Оқушылардың функционалдық сауаттылығын дамытуды
басқару: проблемалары және жүзеге асыру жолдары
Дүйсенов Артур Серікбайұлы –
Тасқала
ауданы, Шипов жалпы орта білім беретін
мектеп директоры
Құрметті Нұрлан Асқарұлы !
Құрметті тамыз маслихатына қатысушылар,
әріптестер!
Елбасы Нұрсұлтан Назарбаевтың «Әлеуметтік -
экономикалық жаңғырту-Қазақстан дамуының басты бағыты» атты Жолдауында
жүктелген міндетке сәйкес елімізде оқушылардың функционалдық сауаттылығын
дамыту мақсатында бес жылдық ұлттық жоспар қабылданғаны баршаға аян.
Ұлттық жоспардың басты мақсаты - Қазақстанда білім
сапасын жетілдіру үшін негізгі бағдар ретінде оқушылардың функционалдық сауаттылығын
дамыту жөніндегі атқарылар шаралардың жүйелілігі мен тұтастығын қамтамасыз ету.
Функционалдық сауаттылықты дамытудың жалпы бағдары елімізде
«Білім беруді дамытудың 2011-2020 жылдарға арналған мемлекеттік
бағдарламасында» айқын көрсетілген. Басты мақсат -жалпы білім беретін
мектептерде зияткерлік, дене және рухани тұрғысынан дамыған азаматын
қалыптастыру, оның физикалық құбылмалы әлемде әлеуметтік бейімделуін қамтамасыз
ететін білім алудағы қажеттіліктерін қанағаттандыру болып табылады.
Ұлттық жоспарда көрсетілген функционалдық
сауаттылықтың негізгі механизмі – оқу нәтижелерінің бағалау жүйесін өзгерту.
Бағалау жүйесі функциональдық сауаттылықта сырттай бағалау және іштей бағалау
болып бөлінеді. Іштей бағалау – оқу пәні бойынша оқыту сапасын диагностикалау
және мемлекеттік жалпыға білім беру стандарты өлшеміне сәйкес жүзеге асырылуы
тиіс. Ал сырттай бағалау - әрбір деңгейді аяқтау бойынша білім алушының оқу
жетістіктерінің нәтижелеріне сәйкес ұлттық бірыңғай тестілеу, оқу жетістіктерін
сырттай бағалау, сондай – ақ халықаралық зерттеулерге қатысуы арқылы жүзеге
асырылады.
Бұл тұрғыда мектепте білім алушылардың сапасы 65,5 пайызды
құрайды (өткен оқу жылында 54,2 пайыз), Ұлттық бірыңғай тестілеуге қатысқан
түлектеріміздің тестілеу қорытындысы бойынша орташа жинақ балы 84,6 болды.
Функционалдық сауаттылықты дамытудың негізгі факторларының
бірі– ата – аналардың балаларды оқыту мен тәрбиелеуге белсенді қатысуын
қамтамасыз ету. Ата – ананың бала тәрбиелеуде функционалдық сауаттылығын көтеру
мектеп мұғалімдерімен олардың тығыз байланыс жасап, екі жақты әріптестік
әрекетінің негізінде қалыптасады. Мектебімізде ата-аналармен бірлесіп, «Әке –
шаңырақтың тірегі» дөңгелек үстел, «Әке жолы – ізгіліктің іздері», «Бақытты
балалық шақ» атты тақырыптық кештер, «Алтын ұя» отбасылық байқаулары,
«Денсаулық» фестивалі дәстүрлі өткізілуде. Мектепішілік ата-аналар комитетінің
бастамасымен аз қамтылған отбасының балаларына жеке кәсіпкерлер үнемі
демеушілік көрсетуде.
Функционалдық сауаттылықты дамытуда оқушыларды қосымша білім
және мектептен тыс сабақтармен қамту жұмыстарының да алатын орны зор. Мектеп
оқушыларына сабақтан тыс уақытта түрлі «Генетика және селекция негіздері»,
«Тарихи таным», «Қазақ тілінің стилистикасы», «Жас шахматшы»
үйірмелері мен қосымша сабақтар, факультатив және қолданбалы курстар
жүргізілуде.
Мектептегі білім – барша әлем тыныс – тіршілігінің
алғашқы іргетасы. Мектептің басты тұлғасы – мұғалім. Мектеп бойынша 30 педагог
болса, олардың 4-і (13,3%) жоғары және 12-сі (40%) бірінші санатты.
