Открытый урок по казахскому языку на тему "Спорт түрлері. Спортшы"

Күні: 27.01.2016

Сынып: 4 «Б»

Сабақтың  тақырыбы :  Спорт түрлері. Спортшы                          (№1 Слайд)

Сабақтың мақсаты:                                                                        (№2 Слайд)

1.     Білімділік: Жаңа тақырып бойынша оқушылардың түсініктерін кеңейту. Еліміздің спортшылары, олимпиада чемпиондарымен таныстыру.

2.     Дамытушылық: Оқушылардың сөздік қорын байыту, өз ойын еркін жеткізе білуге дағдыландыру,  мәтінді түсіне алу, сауатты жазу, тапқырлық, ізденімпаздық қасиеттерін қалыптастыру. Өзара диалог және әңгіме құрастыра білу қабілеттерін жетілдіру. Интерактивті әдіс-тәсілдерді қолдана отырып, оқушылардың мемлекеттік тілді үйренуге деген қызығушылықтарын арттыру.

3.     Тәрбиелік: Спорт  түрлерінің адамға пайдалы екенін айту,  салауатты  өмір  салтын  ұстанатын, ұлтжанды  азамат  тәрбиелеу.

Сабақ түрі:  аралас, жаңа білімді игеру сабағы.

Сабақ әдісі: әңгімелеу, сұрақ-жауап,  дамыта оқытудың элементтері, жеке, жұптық, топтық жұмыс, СТО стратегиялары.

Көрнекілігі: дидактикалық материалдар, кестелер, интерактивті тақта, презентация, флипчарт, постер.

Пәнаралық байланыс: спорт,  дене тәрбиесі, тарих.

Сабақтың барысы:

І.  Ұйымдастыру   кезеңі. (2 минут)

1. Кезекшімен әңгіме: Оқушы           мұғалім

2. Оқушылардың қызығушылығын арттыру мақсатында психологиялық дайындық жасау. Оқушылар орындарынан тұрып, мына өлең жолдарын оқиды: (№3 Слайд)

        Орнымыздан тұрайық, үлкен шеңбер құрайық,

        Қол ұстасып әр кезде, бірлікте біз болайық.

        Сәлем жолдап баршаға, сыныптастар, достарға,

        Сәттілікті тілейміз, осы отырған баршаға!

3. Сабаққа даярлығын тексеру, назарларын сабаққа аудару.

4. Оқушыларды бағалау парағымен таныстырып өту.

ІІ.   Үй тапсырмасын тексеру кезеңі. (3-5 минут)

       (72-89-бет VI. Мерекелер. Модуль бойынша қайталау.)

    Тізбек сұрақ әдісі арқылы үй тапсырмасын сұрау:

1.     Біздің Отанымыз қалай аталады? (Қазақстан)

2.     Қазақстан қандай мемлекет? (Тәуелсіз)

3.     Тәуелсіздік күні қай күн? (16 желтоқсан)

4.     «Тәуелсіз» сөзі қандай мағына береді? (Еркін)

5.     Еркіндіктің символы не? (Қыран құс)

6.     Қыран құс қайда бейнеленген? (Туда)

7.     Тудың түсі қандай? (көгілдір)

8.     Көгілдір түс ненің белгісі? (бейбітшілік, ашық аспан)

9.     Бейбіт елімізде тойланатын 8 Наурыз қандай мереке? (Халықаралық әйелдер күні)

10.  Наурыз мерекесі қашан тойланады? (22 Наурызда)

11.  Жаңа жыл қашан тойланады? (1 қаңтар)

12.  16 желтоқсан қандай мереке? (Тәуелсіздік күні)

(Сыныпты гүл, аққала, ою суреттерімен 3 топқа бөлу, топтық жұмыс ұйымдастыру. Балалар таратылған қағаздармен жапсырма жұмысын орындап, жұмыстарын қорғайды)

ІV. ОЙ ҚОЗҒАУ  (8-10 минут)

(Спорт, денсаулық туралы мақал-мәтелдер, өлең жолдары) (№3 Слайд) (1 минут)

    Мына мақал-мәтелдер мен өлең жолдарына назар аударыңдаршы.

Әуелгі байлық - денсаулық ...

Денсаулық - зор байлық.
 
Спорт - денсаулық кепілі.

Спорт шынықтырады,

Ұйқы тынықтырады.

Спорт өмірді ұзартады,

Еңбек ширатады.

-         Балалар, қалай ойлайсыңдар, мұндағы негізгі ой не туралы екен? (Балалардың жауабы)

-         Дұрыс айтасыңдар. Бүгінгі сабағымызда біз СПОРТ туралы білімімізді толықтырамыз. (№4 Слайд) (2 минут)

Спорт ағылшын тілінен аударғанда «ойын, көңіл көтеру».

