Открытый урок по казахскому языку на тему "Астана қаласы"

Астана қаласы

(Жобалау технологиясы бойынша)

Жоболау технологиясы 1905 жылы Америка ғалымы Джорд Джью енгізген 1920 жылы Ресей қолдана бастады, 1992 жылдан Қазақстан білім беру жүйесінде оқушылардың шығармашылық ізденісін дамыту үшін қолданып жүр.

Мен өз сабағымда пән аралық жобалауды жиі қолданамын. Орындалу мерзіміне қарай мини проектілер және ұзақ мерзімді проектілер жасалады.Оқушыларға жоба жасатуда алдымен тақырып таңдалған соң, жобаның мақсатын, міндеттерін және болжамын құрастыруда оқушыға өзім тікелей басшылық жасаймын.Міндеттерді орындауға, ақпарат жинау үшін өзім бағыт беремін.

Мысалы: энциклопедия,интернет т.б. Оқушыларға белгілі уақыт беріп, жинақтаған материалдарын (мәліметтерін) бірлесіп сабақ үстінде өңдейміз.

Жобалау не үшін қажет?

Оқушы---------------Оқушы

Оқушы----------Мұғалім

Арасындағы коммуникативті іс-әрекеттер жүзеге асыруға бағытталады.

Оқушының жеке тұлға ретінде қарауға жағдай жасайды.

Әзірлік кезеңде мұғалім------кеңесші, бағыттаушы

Жобаны қорғау кезеңінде мұғалім-------бақылаушы.

.

                                                                                                             Мая Нұрова,

қазақ тілі мен әдебиеті

пәнінің мұғалімі

№22 мектеп-гимназия

Астана қаласы

Сыныбы: 5

Пәні: қазақ тілі

Сабақтың мақсаты:Еліміздің жүрегі- Астана туралы дайындаған мәліметтерін жинақтау, өз ойларын тиянақты жеткізе білу.

Білімділік: Елорда туралы түсініктерін кеңейте отырып, жазылым, айтылым, оқылым, тыңдалым тапсырмалары арқылы бас қаланың әсемділігін, ерекшеліктерін әңгімелей білуге дағдыландыру.

Дамытушылық: Оқушылардың монологтық, диалогтық сөйлесу дағдыларын дамыту.

Тәрбиелік: Оқушылардың бойында астанаға деген мақтаныш және құрмет сезімдерін қалыптастыру. Патриоттық сезімдерін ояту.

Сабақтың түрі: жобалау технологиясы бойынша

Сабақтың көрнекілігі: ҚР рәміздері, Астана қаласы туралы оқулықтар, суреттер.

  Пәнаралық байланыс: орыс тілі, тарих, география

Сабақтың барысы

I.                  Ұйымдастыру кезеңі – сәлемдесу, түгендеу. Оқушылардың назарын сабаққа аудару.

-         Сынып оқушылары 4 топқа бөлінген.

II.               Үй тапсырмасын тексеру.

-         Сұрақ-жауап әдісі арқылы өткен сабақты пысықтау.

III.           Жаңа сабақ: Балалар, бүгінгі біздің сабағымыздың тақырыбы Астана қаласы туралы, Астана сөзінің мағынасы нені білдіреді? (оқушылардың жауабы).

1) Оқулықпен жұмыс. Алдымен сөздік жұмысын жүргізейік. Оқулықта 50- бет.

а) Осы сөздердің мағыналарын түсіндіру, аудару;

ә) Дұрыс айтуға дағдылану:

- Мұғалім сөздерді мәнерлеп оқиды;

- Оқушылар мұғалімнен кейін сөздерді дауыстап оқиды;

- Тізбекпен оқиды;

б) Жаңа сөздермен сөз тіркестерін құрау;

в) Сөйлемдер құрау;

г) Жаңа сөздерді сөздік дәптерге жазу.

Үйге берілген тапсырмалар бойынша оқушылар өз жұмыстарын ортаға салады

№	Тақырыбы	Тапсырма	Дайындық түрлері
1	Астана қаласы	Астана қаласының іргетасы қашан қаланды?	Мәліметтер, суреттер
2	Астана қаласы	Елордамыздың басты нышаны	Суреттер, мәліметтер
3	Астана қаласы	Ойын-сауық орталықтары, сауда орталықтары	Суреттер, мәліметтер, буклет
4	Астана қаласы	«Нұр-Астана» мешіті жайлы	Суреттер, мәліметтер

Сөз кезегі 1 - топ жетекшісіне беріледі. Өзін және өз тобын таныстырады (уақыт 4 минут).Мәліметтерін айтады, суреттерін көрсетеді.

2 - топ жетекшісі дайындаған мәліметтерін оқиды, буклет және суреттеріне шолу жасайды (уақыт 4 минут).

3 - топ жетекшісі дайындаған мәліметтерін оқиды,буклет және суреттерін көрсетеді (уақыт 4 минут).

4 - топ жетекшісі дайындаған мәліметтерін оқиды (уақыт 4 минут).

-         Жарайсыңдар, балалар. Бізге көп ақпарат бердіңдер.

2) Тапсырма: әр топқа «Астана қаласы» туралы мәтін беріледі. Оқушылар  мәтінді мәнерлеп оқиды, мәтін ішінен етістік түрінде келген сөздерді табады.

Етістіктер:орналасқан, көресіз, кездеседі, барады, қосады, атқаруда, болмақ,барады, ашады.

Сұрақ-жауап әдісі: - Мәтіндегі етістіктерді атаңдар?  

                    - Етістік қай шақта тұр?

IV. Дәптермен жұмыс: Астана қаласы туралы кластер толтыру.

 

V. Тілдесім: Осы тақырып бойынша диалог құру (Оқушылардың жауабы тыңдалды).

«Қарлы кесек» ойыны. Ойынның шарты: Сабақтың тақырыбы бойынша пирамида тұрғызайық. Бірінші сатыда бір сөйлем, екінші сатыда екі сөйлем, үшінші сатыда үш сөйлем,төртінші сатыда төрт сөйлем, ары қарай жалғаса береді. (уақыт 2 минут). (Ауызша орындалды).

-         Астана

-         Астана қаласы

-         Астана әсем қалам

-         т.с.с.

VI. Қорытынды: Астана –  Елордамыздың астанасы. Қаламыз ай өткен сайын айбаттанып, жылдар өткен сайын таралып сұлуланып келеді. Суы мөлдір ерке Есілдің сол жағалауында орналасқан  21 ғасыр қаласы- Астананың бүгінгі заман талабына сай сәулетін сөзбен жеткізу мүмкін емес. Астананы қазір барша жұрт қызыға тамашалауда. Халқымыз бүгінде Астанамен мақтанатын болды.

VII. Бағалау: 1, 2, 3, 4- топтардың еңбектері қабылданды, қане өздеріңіз бағалап көріңіздерші. Сіздердің ойларыңызша қай топтың дайындығы дұрыс (сөз оқушыларға беріледі, өз пікірлерін айтады, бағалайды).

VIII. Үй тапсырмасы: «Астананың келешегі» тақырыбына  эссе жазу.