Білім беру саласы: Қатынас
Бөлімі: Сауат ашу және жазу
Оқу іс-әрекетінің тақырыбы: А дыбысы және әрпі. 18 – бет.
Оқу іс-әрекетінің мақсаты: Өткен тақырыпты еске түсіре отырып, а дыбысы және әрпімен таныстыру.
Балаларға а дыбысы кездесетін сөзге мысал келтіртіп, сол сөздерді қатыстыртып, сөйлем құратқызу арқылы сөздік қорларын толықтыру, ойын тиянақты жеткізе білуге баулу. Жазуға қолдарын
жаттықтыру.
Оқу іс-әрекетінің көрнекіліктері: а дыбысының баспа түрі, ребустар, текшелер.
Әдіс-тәсілдер: әңгімелеу, түсіндіру, көрнекілік, сұрақ-жауап.
Қостілділік компонент: а дыбысы және әрпі – буква и звук а
Іс-әрекет
кезеңдері
Мұғалім іс әрекеті
Балалардың
іс-әрекеті
Мотивациялық-қозғаушылық
І. Ұйымдастыру кезеңі. 1. Балалар шаттық шеңберінде дөңгелене тұрып, қосылып айтады: Біз қандаймыз, қандаймыз? Шұғылалы таңдаймыз, Жарқыраған күндейміз, Ренжісуді білмейміз!
Шаттық
шеңберін
жасайды.
Ұйымдастыру-іздестіру
2. Педагог: – Балалар, қазір жылдың қай мезгілі? – Қай ай? – Аптаның қай күні? – Балалар, біз өткен оқу іс-әрекетіндегі дыбыс туралы не білетіндерімізді еске түсіріп көрейікші.
– Дыбыс дегеніміз не? – Дыбыстар нешеге бөлінеді?
– Дауысты, дауыссыз дыбыстарды қандай текшелермен белгілейміз?
– Ал әріп дегеніміз не? – Әріп дегеніміз – дыбыстарды таңбалау.
3. Жұмбақ: Жаңада бар, ескіде жоқ,
Танада бар, ешкіде жоқ.. (а дыбысы)
– Мынау ненің суреті? – Алма деген сөз қай дыбыстан басталып тұр?
– А дыбысы дауысты дыбыс па, дауыссыз дыбыс па?
– Неліктен дауысты дыбыс?
– Ал осы алма сөзін қандай текшелермен жазуға болады?
4. А әрпінің баспа түрін таныстыру. А әрпін ауада жазып көрсету.
5. «Кім жылдам?» дидактикалық ойынын ойнату. Шарты: а дыбысына келетін сөздерге мысал келтіру. А дыбысы кездесетін сөздерге көп мысал келтірген бала жеңімпаз атанады.
6. А дыбысы кездесетін сөздерді буынға бөлгізу.
7. Сергіту сәті: Алма баққа барамыз, Алма теріп аламыз.
Ең үлкенін алманың Анамызға сыйлаймыз.
ІІ. Негізгі бөлім. Дәптермен жұмыс жүргізу.
а) Сурет бойынша дыбыстық талдау жасату (аю, ата, бала). А дыбысының сөздің басында ортасында, аяғында келетінін мысал арқылы түсіндіру. Дәптердегі а дыбысының үлкен және кіші әріп таңбасын жазып үйренеді. – Ал, балалар, қазір дәптерлеріңді алып, үлгіге қарап сызықтарды қосып а әрпінің баспа түрін жазамыз. Балалар түгел жазып болған соң а дыбысын есте сақтау үшін, осы дыбыстан басталатын суреттерді көрсетіп, қай дыбыстан басталатынын өздеріне айтқызу.
ә) Суретті ребустың шешуі: Айгүл - сөзге дыбыстық талдау жасату.
б) Асқабақ, алмұрт сөздеріне дыбыстық талдау жасатып, а дыбысының орнын айтқызу.
Балалардың жауаптары тыңдалады.
Жұмбақ шешеді.
Ойынды ойнайды.
Сергіту сәтін жасайды.
Дәптердегі тапсырма -
ларды орындайды.
Рефлексивті-түзетушілік
ІІІ. Оқу іс-әрекетін қорыту. - Балалар, біз бүгін қандай дыбыспен таныстық? - А дыбысы қандай дыбыс екен? - А дыбысы кездесетін сөздерге мысалдар келтіріңдер.
Күтілетін нәтиже:
Нені біледі а дыбысы және әрпімен таныстыру.
Қандай түсініктерді игерді: а дыбысы кездесетін сөзге мысал келтіртіп, сөйлем құрату.
Меңгерген дағдылары мен іскерліктері: сөздік қорларын толықтыру, ойын жеткізе білуге баулу.
Оставьте свой комментарий
Авторизуйтесь, чтобы задавать вопросы.