Открытый урок по математике на тему: "5 саны және цифры" КПП

Ұйымдастырылған оқу-іс әрекетінің түрі: Қарапайым математикалық ұғымдарды қалыптастыру 
мектепалды даярлық топ
Сабақтың тақырыбы: «5 саны және цифры»

Мақсаты:1.Білімділік: 5 саны және цифрымен таныстыру.
2.Дамытушылық: Логикалық ойлау,ауызша есептеу қабілетін дамыту,пәнге деген қызығушылығын арттыру.
3. Тәрбиелік :Таза,әдемі,ұқыпты жазуға тәрбиелеу.
Ұйымдастырылған оқу іс-әрекетінің әдіс-тәсілдері:Ой қозғау,әңгімелесу,логикалық ойын дамыту,сұрақ-жауап,көрсету,санау,қайталау,бағалау,сергіту сәті,қорыту.
Көрнекіліктері: интерактифті тақта, суреттер,
Түрі:Аралас сабақ
Типі:жаңа сабақты меңгерту

Сабақтың барысы:
І. Ұйымдастыру кезеңі.
1)Сәлемдесу
Үлкенге де сіз,
Кішіге де сіз.
Бар адамды құрметтеп 
Бас иеміз біз.

2)Шаттық шеңбері
Ерте тұрып күнде мен 
Терезені ашамын
Сәлем деймін күнге мен.
Шаттық әнге басамын.

ІІ. Өткен сабақты қайталау. 
1 саны бір бірліктен тұрады. 1саңырауқұлақ 
Жіңішке жалғыз таяқша
Бір саны ол-айырықша.
2 саны екі бірліктен тұрады 2 алмұрт 1+1=2 
Міне екі саны тұр
Қараңдаршы неткен түр
Мойнын алға иеді
Құйрығы еріп жүреді
3 саны үш бірліктен тұрады 3 банан 1+1+1=3
Бір саусағым тіпті де,
Ұстай алмас жіпті де.
Екі саусақ бірікті,
Ине қолға ілікті.
Үш саусағым орамды,
Жүгіртеді қаламды.


4 саны төрт бірліктен тұрады 4 сәбіз 1+1+1+1=4
Сатып алып сәбізді,
Қойды қоян себетке,
Тағы қосса үшеуін 
Нешеу болмақ әдетте? (4 сәбіз)

Тура, кері санау 1 2 3 4
4 3 2 1
Санамақ: Бір дегенім бесік,
Шықтым содан өсіп.
Екі дегенім елім,
Далам,тауым, көлім.
Үш дегенім үміт,
Үміт артар жігіт.
Төрт дегенім төзім,
Төзе білем өзім.

ІІІ. Жаңа сабақ

1)Көлде 4 балық жүзіп жүр.Олардың жанына тағы 1еуі жүзіп келді.
Барлығы қанша балық болды? 
(5балық)
4+1=5 
5 санын білдік ол бес бірліктен тұрады 1+1+1+1+1=5
2)Жазу
5 цифрын жазу
-тақтаға
-дәптерге
3)Сергіту сәті: Кел санайық санамақ 
Саусақтарды даралап
Бас бармағым алғашқы
Балан үйрек жалғасы
Ортан терек кезекші 
Шылдыр шүмек көмекші
Шынашағым балапан
Бәріне ортақ алақан

4)Тапқышбектің тапсырмасы
Торғайларды санайық
Ағашта 4 торғай қонып тұр еді,ала мысықты көріп торғайлар ұшып кетті.
Ағашта қанша торғай қалды. (0)

5)Тауықтың алдында екі балапан артында 3 балапаны тұр.Тауықтың барлық балапаны қанша? (5)

6)ыдыста 1алмұрт 4 алма бар, қанша жеміс болғанын санайық.
1+4=5
Ыдыстағы алмұртты Нұрлан жеп қойды, ыдыста неше алма қалды.
5-1=4

7)Кім жылдам ойыны

IV Қортынды

Жұмбақ есептер
1-тапсырма
Орманда кірпі келеді,
Саңырауқұлақ тереді.
Кездесті, міне, керегі:
Үшеуі – қайың астынан.
Біреуі – терек қасынан.
Қанша олар болмақ есепте, ( 4 )
2-тапсырма
Үйге кірді Алдияр,
Оған қоса Мадияр,
Кейін келді Айдана,
Қанша болды бар бала? ( 3 )
3-тапсырма
Әр қолына Нүриден
Екі өріктен бердім мен.
Бала санай білмеді,
Неше өрік ол жеді? ( 4 )
4-тапсырма
Ұлпа жүнін қыздырып,
Күн шуақта бір күшік,
Отыр еді маңына,
Келді тағы бір күшік.
Қанша күшік барлығы? ( 2 )