План конспект на тему «Этнопедагогикалық сабақ»

Этнопедагогикалық сабақ

Тақырыбы: Өнегелі шешемнен, үлгі алып өсем мен.

Мақсаты: Балалардың жан-жақты қабілетті азамат етіп өсуіне халықтық салт-дәстүрлердің тәлім-тәрбиелік, білім танымдық рай туралы түсініктерін қалыптастыру.

Аналардың өлшеусіз еңбегін бағалай білуге, мейірімділікке, еңбекқорлыққа тәрбиелеу. Ата-аналардың мектеппен тығыз байланысын арттыру.

Сабақтың барысы:

Тәрбиеші. Анам менің әлемдегі қымбаттым

Ең көрікті, ең сұлу да сымбаттым.

Мен жыласам таянып тал бесікке,

Балаң үшін ұйқы бөліп, түн қаттың

Анам менің әлемдегі ардақтым

Бәрінен де сабырлы дарыған

Тек өзіңнен үлгі өнеге алмақпын.

Құрметті оқушылар! «Өнегені шешемнен, үлгі алып өсем мен» атты сайысымызды бастайық. Сайысымыздың 1-кезеңі «Таныстыру» (әр жұп өздерін таныстырады)

Өзінің алғырлығын ұғындырып

Көрсетер көп іздеген мығым қылық

Келесі бұл сайыстың жоспарында

Түседі бәсекеге білімділік.

2-кезең. «Сұрақ - бізден, жауап сізден»

Құдай қонақ деген қандай қонақ?

Жауабы: Өзің танымайтын, білмейтін шалғай елден жолаушылап жүріп ат басып тірей қалған бөгде қонақ. Бұл – сауа қонақ .

Сандық пен кебеженің қандай айырмашылығы бар?

Жауабы: Сандық – киім-кешек, әшекей бұйым, теңге салуға ыңғайлы жиһаз.

Тоқым қағу деген не?

Жауабы: 7-8 жасар балаға нағашы жұрты бәсіреге берген құнанына ашамай ерін ерттеп мініп, бірінші рет үйінен алысқа жолаушылап шығып, нағашы жұртына барады. Сонда әке-шешесі бір малын сойып ауыл-аймағын жинап тоқым қағар той жасайды.

Арнайы қонақ деген қандай қонақ?

Жауабы: Алыстан арнайы келген жақын туыс, сүйекті дос, жақсы жолдас. Бұл сыйлы қонақ.

Шағын орталыққа сұрақ. Үйге кіріп келе жатқан сәбидің табалдырықта сүрінгенің ата-бабамыз қалай ырымдаған?

Жауабы: Сол отбасына ырыс, береке, молшылық келеді деп ниет еткен.

Балаларға сұрақтар:

1. Жеті жұтты ата. (Құрғақшылық, жұт, өрт, оба, соғыс, топан су, зілзала)

2. Жеті қазынаны ата. (Ер жігіт, сұлу әйел, ақыл, білім, жүйрік ат, қыран бүркіт, берен мылтық)

3. Қазақтың ұлттық тағамдарыын ата. (талқан, ірімшік, жент, сары май, қатық, торта, қайнатқан құрт)

4. Киіз үй жабдықтарын ата. (Шаңырақ, кереге, уық, үзік, бақан, белдеу, түндік, сыңырлауық)

Ситуациялық сұрақтарға жауап беру

1. Балаңыз сабақтан қашып, мектептен ерте келді, не істейсіз?

Жауабы: Балаңыздың мұндай жөнсіздіктеріне жол бермеңіз, әйтпесе одан кейін өрши түседі.

2. Балаңыз мектептегі бір мұғаліммен тіл табыса алмай жүр. Балаңызға қандай кеңес айтасыз?

Жауабы: анық себебін біліп алып, мұғаліммен тіл табысуға ықпал ету.