Мектебімізде жас мұғалімдерге бағыт-бағдар беру
мақсатында «Жас мамандар» клубы жоспарлы жұмысын жүзеге асыруда. Жас
мұғалімнің мектеп өміріне, оқу-тәрбие ісіне араласып белсенділік танытуына,
шебер мұғалім қатарынан табылуына, тез қалыптасуына пайдалы іс-шаралар
ұйымдастырылады. Осы мақсатта өткізілген семинарлар мектепішілік деңгейде ғана
емес, аудан мектептерімен бірлесіп, аудандық білім бөлімінің ұйымдастыруымен
«Жас мамандар» слеті өткізіліп, еңбек жолын жаңа бастаған жас мамандарға
әдістемелік көмек көрсетіледі. Жас мамандар аудандық ІІ жастар форумына
қатысып, флеш-мобтарды белсене ұйымдастыруда.
Мұндағы негізгі мақсат: жаңа педагогикалық
технологияларды жетілдіре, игере отырып, білім берудегі жаңашыл қызметте
оқушылардың білім сапасын арттыру, жан-жақты дамыту жолындағы жұмыстарға
жұмылдыру, төселдіру.
Мектебімізге «Дипломмен ауылға» бағдарламасымен
келген жас мамандарға мемлекет тарпынан нақты көмек көрсетілуде. 2012-2013 оқу
жылында еңбек жолын бастаған 3 жас педагог көтерме ақы алса, 2 маманға үй
алу үшін несие берілді.
Елбасы Нұрсұлтан Әбішұлы Назарбаевтың стратегиялық
мақсаты – елдің тыныштығын, береке бірлігін көздің қарашығындай сақтай отырып,
экономикалық әл-ауқатын күшейту, рухани байлықты дамыту. Елбасымыздың тікелей
қамқорлығымен білім саласында біркелкі оңды жұмыстар атқарылып, білім
ошақтарының материалдық-техникалық базасы нығая түсіп, мұғалімдердің
шығармашылықпен жұмыс жасауларына, әрі оқушылардың алаңсыз білім мен тәрбие
алуларына жағдайлар жасалуда. Ауданымызда білім саласының дамуы үшін бөлінетін
қаржының мөлшері де жылдан-жылға артуда.
Биылғы жыл да білім беруге арналған қаржы саланың
өзекті мәселелерін шешуге мүмкіндік берді. Мектебімізде ағымдағы оқу жылында
жылыжай салынып, жұмыс істеді. Мектебіміздің материалдық - техникалық базасын
нығайту мақсатында республикалық бюджет арқылы мүгедек балаларға компьютер,
қосымша жиһаздар алынса, жергілікті бюджеттен сынып тақталарына, музыкалық
орталықтар, спорт тауарлары, мектеп формалары, оқу құралдарын алуға қаржы
бөлінді.
Тәрбие жұмысының басым бағыттары – ұлтжандылықты,
азаматтықты, рухани құндылықты, рух-жігері шыңдалған әлеуметтік жағынан
белсенді тұлғаны қалыптастыру, құқық бұзушылықтың, діни экстремизмнің
алдын-алу,
отбасылармен жұмыс болып табылады. Мектебімізде жасөспірімдердің
арасындағы құқық бұзушылықтың алдын алуда білім, ішкі істер бөлімдерінің,
ауылдық округ әкімнің біріктірілген жұмысы жүйеге келтірілді.
Мектепте білім алушылардың қажеттіліктерін
толыққанды қамтамасыз ету үшін атқарылар ауқымды істер алда да баршылық.
Оқушылардың сабақтан тыс қосымша білім алу
деңгейін жетілдіруге, мектептің әдістемелік жүйесінің материалдық техникалық
базасын нығайтуға тиісті қаржы бөлінсе, оқу мен тәрбие саласындағы оңды істер
нәтижелілігі әлі де сапалы деңгейге жете береді деп сенеміз.
Құрметті білім қызметкерлерінің дәстүрлі
тамыз мәслихатына қатысушылар!
Теңдік пен еркіндіктің белгісіндей тіліміздің туы
биік, тұғыры жоғары болуы жолында тәуелсіз еліміздің қажетіне сай алғыр ұландарымызды
тәрбиелеуде білім ошақтары уақыт межесінен шығып, лайықты еңбек ете берсін!
Оставьте свой комментарий
Авторизуйтесь, чтобы задавать вопросы.