Спортты сендер қалай түсінесіңдер? Спорт дегенде ойларыңа не келеді? 

    Ассоциация құру. (№5 Слайд: Спорт деген не?)

Спорт-шынығу.                                       Спорт-ол күш. Спорт-байлық.

Спорт-ол қозғалыс.                                                      Спорт-ол күрес.

               Спорт – тынық ұйқы.             Спорт – жаттығу.

- Спорт әр адамның өмірінде орын алып жатыр. (№6 Слайд) (1 минут)

 

ü Үнемі бір формада болу;

ü Сұлу бітімде қалыптасу;

ü Денсаулықты жақсарту;

ü Көңілімізге қуаныш пен күш сыйлайды;

ü Жеңістер;

    Сөздікпен жұмыс (№7 Слайд) (2 минут)

Жарыс – соревнование

Спортшы -спортсмен

Шаңғышы- лыжник

Футболшы- футболист

Шахматшы-шахматист

ЕСТЕ САҚТА!

Шаңғы            шаңғы спорты

Велосипед             велоспорт

Ат                     ат спорты

Спорт           спортшы

Шаңғы          шаңғышы

Бокс            боксшы

Футбол           футболшы

Шахмат            шахматшы  

    Сұрақ-жауап:

1.     Сендерге спорт  ұнай ма?

2.     Қандай спорт түрлерін білесіңдер?

 (№8 Слайд : Спорт түрлерімен таныстыру.) (2 минут)

-         Спорттың қай түрімен шұғылданасыңдар? (Балалардың жауабы)

-         Сендерге қандай спорт түрі ұнайды? (Балалардың жауабы)

-         Балалар, мына бейнесюжетке назар аударыңдаршы.

    Бейнесюжет көрсету. (2 минут)

(Олимпиада жеңімпаздары туралы клип көрсету.)

-         Бұл кімдер? (олимпиада чемпиондары)

-         Олар қай елдің спортшылары? (Қазақстан)

-         Ендеше олармен жақынырақ танысайық.

(Олимпиада чемпиондарын таныстыру)

    Спорт жұлдыздары (№9 Слайд: презентация)  (2 минут)

-         Ал сендер әлемге танымал чемпион болғыларың келе ме? (Иә)

-         Олай болса дәл қазір сендердің чемпион болуға мүмкіндіктерің бар.

(Сыныпты баскетбол мен футбол добының суретімен екі топқа бөлу.)

  ТЫҢДАЛЫМ. ОҚЫЛЫМ.

    Мәтінмен  жұмыс (Сыныпты 2 топқа бөлу. Мәтінді оқып беру. Мәтін бойынша тақтадағы сұрақтарға жауап беру.) (2минут)

     Спорт - денсаулық кепілі. Спорт - денсаулықты жақсартады. Спорт деген- салауатты өмір салты. Спорт елімізде жақсы дамып келеді. Спорттың барлық түрі денсаулыққа пайдалы.

    Спорт түрлеріне коньки, шаңғы тебу, қол күрес, футбол, волейбол, баскетбол, бокс, еркін күрес, жеңіл атлетика, ауыр атлетика, каратэ, дзюдо, велоспорт, жүзу, т.б. жатады.

Мәтін бойынша викториналық сұрақтарға жауап беру. (1 минут)

1.     Спорт – ненің кепілі? (денсаулық)

2.     Спорт – нені жақсартады? (денсаулықты)

3.     Спорт деген не? (салауатты өмір салты)

4.     Спорт елімізде қалай дамып келеді? (жақсы)

5.     Спорттың қай түрі денсаулыққа пайдалы? (барлық түрі)

6.     Спорттың қандай түрлері бар? (коньки, шаңғы тебу, қол күрес, футбол, волейбол, баскетбол, бокс, еркін күрес, жеңіл атлетика, ауыр атлетика, каратэ, дзюдо, велоспорт, жүзу, т.б.)

1.     СӘЙКЕСІН ТАП!

    Жеке тапсырма (Флипчартпен жұмыс) (3 минут)

І. Берілген  сөздерден дұрыс сөйлем құраңдар.

1.     Мектепте, спорттық, біздің, жарыс, өтті.

2.     Барлық, қатысты, оған, оқушылар.

3.     Футболдан , жеңді, команда, біздің.

4.     Шұғылдану, спортпен, пайдалы, денсаулыққа.

5.     Айналысамын, мен, жүзумен.

ІІ. Суреттер мен сөздерді сәйкестендіріңдер.

