Оқу және тіл дамыту пәнінен "Сс дыбысы мен әрпі" тақырыбына сабақ жоспары

Пән: Оқу және тіл дамыту

Күні: «_____» _______________ 20_____ ж.

Сабақтың тақырыбы: Сс дыбысы мен әрпі. (1-сабақ)

Сабақтың мақсаты: Оқушыларға Сс дыбысы мен әрпін таныту, ол арқылы сөздерді оқу мен жазуға үйрету. С дыбысы бар сөздерге дыбыстық талдау жасай білуге үйрету.
Сабақтың міндеттері:

1. Білімділік: Сс дыбысы сөздің басында, ортасында, соңында келетінін түсіндіру. Дауысты және дауыссыз дыбыстарды ажырата білуге үйрету.

2. Түзету-дамытушылық: Оқушылардың ойлау қабілетін мен шығармашылығын дамыту. Буыннан сөз, сөзден сөйлем құрауға дағдыландыру.
3. Тәрбиелік: Адамгершілікке тәрбиелеу, білімге деген қызығушылығын қалыптастыру.
Әдіс-тәсілдер: Ойын, сөздік, көрнекілік, практикалық.

Көрнекілік: Кеспе әріптер қалтасы, суреттер.
Сабақтың жоспары:

I. Ұйымдастыру кезеңі.

Сабаққа дайындықтарын тексеру. Оқушылардың зейінін сабаққа аудару.

Психологиялық бағыт.

Армысың, сұлу күн!
Армысың, ашық аспан!
Қайырлы күн, баршаға!
Тыныс алу жаттығулары.

Өткенді қайталау.

- Балалар, өткен сабағымызда қандай дыбыспен танысып едік?

- Ғғ дыбысы қандай дыбыс?
Ғғ дыбысына сөз ойлау.
- Сөздің қай жерінде кездеседі?
Екі оқушыға ға деген буыннан сөз құрату.
II. Негізгі бөлім.

Жаңа сабақты түсіндіру кезеңі.

Ойын «Сиқырлы сандар».
- Балалар, қазір біз сиқырлы сандар ойынын ойнаймыз. Мен сендерге сұрақ қоямын, әр сұраққа жауап алынса, сандар алынып астынан сурет шығады.
- Дыбыс дегеніміз не?
- Дыбыстар нешеге бөлінеді?
- Әріп дегеніміз не? т.б.
Сағаттың суретін құрастырады.
- Балалар, сағат сөзінің басында қандай дыбыс естіліп тұр?
С дыбысын хормен қайталату.
- С дыбысы дауыссыз, көк текшемен белгілейміз.
Топтастыру әдісі
- Мен С әрпін жазамын, сендер С дыбысы бар сөздер тауып айтасыңдар.
сағат садақ сабақ сан сәбіз
Сергіту сәті.
Ал, балалар, тұрайық,
Алақанды ұрайық.
Оңға, солға иіліп,
Бір отырып, бір тұрып,
Сәл тынығып алайық.
Оқулықпен жұмыс.

С әрпіне байланысты са, со, су буындарын, бағандағы сөздерді оқыту, мағынасын түсіндіру.

Дәптермен жұмыс
С әрпін жазу.
Ауада жазу, тақтаға жазып көрсету. Арнайы дәптерге С әрпінің үлкен және кіші әрпін жаздыру.
Сабақты бекіту.

Ойын. « Кім зейінді?»
Сара сауды сиырды,
Сексеуілді сындырды.
Сазан балық қырда,
Сан шаруаны тындырды.
Осы өлеңнен С дыбысынан басталатын сөздерді атату.

III. Сабақты қорытындылау.

- Бүгін біз қандай әріппен таныстық?
- С дыбысы қандай дыбыс?
- С дыбысы сөздің қай жерлерінде кездеседі?
Сабаққа қатысып, белсенділік көрсетіп отырған балаларды мадақтау, бағалау.