Открытый урок «Үй жануарлары»

Білім беру саласы: Әлеуметтік орта

Бөлімі: Қоршаған ортамен таныстыру

Тақырыбы: «Үй жануарлары»

Мақсаты: Балаларды үй жануарлармен  таныстырып, түсініктерін тереңдету, олардың түрлерін бір-бірінен ажыратуға,үй жануарлардың төлдерін атауды үйрету.

Міндеттері:

Білімділік: Балаларға үй жануарлары туралы білімдерін толықтыру, олардың пайдасы маңызы, туралы түсінік беру.

Дамытушылық: Олардың түрлерін бір – бірінен ажыратуға, айтқандай зейін қойып тыңдауға үйрету көзделіп үй жануарларына байланысты тақпақтар мен мақал мәтелдер айтқызу сұрақ – жауап, жұмбақ шешу арқылы тіл байлықтарын дамыту.

Тәрбиелілік: Жануарлардың бізге тигізер пайдасын айтып, үй жануарларына қамқорлық жасау.

Әдіс - тәсілі: Сұрақ - жауап, түсіндіру, көрсету

Қажетті көрнекілік құралдары: Үй жануарларының суреттері, слайд

Билингвальді компоненттер: үй жануарлары домашние животные – domestic animal, сиыр – корова -  cow, қой – овца - sheep, жылқы – лошадь - horse, түйе – верблюд - camel.

Мотивациялық қозғаушылық кезеңі:

Балалар, «Амандасу - адамгершіліктің, әдептіліктің баспалдағы»сондықтан да, алдымен амандасып алайық.

Білер қазақ баласы.

Сәлем сөздің анасы.

Көп танасты көреміз,

Алдымыздан кезіккен

Бәріне де ізетпен

Иіліп сәлем береміз

Ұйымдастырушылық ізденістік кезеңі

- Балалар, қазір жылдың қай мезгілі?

- Қыс мезгілінде неше ай бар?

- Қыс мезгілінде қандай өзгерістер болады?

- Сендер қыс мезгілінде қандай ойындар ойнайсыңдар?

- Өте жақсы. Жарайсыңдар!

- Балалар: сендер ауылда ата әжелеріңнін үйіне барғыларын келеме?

1. Ауылға саяхатқа бару.

- Жолда көңілді болу үшін «Қошақаным» әнін айтамыз. (шеңбер бойымен жүреді)

- Міне, балалар, біз ауылға келдік.

- Балалар, тыңдаңдаршы, нелердің даусы?

- Дұрыс айтасыңдар, балалар, осы сиыр, қойды үй жануарлары деп атайды. Үй жануарларына сонымен бірге жылқы, түйе, ешкі және ит пен мысық жатады. Мысық - ол үйде тұрады. Ал, ит үйдің сыртында, үйшікте тұрады. Ол үйді күзетеді. Ит - жеті қазынаның бірі.

- Балалар, сендерді ата - әжелерің қандай сөздермен еркелетеді?

Ауылда үй жануарлары тіршілік етеді.

- Қандай үй жануарларын білесіңдер.(балалар жауап береді).

1. Жануарлардың дауыстарын тыңдап, қай жануар екенін айтады, интерактивті тақтада сол жануардың суреті шығады слайд бойынша.

- Қане, мынау ненің дыбысы? ( балалар жауап береді, әрі қарай жалғастыру)

2. Жұмбақ жасырайын, шешуін тауып көріңдерші. 

1. Кішкене ғана бойы бар,

Айналдырып киген тоны бар.   (қой)                      

2. Кезікті бір жануар,

Үстінде екі тауы бар.(Түйе)

3.Басында екі таяғы бар, 

Төрт аяғы,сақалы бар.  (ешкі)                             

4.Өріске ерте өреді,

 Біздерге сүт береді.  (сиыр)

3.«Төлдерін, балаларын ата» ойыны; 

Тәрбиеші: Балалар, үй жануарларының төлдерін білесіңдер ме? Кім айтады?

Сиыр – бұзау

Жылқы – құлын

Қой – қозы

Ешкі – лақ

Түйе – бота

Есек – қодық

Ит – күшік

Мысық –марғау

Сергіту сәті:

Тікірейіп құлағы

Менен бұрын тұрады.

Бойын жазып керіліп,

Беті - қолын жуады.

Ал енді үш тілде айтып көрелік. Үй жануарлары домашние животные – domestic animal, сиыр – корова -  cow, қой – овца - sheep, жылқы – лошадь - horse, түйе – верблюд - camel.

4. - «Не артық?» ойыны ойналады.

Балалардың алдына үй жануарлары мен жабайы аңдар аралас қойылады, балалар жабайы аңдарды алып тастау керек. Қалған жануарларды бір бірден сипаттайды.

- Адамдарға қандай пайдасы бар?

Сиыр – сүт, қаймақ, май, ірімшік, сүзбе, құрт жасаймыз

Жылқы – жүк тасиды, қымыз, ет, терісінен киім тігеді.

Қой – жүнінен киім тоқиды, ет.

Ешкі – түбітінен киім тоқиды, ет.

Түйе – жүк тасиды, шұбат, жүнінен киім тоқиды, ет.

Есек – жүк тасиды.

Ит – үйімізді, малымызды күзетеді.

Мысық – тышқан аулайды.

5. "Ненің көлеңкесі " ойыны. Интерактивтік тақта бойынша.

Рефлексиялық түзетушілік кезеңі.

Қорытынды:

- Енді, балалар, осы үй жануарларға айтылатын тыйым сөздер бар.

- Қане, тыйым сөздерді айтайық:

- Малды аяқпен тебуге болмайды;

- Таяқпен маңдайына ұруға болмайды;

- Малдың сүтіне түкіруге болмайды;

- Қане, балалар ауылдан шығып, балабақшамызға барайық. Шеңбер бойымен жүріп,тақпағын айтады.

Біз ақылды баламыз

Айтқан тілді аламыз

Бүгінгі келген қонаққа

Сау болыңыз деп, айтамыз.