Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Другое / Конспекты / План конспект урока по крымскотатарской литературе Юсуф Болат «Той девам эте» пьесасы

План конспект урока по крымскотатарской литературе Юсуф Болат «Той девам эте» пьесасы

  • Другое

Поделитесь материалом с коллегами:

Судакъ шеэри больгеси МБОТ "Къырымтатар тилинде окъуткъан 3 номералы орта умумтасиль мектеби"






Дерс конспекти

къырымтатар эдебият

Дерснинъ мевзусы: Юсуф Болат «Той девам эте» пьесасы



http://1576.ua/uploads/catalog/d4e14d362044cd87a178e17dd1313398a968cfa2.jpg

Азырлады:

къырымтатар тили

ве эдебият оджасы

Аблаева Зубиде

Сулаймановна



Судакъ ш.

Дерснинъ мевзусы: Юсуф Болат «Той девам эте» пьесасы.

Дерснинъ макъсады: Талебелерге Юсуф Болатнынъ «Той девам эте» пьесаны пекитмек.

Дерснинъ донатувы: дерсликлер, фоторесим, языджынынъ портрети.

  1. Тешкилий къысым:

Оджа: Селям алейкум балалар! Сизлерни корьгенимден пек мемнуным.

Талебелер: Алейкум селям! Бизде сизни корьгенимизден мемнунмыз.

Оджа: Ким бугунь невбетчи?

Талебелер: Алиме.

Оджа: Алиме, бугунь дерсте ким ёкъ?

Талебелер: Бугунь дерсте эписи бар.

Оджа: Балалар бугунь афтанынъ насыл куню?

Талебелер: Бугунь афтанынъ джума акъшамы.

Оджа: Сагъ ол отур. Дерске азырлыкъ корюнъиз.

  1. Эв вазифесини сорав:

Оджа: Эвге насыл вазифе берильди?

Талебелер: Юсуф Болатнынъ «Той девам эте» пьесаны окъуп битирмек.

Оджа: Дерске бугунь эпинъиз азырсынъыз.

Талебелер: Эльбет оджам, бугунь азырмыз.

Оджа: Машалла сизге. Бугунь бизим дерсимиз башкъа шекильде кечеджек. Шимди сизлер эки группагъа болюнип ве озь группаларынъызны адландыраджакъсыз. Сонъра биз сизге суаллер береджемиз, сизлер исе оларгъа догъру джевапларны береджесиз, къайсы группа тез джевабыны берсе, шу группа бал къазанаджакъ. Журилерни сизге такъдым этмек истер эдим: Эмилия оджа, Эльвира оджа ве Шейде Аметовна.

1 тур.

Оджа: Шимди мен сизлерге суаллер окъурым сизлер исе оларнынъ джевапларыны айтарсынъыз.

  1. Юсуф Болат къачынджы сенеси дюньягъа келе? (1909 сенеси дюньягъа келе.)

  2. Юсуф Болат къайда ве насыл къорантада дюньягъа кельди? (Алушта шеэринде, фукъаре къорантасында дюньягъа келе.)

  3. Юсуф Болат къайда окъуды? (Къырым педагогика институтынынъ къырымтатар тиливе эдебияты болюгинде.)

  4. Юсуф Болат насыл комедияны язды? («Дубаралы той»)

  5. Юсуф Болатнынъ «Той девам эте» пьесасы насыл эсер? (комедия)

  6. Юсуф Болат къачан ве къаерде вефат этти? (1986 сенеси, Ташкент шеэринде вефат эте).

  7. Юсуф Болат насыл окъув юртуны битирди? (Къырым педагогика институтынынъ къырымтатар тили ве эдебияты болюгини).

  8. Юсуф Болат насыл окъув юртунда окъуды? (педагогика институтында)

  9. Юсуф Болат къайсы мектепте окъуды? (кой мектебинде)

  10. Юсуф Болат къач пьеса язды? (еди пьеса)

  11. Насыл пьесалар Юсуф Болт язды? («Той девам эте», «Арзы къыз», «Денъиз далгъасыз олмаз»)

  12. Къачынджы сенеси Юсуф Болат Акъмесджит педагогика институтынынъ къырымтатар тили ве эдебияты болюгине окъумагъа кире? (1931 сенеси окъумагъа кире).

Оджа: Машалла! Энди экинджи тургъа кечемиз.



2 тур.

Оджа: Шимди Юсуф Болатнынът «Той девам эте» пьесасы устюнден суаллер береджемиз.

  1. Насыл сенеде Юсуф Болатнынъ «Той девам эте» пьесасы биринджи кере саналаштырылгъан? (1939 сенеси).

  2. Бу пьесада кимни Юсуф Болат кулюмчли алда косьтере? (Зияны косьтере.)

  3. Пьесанынъ баш къараманлары ким эди? (Селим, Зия, Рейан апте.)

  4. Топлашувнынъ тешеббюстчи ким эди? (Селим)

  5. Пьесанынъ башында Айше насыл йырны йырлады? («Ешиль япракъ арасында»)

  6. Пьесадаки вакъиалар къаерде олып кече? (бу вакъиа койде олып кече)

  7. Муэллиф Зияны не ичюн кулюнчли шахыста косьтере?

Оджа: Машалла балалар, эпинис пек актив чалыштынъыз. Шимди 3 тургъа кечемиз.

3 тур.

Оджа: Шимди эки группагъа бирер конверт бериледжек. Бу конвертлер ичинде сезлер язылгъан, бу сёзлернен «Аталар сёзлери» тизмек керексинъиз.

Оджа: Машалла! Шимди сонъки турны кечиреджемиз.

4 тур.

Оджа: Машалла! Келинъиз сонъки тургъа кечейик. Эр бир группа бирер халкъ йырыны иджра этмек керек.

Пекитув: Машалла талебелер. Эписи фааль иштиракъ эттилер. Шимди жури азаларгъа сёз бериле.





Автор
Дата добавления 16.02.2016
Раздел Другое
Подраздел Конспекты
Просмотров258
Номер материала ДВ-460905
Получить свидетельство о публикации
Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх