Открытый урок по казахскому языку для 9 класса русской школы на тему "Еркін күрес шеберлері"

Пәні: Қазақ тілі	Мектеп:17
Күні:20.10.2016 ж.	Мұғалім:Бисенгожиева М.Т.
Сыныбы: 9 В сынып	Қатысқаны:	Қатыспағаны:
Сабақтың мақсаты:	Спорт түрлері тақырыбының мәнін ұғындырып, оқушының білім алуға деген ынтасын арттыру;түсініксіз сөздердің мән, мағынасын, аудармасын түсіндіру;оқушыларға еркін спорт түрлері туралы таныстыру, еркін спорт туралы сөздерді сөздік қорына енгізу, спорт туралы сөз тіркестерін, сұрақ-жауапты дұрыс құрастыра білуге үйрету. Өзара диалог және әңгіме құрастыра білу дағдыларын жетілдіру.
Оқу мақсаты:	Бөлімше:
Сабақтың мақсаттары:	1) Спорт түрлері тақырыбының мәнін ұғынып, түсініксіз сөздердің мән, мағынасын түсініп, спорт туралы сөз тіркестерін, сұрақ-жауапты дұрыс құрастыра біледі, өзара диалог және әңгіме құрастыра біледі. 2) Спорт түрлері тақырыбының мәнін ұғынып, түсініксіз сөздердің мән, мағынасын түсініп, спорт туралы сөз тіркестерін, сұрақ-жауапты дұрыс құрастыра біледі. 3) Спорт түрлері тақырыбының мәнін ұғынып, түсініксіз сөздердің мән, мағынасын түсініп, әрі қарай өз ойын дамыта алмайды.
Тілдік міндеттер:	Түсіндіру, сұрақ-жауап, өз беттерімен жұмыс, сөз одағын құру, кластер стратегиясы, қосымша әдебиетпен  жұмыс, топпен жұмыс  т.б
Алдыңғы білім:	Оқушылар спорт туралы айтып бере алады, өз ойларын қоса алады.
ЖОСПАР
Басы Сәлемдесу /Ұйымдастыру кезеңі/ 5 минут Үй жұмысын ыстық орындық арқылы орындату 15 минут Сөздік жұмысы 5 минут Балалар жаңа сөздерді. «Пирамида» әдісі бойынша  кез келген  сөзден сөз тіркесін ,  сөйлем, мәтін, әңгіме құрастырады Басы /негізгі бөлім/ Топтарға  шағын мәтіндер тарату. Мәтіндерді оқу, түсіну. Әр топ өз тақырыбы бойынша постер жасайды, біткен постерлерін келесі топқа береді, өз алдарына келгенде «Аквариум» әдісімен тақтада қорғайды.	Кел, бала, сабақ баста,  жаз, оқы, сөйле, тыңда, Айт , зертте, тексер, сұра, шаршама да, демалма, Қазақ тілін үйренсең,  көп ұтасың сен ертең. -Саламатсыздар ма, білім қуған өрендерім! Баршаңызға бүгінгі сабақта тамаша көңіл-күй мен жақсы бағалар тілеймін. Барлығымыз әдемі шеңберге тұрып спорт тақырыбына байланысты мақал айтып, сабағымызды бастайық: Денсаулық - зор байлық. Жарлының байлығы - денінің саулығы. Емнің алды - еңбек. Ауырып ем іздегенше, ауырмайтын жол ізде. Тазалық - саулық негізі, саулық - байлық негізі. Ауру желмен кіріп, термен шығады. Азған денеге ауру үйір. Денің сау болса, жарлымын деме,       Жолдасың көп болса, жалғызбын деме. Ұйқы - тынықтырады, жұмыс - шынықтырады. Тер шықпаған кісіден, дерт шықпайды. Көзің ауырса, қолыңды тый,       Ішің ауырса, тамағыңды тый. Сыныпты 3 топқа түстер бойынша  біріктіру. Оқушылар тақтадағы жасырын тұрған шағын мәтіндердің тақырыптарын ашып, әңгімелейді. 1. Менің сүйікті спортшым 2. Менің спортшы досым 3. Футбол қосымша сұрақтар: — Спортпен айналысудың маңызы қандай? — Елімізде спорт қалай дамып келеді? — Спорт түрлерін  ата? — Адам спорт түрлерімен  айналысса неге жетеді? — Белгілі спортсмендерді ата -   Сізге спорт ұнай ма? -   Спорттың қай түрімен шұылданасыз? --Спортпен шұғылданған адамның мінезі қандай болады? -«Спорт» деген сөзді естігенде көз алдарыңа не елестейді? - Спорт сендерге не береді?, қандай болуға тәрбиелейді?, неге баулиды? - Қазақстанда спорттың қандай түрлері дамыған? - Әлемге танылған Қазақстанның спортшыларын білесің бе? - футбол сөзі ағылшын сөзінен қалай аударылады? - футболдың негізгі мақсаты қандай? - футбол ойынына неше ойыншы қатысады? - футбол ойыншылары қалай бөлінеді? -  Адам баласы спортпен не үшін шұғылданады? - Қазіргі жастарға спорттың қандай түрі ұнайды? тренер - жаттықтырушы выносливость - ұстамдылық здоровый образ жизни - салауатты өмір организован - ұйымдастырылды сборная Казахстана - Қазақстан