Открытый урок: "Зимние забавы"

МҚҚК «№2 «Жұлдыз» балабақша

Сабақтың тақырыбы:

«Қыс қызығы»

Ортаңғы «Қонжық тобы»

Өткізген: Шаймерденова Ж.Т.

Көкшетау қаласы

Ұйымдастырылған оқу іс-әрекетінің технологиялық картасы

Ортаңғы «Қонжық тобы»

Білім беру саласы: Шығармашылық. ДенсаулықТаным.

Бөлімдері: Дәстүрлі емес аралас сабақ

Тақырыбы: Қыс қызығы

Мақсаты: балалардың қыс мезгілі жайлы түсініктерін сурет арқылы көрсетулерін қалыптастыру

Білімділік: қыстың, қардың ерекшеліктері жайында түсініктерін суретке салуды үйрету.

Дамытушылық:  суретке байланысты мазмұнын нақты жасауды, таяқшамен толық ұшымен, жеңіл сүйкей жағу тәсілімен қар бейнесін салуға дағдыландыру, балалардың шығармашылық қабілеттерін дамыту.

Тәрбиелік: жыл мезгілінің ерекшелігін сезіне білуге тәрбиелеу;

Қолданылатын көрнекі құралдар: қыс көрінісінің суреті.

Қажетті құрал-жабдықтар: дәптер, гуашь бояулары, таяқша, су.

Сөздік жұмыс: пейзаж, көкжиек, кеңістік, мамық.

Әдіс-тәсілдер: сұрақ-жауап, ойын, денсаулық сақтау,дәстүрлі емес

Оқу іс-әрекетінің кезең-дері	Педагогтің іс-әрекеті	Балалардың іс-әрекеті
Мотивациялық – қозғаушылық	Балалар бүгін біздің сабағымыз  ерекше өтеді. Бізге бүгін көп қонақтар келіп отыр. Қане бәріміз амандасайып, шаттық шеңбер құрып, көңілімізді көтеріп алайық. Біз қалай көппіз, біз нешеуміз, Сан жетпейді десеңіз. Ұлдар да көп, қыздар да көп, Апайларда мыңда көп Әне аю, әне лақ Бәрі жақсы бірдей ақ Тату болсақ бәріміз, Жарқырайды тобымыз. Бүгін бізде дәстүрлі емес сабақ түрі сабақтың тақырыбы:  «Қыс қызығы»	Балалар амандасады. Шаттық шеңбер құрып, өлең шумақ айтады
Ұйымдастыру шылық – ізденістік	- Балалар, қазір далада қандай мезгіл? -Қыс мезгілінде қандай құбылыстар болады? - Қыста біз қандай ойындар ойнаймыз? - Қардың түсі қандай? -Иә балалар, қыста далада суық, боран болады,аяз, қарлы болады. -Балалар қар күн жылынып кетсе, не істейді? -Еріген қар күн суытса неге айналады? Қыс туралы кім маған тақпақ айтып береді? Әппақ,әппақ,жапалақтап, Қар жауып тұр далада. Әппақ дала, барлық бала Қуанып жүр далада. Далада қар борайды, Ақ мамыққа орайды. Мұз болады қатады, Жып-жылтыр боп жатады. Сергіту сәті: Бала,бала балапан Қане қайсы алақан. Саусақтары әйбат. Былай-былай ойнат. Жұмбақ жасыру Қыста ғана болады, Өзі ақ, суық,жұмсақ Ұстасаң қолың тоңады. (қар) Қиял елестету. Балалар барлығымыз көзімізді жұмайықшы, далада жүрміз, жерде қар көп, жып-жылтыр, аппақ, далада ұшқақтап қар жауып тұр,қандай әдемі, барлығымыз алақанымызды тосып қар ұшқынын ұстадық,  ойнадық, қандай тамаша қыс мезгілі. Балалар бүгін біз жауып тұрған қар бейнесінің суретін салып көрейікші. Тәрбиеші: Үлгісін балаларға салып көрсетеді, таяқшаны қалай ұстап, бояу керек екен айтып көрсету. Әдемі муз әуенімен балалар үстел маңайына келіп, жеке- жеке жұмыс жасайды. Жұмыс жасап болғасын өз орындарыңа отырады.	Қыс мезгілі. Қыс мезгілінде дала суық болады, қар жауады, аяз, боран болады. Қармен, шанамен, шаңғымен ойнаймыз. Қардың түсі ақ Күн жылынса қар ериді,суыса мұз болады. Тақпақ айтады. Балалар қолдарыңа таяқша алып, жауып тұрған қар бейнесін көк  қағазға, ақ бояумен салады.
Рефлексиялық - түзетушілік	- Балалар, біз бүгін қандай сурет салдық? Қыс мезгілінің қандай ерекшелігін білесіңдер? Тәрбиеші балалардың жұмысына талдау жасайды.	Балалар салған суреттерін бөрі бірге бағалайды.

Күтілетін нәтиже:

Елестетеді: таяқшаның толық ұшымен, жеңіл сүйкей жағу тәсілімен, қар бейнесін салуды

Түсінеді: мазмұнды, пейзаж, көріністі сала білуді.

Қолданады: суреттің мазмұнын нақты бейнелеуді.