 (Флипчартта берілген суреттердің астына сәйкес атауын  тауып қою)

    Сергіту сәті  «Аяқпенен топ-топ-топ» әнін орындау. (1 мин 11 сек)

    Оқулықпен жұмыс (4 минут)

3-тапсырма. Толықтырып оқы. Ұнайды / ұнамайды, боламын/ болмаймын сөздерін қою.

-         Саған жүгіру ұнайды ма?                      

-         Жоқ, ...

-         Саған шаңғы спорты ұнайды ма?

-         Иә, ...

-         Саған күрес ұнайды ма?

-         Иә, саған ұзындыққа секіру ұнайды ма?

-         Жоқ, ...

-         Сен шахматшы боласың ба?

-         Иә, мен шахматшы боламын.

-         Сен футболшы боласың ба?

-         Жоқ, мен футболшы болмаймын.

 5-тапсырма. Тыңда. Аудар. Сұрақтарға жауап бер.

-         Сен спортпен айналысасың ба?

-         Иә, айналысамын.

-         Сен қай спорт түрімен айналысасың?

-         Мен күреспен айналысамын.

-         Жаттығуға қашан барасың?

-         Дүйсенбі, бейсенбі күндері сабақтан кейін барамын.

    СӨЙЛЕСІМ. Жұптық жұмыс (2 минут)

6-тапсырма. Сұрақтарға толық жауап беру.

(Екі топтан бір оқушыдан шығады. Диалог құрады.)

    ЖАЗЫЛЫМ  (тақтамен жұмыс) (2 минут )

5-тапсырма. Сәйкестендіріп оқы, жаз.

Мен спортпен ... (айналысамын).

Сен шахматшы ... (боласың).

Ол спортпен ... (айналыспайды).

Ол шаңғышы ... (болмайды).

№2 жазу дәптерімен жұмыс. (3 минут)(Дәптерлерін ауыстыртып тексеру.)

IV. Жаңа сабақты бекіту.

1.     «Ойлан, тап!»  ойыны  (Интерактивті тақтамен   жұмыс) (1 минут)

1  Негізгі құралы доп болып саналатын   спорт түрі.	Тоғызқұмалақ ойыны
2 Мұз бетінде арнайы дайындалған құралмен сырғанау түрі-	ауыр атлетика
3 Қысқы спорт түрі-	Футбол
4 Екі адамнын жекпе-жегі түріндегі спорт түрі-	коньки тебу
5 Штанганы жоғары көтеру бойынша жаттығулардың орындалуы-	күрес
6    Қандай ұлттық ойын адамның  математикалық ойлау қабілетін дамытады?	шаңғы тебу

2. Мазмұнды сызба. «Спорт-денсаулық кепілі» тақырыбына шағын әңгіме құрастыру.

1.     Тақырып

2.     3-4 синоним

3.     3-4 сын есім

4.     3-4 етістік

 

V. Жаңа сабақты қорытындылау.

     АЙТЫЛЫМ.

    Тақырыптық қорғау (2-3 минут) (Постер жасау)

(«Спортпен айналысудың  пайдасы»,   « Спортпен  айналыспаудың зияны» тақырыптарымен  шағын  тақырыптық қорғау жасау.) (Екі топқа ақ ватман қағаз, қажетті суреттер таратып беру. Әр топ тақырыпқа байланысты мазмұнды сызбасын жасайды, тақтаға іліп қорғайды.)

Спортпен айналысудың пайдасы	Спортпен  айналыспаудың зияны

VІ. Үйге тапсырма беру.

1.     92-бет сөздік жаттау.

2.     6-тапсырма 93-бет.

VII. Бағалау: Оқушыларды бағалау парақтарындағы  ұпай сандарын  қосып бағалау.

№	Оқушының аты-жөні	Үй тапсырмасы (Сұрақ –жауап)	Жаңа сабақ				Барлы ғы
			Ауызша жауап	Топтық  жұмыс	Жеке жұмыс	Жұптық жұмыс
1	Сабина
2	Дима
3	Б. Даша
4	Вова
5	Даша З.
6	Вика
7	Виола
8	Кира
9	Миша
10	Кирилл

(Оқушыларды әрбір орындалған тапсырмадан кейін бағалау парағында мадақтап отыру. Смайликтер жабыстырып отыру. Әр смайлик-2 балл.)

20 балл - жоғары   -«5»; 16-19  балл -«4»; 9-15  балл -«3»

VIII. Рефлексия:  Бүгінгі сабақ  қаншалықты қиын  болды ?

 

Қиын болды.

Қиын болса да, тапсырманы орындай алдым.

 

Қиын емес, бірақ түсінбеген жерлерім бар.