құрамасы крепкий - мықты легкий - жеңіл тяжелый - ауыр борьба - күрес терпеливый - шыдамды победитель - жеңімпаз чемпион мира - дүниежүзі чемпионы Өмірдің өзегі — күрес. Яғни «күрес» деген бірауыз сөздің мән-мағынасы тереңде. Жұмыр жердегі барлық тіршілік иесі өмір үшін күреседі. Адамзаттың ұлы тарихы күреспен жасалды. Айды, күнді айтпағанда, әр сағат, әр секунд күреске толы. Қазақстан жері - даңқы қазақ даласын жер жарған хас батырларды дүниеге әкелген киелі мекен. Халық аңыздары мен ертегілерінен бала күнімізден түрлі тартыста бел сыбанып күштерін сынаған жас палуандардың жекпе-жектері туралы оқып келеміз. Еркін күрес – Олимпиадалық ойындардың бірі. Бұл күрестің отаны – Ұлыбритания болып табылады. Кейін ол өз дамуын АҚШ-та жалғастырып кең танымалдыққа ие болды. Америкада күрес университеттер мен колледждерде үйретіліп екі бағытта дамыды: халықаралық ережелерге сай еркін күрес және кәсіби күрес – рестлинг. АҚШ-тан басқа еркін күрес Азия елдерінде және Таяу Шығыс елдерінде таралды. 1904 жылы бұл күрес түрі Олимпиадалық ойындар бағдарламасына енді.
Үш топқа тапсырма беріледі, қай топ бірінші бітірсе сол топ оқиды. Викториналық сұрақтар. «ойлан, тап» Үйге тапсырма	1 тапсырма:  а)Сөйлемдерді дұрыс құраңдар, қарамен жазылған сөзге фонетикалық талдау жаса. Футболдан, жеңді, команданы, барлық, сыныптастарымыз, біздің. Ә) Сөйлемдерді дұрыс құраңдар, қарамен жазылған сөзді септеңдер. Қыздарымыз, жеңіп, баскетболдан, алды, орын, бірінші. Б) Сөйлемдерді дұрыс құраңдар, қарамен жазылған сөздер қай шақта тұрғанын анықта. Білдірді, алғысын, жарысқа, сынып, жетекшіміз, командаларға, қатысқан. 2-тапсырма. Сөздерді мағыналарымен жұптастыру, бағдар сызықпен көрсету 1.футбол а)мұзда сырғанау; қақпаға шайба салу. 2. баскетбол ә)мимен ойлану; қарсыласына мат қою. 3. бокс б) мәреге жүзіп жету. 4.шаңғы тебу в) қақпаға гол соғу. 5.шахмат г) допты қолмен ойнап, торға доп салу. 6. хоккей д) былғары қолғаппен ұру; қарсыласына нокаут беру. 7.жүзу е) шаңғы тебу; мәреге сырғанап жету Олимпиада ойындарының авторы кім?  (П. Кубертен) Әйгілі футболшы Пеленің шын есімі кім? ( Энду Арантис Ду Насименти) 2011 жылы Қазақстанда өткен 7 - қысқы Азия ойындарының тұмар белгісінде қандай жануар белгіленген? ( алан - Ирби) Қазақтаннан шыққан тұңғыш гимнастшы қыз кім? ( Ә. Юсупова) Бильярд ойынында шарды ұратын таяқ қалай аталады? ( Кии) Ми жұмысына арналған қазақтың ұлттық ойыны қалай аталады?                      ( тоғызқұмалақ) «Биатлон» қандай спорт түрі?  ( Шаңғымен сырғанау, мылтықпен нысананы көздеу) Ең алғашқы Олимпиада ойындары қай елде өтті? ( Афины. Грекия) «Футбол» сөзі қандай мағына береді? ( фут аяқ, бол доп) Сопақ доппен ойналатын спорттық ойынды қалай атайды?                                              ( регби) 2000 жылы Австралия. Сидней олимпиадасының Қазақстандық бокс чемпионы кім? ( Б. Саттарханов) Мектептерде Президенттік сынақтарды нешінші сыныптар тапсырады?              ( 5 - 9 - 11) Әлемге әйгілі қазақ палуаны? ( Қажымұқан) 1980 жылы Мәскеу Олимпиадасының күміс жүлдегері, Қазақтың біртуар боксшысы кім? ( С.Қонақбаев) Футболдан ең алғашқы әлем чемпионаты қай елде өткізілді? ( Уругвай) Хоккей ойыны қай мемлекетте пайда болды? ( Канада) Футболда «хет трик» термині қандай мағына береді? ( бір ойыншы қатарынан үш гол соқса) Волейбол сөзі қандай мағына береді? ( волей ұшу, бол доп) Баскетбол ойынының авторы кім? ( Джеймс Нейсмит) Футболда, алаңда қанша ойыншы қалғанда ойын тоқтатылады?( 7 адам) Бүгінгі сабағымызды мына өлең шумақтарымен аяқтағым келеді: Спорт - көркі өмірдің Спорт - досың, серігің. Жаттықсаң шымыр боларсың, Шынығып, өсіп, толарсың. Күреспен  айналысудың  «Пайдасы»,   « Спортпен  айналыспаудың зияны»,  «Менің күрес туралы  ойым»  тақырыптарының біріне  эссе  жазу.

