Открытый урок по казахской литературе на тему "Жамбыл Жабаев"

Ашық сабақ.

Пән: Қазақ әдебиеті.

Күні: ………………..

Тақырыбы: Жамбыл Жабаев.

Сабақтың мақсаты:

а) білімділік:

Ақынның өмірін, өлеңдерінің өзіндік табиғатын саралай отырып, өзге жазушылардан өзгешелігіне көңіл бөлу.

ә) дамытушылық:

ауызша және жазбаша еркін, шешен сөйлеуге үйрету.

б) тәрбиелік:

Ойын еркін айтуға, отаншылдыққа тәрбиелеу, ой қорытуға дағдыландыру.

Сабақтың өтілу әдісі:

Модульдық оқыту

Сабақтың көрнекілігі:

Ілияс Жансүгіров, Ж. Жабаевтың, С. Аронұлының, К. Әзірбаевтың, суреттері, тірек-сызбалар, плакат, сөзжұмбақ, компьютер, интерактив тақта.

Пәнаралық байланыс: өзбек тілі, саз өнері, география.

Сабақтың барысы:

І. Ұйымдастырушы кезең: Сәлемдесу.

Оқушыларды сабаққа қатысуы, күнделік және конспект дәптерлерін тексеру. Нәтижелерін топ журналына жазу. (1-2 мин)

ІІ. Өткен сабақты қайталау: Сұрақ – жауап. Үш оқушы компьютерде тест сұрақтарын орындайды, қалған оқушыларға ауызекі сұрақтар қойылады. (10-15 мин)

Сұрақтар.

а) І. Жансүгіров кім?

ә) Ол қашан және қай жерде дүниеге келген?

б) Ақын алғашқы тәлімін қай жерде алды?

в) Оның шығармашылығы жайлы не білесіз?

г) Қандай тақырыптарда өлеңдер жазған?

ғ) Жансүгіров қандай поэмалар жазған?

ІІІ. Өткен сабақты пысықтау: Оқушылар жауаптары тыңдалып болғаннан кейін өткен сабақты пысықтау үшін бейне материал компьютер арқылы көрсетіледі. (2-3 мин)

IV. Жаңа сабақты өткен сабақпен баулау: Міне өткен сабағымызда сіздермен қазақ халқының көрнекті ақындарының бірі І. Жансүгіров жайлы мәлімет алдық. Ал енді біздің негізгі мақсатымыз отан тілін жетік меңгеру, қазақ тілінде өзіміздің ой – пікірлерімізді еркін айта білу. Ол үшін біз қазақ халқының ұлттық дәстүрлерін, әдет-ғұрыптарын жақсы білуіміз қажет. Сондай екен бүгінгі сіздермен өтетін жаңа сабағымыздың тақырыбы қазақ халқының ұлы ақындарынан бірі, айтыс өнерінің алыбы Жамбыл Жабаев туралы сөз қозғаймыз. (1-2 мин)

V. Жаңа сабақ:

Демек, сабағымыз Жамбыл Жабаев жайлы екен. Алдыңғы сабақта ақын жайлы оқушыларға үйде реферат жазып келу тапсырылған. Алдымен оқушылар өздерінің Жамбыл аталары жайлы жазып келген рефераттарын кезекпен қысқа-қысқа айтып қорғайды. (17-20 мин)

Зымыран сұрақтары:

1. Жамбылдың әкесінің есімі кім?

2. Жамбыл айтыстарының ерекшелігі неде?

3. Жамбылдың бір өлеңін жатқа айт.

4. "Маса" кімнің жинағы?

5. Жамбылдың соңғы жазған өлеңі.

6. 1936 жылы Жамбыл қай жерге барған?

7. "Құлагер" кімнің өлеңі?

8. Жамбылдың айтыстары ішінде ең көрнектісі қайсы?

СӨЗЖҰМБАҚ. Сөзжұмбақ сұрақтары:

Тігінен:

1. Жамбылдың әкесі.

2. Жамбыл айтысқан ақынның бірі.

3. Жамбылдың шәкірті.

4. Жамбылдың баласы.

5. Жамбылдың өлеңі.

6. Жамбылдың алғаш жазған өлеңі.

7. Жамбылдың сүйген қызы.

8. Жамбылдың туған жері.

Айтыс өнері жайлы әңгімелейміз. Жамбыл - айтыскер, суырып-салма ақын. Ол кімдермен айтысқан? әр топтағы оқушылар қол көтеріп жауап береді.

Құлмамбетпен, Бөлек қызымен, Айкүміспен, Бақтыбаймен, Шыбыл шалмен, Сарыбаспен, Досмағанбетпен, Шашубаймен.т.б.

Ұпай саны есептеліп отырады.

Балалар, біз Жамбыл атамызды айтыскер ақын ретінде танимыз. Ақындар айтысынан үзінді тамашалайық. Компьютер арқылы бейнетасма көрсетіледі.

Балалардың білімдерін жинақтау мақсатында «Топтастыру стратегиясы» бойынша жұмыс жүргізу.

«Үш топ өз топтарының атына тірек - сызбалар құрайды».

Жамбыл тобы:

Кенен тобы:

Сүйінбай тобы:

Баламалaқ тест өткізу.

Үш топтың жалпы жинаған ұпайларын есептейміз. Қайсы топ көп ұпай жинаса, сол топ жеңген болып есептеледі.

Қорытынды. (4-5 мин)

Жамбыл жасы жұзге келіп отырғанда 1945 жылы 9 мамыр күні өзінің ең соңғы өлеңі "Жеңіс жырын" жырлаған. Бұдан азамат қартайса да, ақындық өнер, жыршылық рух қартаймайтынын көреміз.

Алатаудың өркешті ақбас шыңдарына көз жіберсек, өзі қатарлас өнерлі, дарынды ақындар арасында сол Алатаудың ең биік, ең еңселі шыңындай болып Жамбыл тұрады.

Тау мүжіледі, темір тозады, бірақ, халық мұңын мұңдаған, халық қуанышын жырлаған шынайы, көркем жыр мүжілмек те, тозбақ та емес. Жамбыл жыры – осындай жыр. Оны халқымыздың поэтикалық энциклопедиясы десе де болады. Ол төкпе жырдың дүлділі, халық бағының бұлбұлы.

Үйге тапсырма: Жамбыл өлеңдерін жаттап келу. (1-2 мин)

Мұғалім: .......................... Ниязметов У