдық  көзқарастары артады. Мұражай,  саябақтарға  саяхат  жасау,          өз туған өлкесінің мәдениетімен  тұрмыс  тіршілігімен  танысып, табиғат  тамашаларын  сезінеді.

        Үйірмелерге қатысу, қолөнермен айналысу, кітап оқу баланы шығармашылыққа жетелейді. Қолынан іс келетін болашақ мамандық таңдауға  мүмкіндік   алады.

       Тәрбиеші осы істер барысында жетекші ұйымдастырушысы бола отырып, балаға қажетті жағдай туғызады. Топтағы балалардың жас ерекшеліктерін  ескеріп, бос  уақыттарын  тиімді күнтізбеге енгізеді. Іс әрекет барысын қадағалауда дұрыс ұйымдастырылған күн тәртібі белгілі дағдыға, дағды әдетке айналады, ал әдет келешекте бала қажетін қанағаттандырады. Топтағы балалармен жеке жұмыс жүргізу оның бойындағы  өнерін, қабілетін  ашады.  Сондықтанда тәрбиеші алдына бірнеше  міндеттер  қояды.

 

-         Баланың бос уақытын тиімді өткізуіне бағыт беру;

-         қалауы бойынша үйірмелерге қатыстыру;

-          әр - түрлі іс-шаралар ұйымдастырып, балаларды қызықтыру.

      Кез-келген бала ерекше тұлға. Біздің мектепте мүмкіндігі шектеулі балалар тәрбиеленетін болғандықтан, олар тәулік бойы педагог тәрбиешілер назарында үнемі болады. Яғни, тәрбиеленуші мен тәрбиешінің арасында қарым-қатынас  орнау заңды.

      Бала өз ойын, өнерін, білгенін көпшілік алдында паш ете алады. Балаға тежеу, шектеу болмауы керек, оны үнемі қолдап, бағыт беріп, көмектесіп отыру қажет.

 

   Осы  үрдіс  барысында  күтілетін  нәтиже  мынадай  болмақ:

•  спорттық жарыстарға қатысып, үйренеді;

•  салауатты өмір салтын ұстанады;

•  ой - өрісі дамиды;

•  адамгершілік қасиеттері ашылады;

•  Отан, туған жер, табиғатқа деген сүйіспеншілігі артады;

•  отбасын, достарын құрметтеуге, сыйлауға тәрбиеленеді;

•  шығармашылыққа бейімделеді.