Мұғалім сөзі: сабақ мақсатына жетті деп ойлаймын. Бар ойлаған жұмыстың бәрін өткіздім.

Есекеева Л.Е.: Сабақ өте жақсы ұйымдастырылған. Ұстаздың өзін –өзі ұстауы, оқушылармен қарым-қатынасы жоғары дәрежеде. Көптеген әдістер қолданылды: «ыстық орындық», «аукцион», «пирамида».

Әйіп Л.Ш.: Бұл сабақтан мен көп нәрсені көріп, өзіме көп заттар алдым. Оқушылар да мұғаліммен еркін қарым –қатынаста екені сезіліп тұрды. Тапсырмаларды да өте жақсы орындап шықты.

Даулетова М.А.: Сабақ жүйелі құрылған, мұғалім сабақты өлеңмен бастады. Оқушылар шеңберге тұрып, спорт туралы мақал айтудан бастады. Балалар үй тапсырмасына жақсы дайындалған. Өз ойларын жетік айта алады. Еркін күрестің тарихы, қазіргі жағдайы, болашағы туралы постер қорғалынды. Әр топ өз ойларын толық жеткізе алды, қазақ тілін еркін меңгерген, тілдері өте жатық. Сабақ мақсатына жетті, өте қызықты өтті. Сабақтың әр деңгейі бірімен бірі тығыз байланысты болды.

Сисенбаева Б.Е.: Оқушылар топқа бөлініп жұмыстанды. Мұғалімнің тәжірибелі ұстаз екені бірден байқалады. Сабақтың құрылымы өте керемет. Әр бөлім өз алдына ерекше, оқушылар да өте белсенді. Сабақта  көптеген қосымша материалдар тиімді пайдаланылды. Мұғалім сабақты асқан шеберлікпен ұйымдастырған. Оқушылар сол сабақты ашып, үлкен қызығушылықпен түсінік алды. Оқушылардың еркін күресті практикада қолдана білгені қатты ұнады.

Машаева А.М.: Пәнге деген оқушылардың қызығушылығы мол екені байқалды. Мұғалім сабақты тренингпен бастап оқушыларды сабаққа бағыттады. «Ыстық орындық» әдісі бойынша оқушылар әр тақырыпты аша білді. Сөздікпен жұмыста «Пирамида» әдісі ұтымды болды. Оқушылар жаңа тақырыпты өздері ашып, меңгере алды, оған дәлел оқушылардың жауабы. Көршіңе бір сөз таңда тренингі ұтымды өтті. Оқушылар сабақта белсенділік танытып, әр тапсырманы уақытылы, дұрыс орындап отырды. Мұғалімнің оқушылармен қарым –қатынасы тамаша.

Қилыбаева С.Х.: Сабақ мақсатына толық жетті. Сабақта мұғалім  көптеген әдіс – тәсілдерді пайдаланды. Сабақ жүйелі құрылған. Сабақ барысында оқушылар арасында дұрыс психологиялық қарым –қатынас жүзеге асты.

Куспаева Г.К.: Сабақ өте қызық, ұйымдастырушылығы өте жоғары дәрежеде. Мұғалім тақырып туралы нақты мәлімет беріп, әрі қарай оқушылардың ізденуіне ықпал жасады. Оқушылар берілген көрнекіліктерді тиімді пайдалана білді. Оқушылардың тіл байлығы жақсы дамыған, бір – бірімен еркін байланыста болды. Сабақ тан өз тәжірибеме алар әдістер көп екен, жақсы жігер алып шықтым.

Жаксыгулова Р.Х.:  Сабақ өте жоғары деңгейде өтті. Мұғалім сабақта көптеген әдіс – тәсілдерді  қолданды. Оқушылардың жауаптары толық, нақты болды. Спорт туралы көптеген мәлімет берілді.