Жамбыл
облысы, Талас ауданы,
Майтөбе
ауылы
А.Дәулетбеков
атындағы орта мектебінің
Бастауыш
сынып мұғалімі: Кемелбекова Раушан
Сериккараевна
Сабақтың
тақырыбы:
Тәні саудың, жаны сау.
Сабақтың
мақсаты:
Оқушылардың тазалық,саулық туралы ұғымдарын кеңейту, тазалықтың пайдасын
ұқтыру. Салауатты өмір салтына сай оқушыларды болашақтың тірегі болатын, дені
сау азамат етіп тәрбиелеу. Жинақылыққа, ұқыптылыққа баулу.
Көрнекілігі: Мақал – мәтелдер
Сабақтың барысы:
І.Ұйымдастыру. Кіріспе.
Бүгінгі сабағымыз тазалық тақырыбына арналады. «Тазалық» сөзін топтастыру.
Менің
сендерге дайындаған жұмбақтарым бар екен, соны шешейік.
Бұдан кір қорқады,
Судан бұл қорқады. (Сабын)
Жуынып болғанында,
Жүреді қолдарында. (Орамал)
Дәмі де жоқ, түсі жоқ,
Пайдаланбас кісі жоқ. (Су)
Қалтамда жатыр тісі бар,
Тістемей-ақ істері бар. (Тарақ)
Денсаулықты сақтау
үшін біз үнемі таза жүруіміз керек.
Бәрі: Тазалықты сүйеміз,
Таза болып жүреміз.
Біз баламыз шыныққан,
Денсаулығы мықты жан.
Мұғалім: Адамның
денсаулығы - қоғам байлығы. Әрбір адам өз денсаулығының мықты болу жолдарын
қарастыру керек. Дені сау адамның көңіл – күйі көтеріңкі болып, еңбекке әрқашан
құлшына кіріседі. Халқымыз «Дені саудың – жаны сау» деп орынды айтқан.
Отанымыздың келешегі, көркеюі, балалар, сіздердің қолдарыңызда. Сондықтан
сендердің таңдауларың - салауатты өмір салтын сақтау. Дені сау адам -
табиғаттың ең қымбат жемісі. Қазақстан Республикасы өз тәуелсіздігін алғаннан
бастап осы ұстанымды басшылыққа алып келеді. Қоғамның денсаулығы бәсекеге
қабілетті елу елдің қатарына кіру міндетін жүзеге асыру жолындағы басты тірек.
Салауатты өмір салты мен өмір сүру үшін төмендегі талапты орындау керек. Адам
денсаулығын сақтауда төмендегідей факторлардың маңызы зор.
1. Айқын жасалған күн тәртібінің болуы.
2. Дұрыс тамақтану.
3. Дұрыс тынығу.
4. Дене еңбегімен шұғылдануы.
5. Таза ауада болып, күн көзінде серуенлеу.
6. Табиғат аясында болуы.
7. Зиянды әдеттерден сақтану.
8. Дұрыс қозғалыста болуы.
Балалар, сендер қараңғы үйге кіріп келіп шам жақсаңыз, шам үйді жарық қылады.
Көп қызыл гүлдің ішінен бір ақ гүл көрсең, көзің соған түседі. Біздің де
өмірімізді жарық қылатын, жан – жағымызға тамаша сәулесін шашатын, өмірдегі басты
байлық не деп ойлайсыңдар?
- Оқушылар: Денсаулық.
1. рі дә
2. ру дә мен
3. ны шы ғу
4. ла уат са
5. ги на ги е
6. тау тұ
7. лық сау ден
Денсаулық туралы
Денсаулық ол – шыныққан
Барлық денең мүшесі.
Денсаулық ол - тыныққан
Жүйке тамыр жүйесі.
Денсаулық ол -
күлуің
Көңіл – күйің жадырай,
Денсаулық ол – жүруің,
Ешбір жерің ауырмай.
Адамның дене құрылысы
Қара айнаға,
көресің
Өзіңді – адам денесін.
Қол - аяғың, басың бар,
Бұған кеуде қосылар –
Құрылысың бұл сыртқы.
Көрінбейді жүрегің,
Өкпе, миың, бүйрегің –
Құрылысың бұл ішкі.
Дұрыс дене бітімі
Сымбат - мүсін
дегенің
Бітім – көркі денеңнің.
Сымбат – жүру әдемі,
Дене қалпын тік ұстап:
Көтеріп сәл кеудені,
Иық жазып дұрыстап.
Түзу отыр, қисаймай,
Бүкіреймей, жантаймай.
Күш сап бас пен арқаға,
Жатып алма партаға.
Қорыта келгенде әр түрлі жұқпалы аурулардың адамға микробтар арқылы
таралатыны және одан микробтардың кір – қоқысты жерлерде өсіп - өніп, шаң -
тозаңмен бірге ауаға көтерілетіні баршамызға белгілі жағдай. Сондықтан тұрмыста
тазалық сақтау адамның денсаулығына өте қажетті жағдай екенін естен шығармаған
дұрыс..
Гигиена
- бұл денсаулықты қорғау және тазалық сақтау туралы ғылым.
Оставьте свой комментарий
Авторизуйтесь, чтобы задавать вопросы.