Оқу іс-әрекеті: Сенсорика. Тақырыбы: «Ұзын-қысқа»

Күні:

Білім беру саласы: Таным

Оқу іс-әрекеті: Сенсорика

Тақырыбы: «Ұзын-қысқа»

Мақсаты: «ұзын», «қысқа» ұғымдарымен таныстыру; беттестіру (бетіне қою) әдісі арқылы ұзындықты салыстыруды үйрету;

Міндеттері: 

Білімділік: заттармен тәжірибелік әрекет барысында ұзындық туралы білімді қолдана білуге үйрету;

Дамытушылық: қашықтан заттарды ұзындықтары бойынша салыстыруды, көз мөлшерді дамыту; саусақтың ұсақ бұлшық еттерінің қозғалысын жетілдіру.

Тәрбиелік: Ұқыптылыққа тәрбиелеу.

Қолданылатын көрнекіліктер мен құрал-жабдықтар: ұзындықты беттестіріп салыстыруға арналған жолақша-жолдар (ұзыны - жасыл және қысқасы - көк); әр балаға әртүрлі түстен 1 машина; түрлі ұзындықтағы ленталар; әр балаға жолдардың түсіндей үйдің суреті бейнеленген 2 данадан карточкалар.

Сөздік жұмыс: ұзын, қысқа.

Оқу іс-әрекетінің кезеңдері	Тәрбиешінің іс -әрекеті	Балалардың іс -әрекеті
Мотивациялық – қозғаушылық	Саусақ жаттығуы. Бас бармаққа қонаққа, Үй есігі алдында, Балаң үйрек, ортан терек, Шылдыр шүмек асыға, Ең ақыры кішкентай бөбек, Есік қақты жайлана. Бірге жүрсе саусақтар - мәңгі достар, Бір-бірінсіз күні жоғын ұғынды олар!	Бір уақытта екі қолдың да саусак, ұштарын мәтіндегі сөзге сәйкес кезекпен қосады.
Ұйымдастырушылық- ізденістік	«Жол салу» дидактикалық ойыны. Балаларға жолақша-жолдар, үйлер және машиналардың суреті бар карточкалар үлестіріліп беріледі. Балаларға сұрактар қойылады. -Жолдар бірдей ме? -Айырмашылығы неде? -Олардың кайсысы ұзынырақ? -Жолақшалардың ұзындығын бір-бірінің үстіне қою арқылы білеміз. М.Монтессори технологиясымен жұмыс жүргізіледі. Сергіту сәті: Тербеледі ағаштар, Жел бетіме еседі. Кіп-кішкентай ағаштар, Үлкен болып өседі. Сөздік жұмыс: ұзын, қысқа. -Қай жол ұзынырақ; үстіңгісі ме, астыңғысы ма? Ұзын жолды жасыл үйге қоямыз, ал қыскасын көк үйге қоямыз. -Машина кай жолмен үйге тез жетеді? Балалармен жеке жұмыс жүргізеді.	Карточкаларды таратып алады. Балалар жолдарды салыстыра қарайды, тапсырманы орындап, педагогтің сұрақтарына жауап береді. Іс кимылдарын жасайды Қайталайды: ұзын, қысқа. Жауап береді.
Рефлексиялық- түзетушілік	«Ұзын және қысқа таспаны тап» дидактикалық ойыны. Әртүрлі ұзындықтағы таспалар салынған қорапты ортаға қояды.	Балалар педагогтің айтуы бойынша барлық қысқа таспаны немесе барлық ұзын таспаны табуға тиіс.

Күтілетін нәтиже:

Қабылдайды: «ұзын», «қысқа» таспаларды салыстырады;

Түсінеді: заттардың ұзын, қысқа болатынын;

Қолданады: заттардың ұзын, қыскалығын білу үшін беттестіреді.

Есеп :

+	-