"Ойын түрлері" Сауат ашу 1 сынып

                                       Қысқа мерзімді сабақ жоспары

Тақырыбы: Қысқы, жазғы ойындар

Күні:

Сынып: 1

Қатысқандар:

Қатыспағандар

Сабақта меңгерілетін дағдылық мақсаттар:

1.3.8.1. Сөз, сөйлемін, мәтінді  мұғалім көмегімен (үлгі, талдау, т.б. ) тексеру және  қателерді түзету 1.3.10.1. Заттың атын, санын, сынын, қимылын  білдіретін сөздерді ажырата алу және орынды қолдана білу 1.1.3.1 Мұғалімнің көмегімен оқиғаның ретін сақтай отырып баяндау

Табыс  критерийлері:

Барлық оқушылар: Ойындардың жыл мезгілдеріне байланысты әртүрлілігін ұғынады. Жаңылтпаш жаттап, сұрағына қарай сөздерді тауып жаза алады. Сөздегі дыбыс саны мен әріп санын анықтап, салыстыра алады. Өз пікірін айтуға тырысады. Тақырыпқа қатысты қыс, көктем, жаз, күз сөздерінің мағынасын түсініп, үш тілде айта алады.

Оқушылардың көпшілігі: Әр ойынның өзіндік белгілеріне мән береді. Пікірталасқа түсуге талпынады.

Кейбір оқушылар: Пікірталас кезінде өз ойын салмақтап, дәлелдей алады. Сөз, сөйлемін, мәтінді  мұғалім көмегімен (үлгі, талдау, т.б. ) тексеру және  қателерді түзету

Осыған дейін меңгерілген білім:

Ұлттық ойын түрлерін біледі. Сурет бойынша ойын ережесін құрастыра алады. Ойын кезінде белсенділік танытады. Заттың атын, санын, сынын, қимылын білдіретін сөздерді ажыратады және орынды қолдана біледі.

Күтілетін нәтиже:

Ойын түрлерін біледі. Сөйлемнен заттың қимылын білдіретін сөзді таба алады. Сөздегі дыбыс түрлерін ажыратып, дұрыс дыбыстауға талпынады. Әріпті танып ажыратады және оны дыбыспен сәйкестендіруге дағдыланады.

Керекті құрал-жабдықтар мен көрнекіліктер:

Оқулық, жазу дәптері, №1 кесте, интербелсенді тақтаға арналған ойын атрибуттары.

Сабақтың барысы:

Уақыт

Мұғалімнің әрекеті

Оқушының әрекеті

(МК, Қ) «Атаулар туралы үш сұрақ» әдісі бойынша өзінің сүйікті ойынының атын қимақағазға жазады. Қашан? қайда? қалай? сұрақтарына жауап беріп тұрып кестеге іледі. (Оқушыларға ойын атын жазуға арналған қимақағаз алдын ала үлестіріледі.) Мысалы: Мен қар ату ойынын қыста, далада, қармен ойнаймын. Мен жасырынбақ ойынын күзде, үйде, бауырларыммен бірге ойнаймын. Қыста ойналатын ойындар Көктемде ойналатын ойындар Күзде  ойналатын ойындар Жазда ойналатын ойындар (Жылдың әр мезгілінде ойналатын ойындар болатындығына назар аудартады.) Жаңа сабаққа көпір жасайды.

(Ұ) Тыңдалым мен айтылымды байланыстыра отырып жұмыс жасайды. Жазғандарын тақтада ілінген №1 кестеге сұрақтарға жауап бере тұрып орналастырады. Оқушылар сұраққа жауап бере отырып сөйлемдер құрастырып, оны ұжым алдында айтуға дағдыланады.

Мағынаны тану

Түсіну

(МК) Оқулықпен жұмыс. Суретке назар аударта отырып, қызықты қыс пен жадыраған жазда ойналатын ойындар туралы әңгімелесіп, ойын ойнауға арналған атрибуттар тізімін жасауды ұсынады. Мысалы, ойын атрибуттары: доп, қуыршақ, шана, секіртпе, т.с.с. Ойын атрибуттарының бірі секіртпеге тоқтала келіп, «Секіртпе» өлеңін оқытады. (МК) Дәптермен жұмыс. 1-жаттығу. «Секіртпе» ойынына ұқсас қимыл жасайтын жануарлар мен заттарды ататып, аю, шегіртке сөздеріне дыбыстық талдау жасатады.

(Ұ) Тыңдалым мен айтылымды байланыстыра отырып жұмыс жасайды. (Әр жыл мезгілін әр шағын топқа беруге болады.) 1-жаттығуды орындайды. Сөздегі дыбыс түрлерін ажыратып, дұрыс дыбыстауға талпынады.

Қолдану

(ОТ) 2-жаттығу. Жаңылтпашты жатқа айтуға бағыттайды. Жаңылтпаштан не істеді? деген сұраққа жауап беретін сөздерді теріп жазуға көмектеседі.

(Ө, Ж)Оқушылар жаңылтпашты жұбына жатқа айтып береді.

Талдау

(МК, ОТ) «Дыбыс және әріп» туралы ережені қорытуға бағыттайды.

Сөздерге дыбыстық талдау жасайды.

Сергіту жаттығуы

(МК) Татар халқының «Орынға тұра қал» ойынын ойнатуға болады. (Оқушылар жақсы білетін кез келген ойынды ұйымдастыруға болады. Басқа халықтардың ұлттық ойындарын үйренуге мүмкіндік туады.)

Байқампаздыққа, қырағылыққа, жылдамдыққа талпынады.

Ойтолғаныс

Жинақтау

Интербелсенді тақтамен жұмыс: «Артығын алып таста» әдісі бойынша әртүрлі қимыл- қозғалыс ойындарының суреттері беріледі. Суреттер топтамасына ортақ атау беріп, артық 3 суретті тауып алып тастау ұсынылады.

(Т) Шағын топтар тапсырманы топ ішінде талдап, ұжымға ұсынады. Суреттер арасындағы байланысты орнатуға тырысады.

Бағалау

(ОТ) Пікірталас: «Ойындар қай кезде қызықты?»

Оқушылар жазғы ойынды жақтаушылар мен қысқы ойындарды жақтаушы екі топқа топтасып, өз көзқарастарына дәлелдер келтіреді.

Қосымша мәліметтер

Өткізілген сабақ бойынша мұғалім жазбасы Сабақ барысында қолданылған әдіс-тәсілдер тиімділігі:                                                                                                                   Жүргізілген жұмыс түрлері қаншалықты тиімді:                                                                                                                                 Оқушылардың белсенділігі:                                                                                                                                                                    Сабақтың мақсатына жету жолындағы қадамдардың маңызы:                                                                                                          Кездескен кедергілер мен оны еңсеру жолдары: