План по физкультуре на теме "Баскетбол ойынының элементтері. "

          Ұйымдастырылған оқу іс-әрекетінің технологиялық картасы                                                                               

Күні:

   Білім беру саласы: Денсаулық.Таным.

         Бөлімі: Дене шынықтыру.

         Тақырыбы: Баскетбол ойынының элементтері.

 Мақсаты:

 Білімділік:Балаларды допты екі қолмен қағып алуға          үйрету.

         Дамытушылық: Допты еденге ұру дағдыларын дамыту.

         Тәрбиелілік: Ұйымшылдыққа тәрбиелеу.

         Ұйымдастырылған оқу іс-әрекетінің құралдары: әрбір балаға шығыршық, волейбол торы, доптар, кегельдер

         Билингвальдық компоненттер:  доп-мяч,

Іс-әрекет кезеңдері	Дене шынықтыру нұсқаушының  іс- әрекеті	Балалардың іс- әрекеті
Мотивациялық-қозғаушылық	1.Бір қатар сапқа тұру. Сәлемдесу. 2.Нұсқаушының баскетбол және оның ережелері туралы әңгімелеуі                                        3.Жүру түрлері:                              -алдыға қарап жүру;                                 -бір бүйірмен жүру;                            -қысқа жөне кең адыммен жүру.                                             4.Қарапайым жүгіру.	Балалар нұсқаушының айтқанын дауыстап қайталайды. Балалар нұсқаушының талаптарын орындайды.
Ұйымдас-тыру- шылық ізденістік	1. Шығыршықпен орындалатын ЖДЖ: Б.қ.: аяқтарының арасын ашып, шығыршықтың екі шетінен ұстап, алдыға созып отыру. Қолдарын жоғары көтеру, жоғары қарау, төмен түсіру. Б.қ.: тұру, шығыршық еденде жатады. Шығыршыққа кіру жөне отыру («балапандар ұяларында отыр»), түзеліп тұру, шығыршықтан шығу, қолдарын екі жаққа көтеріп, төмен түсіру («Құстар қанаттарын қағады»). Б.қ.: аяқтарының арасын ашып, қолдарын артқа тіреп отыру, шығыршық аяқтарының арасында еденде жатады. Аяқтарын көтеріп қосу, еденге түсіру («Шығыршықты жасыру»). Аяқты көтеру, екі жаққа созу, еденге түсіру («Шығыршықты көрсету»). Шығыршықпен бүкіл алаң ішімен жан-жаққа шашырап жүгіру («Автокөліктер жүреді»). (30-40 сек). 2.«Лақтырып, қағып алу» ойыны. 3.«Кегельдерді құлату» ойыны. 4. «Тордан допты өткізу» ойыны.	Жаттығуларды 4-6 рет қайталау. Жаттығулар нұсқаушының көрсетуі бойынша қайталанады. Балалар қолдарына бір-бір доп ұстап тұрады. Нұсқаушының «Баста!» деген белгісіне қарай балалар допты жоғары лақтырады және оны қағып алады. Әрқайсысы допты қанша рет қағып алатынын санаиды және оны түсіріп алмауға тырысады. Ойыншылар сызықтың ар жағына, оған қарсы 2-3 м қашықтықта кегельдер тұрады. Балалардың қолында доптар болады. Белгіге қарай ойыншылар доптарды кегельдерге қарай домалатып, оларды құлатуға тырысады. Келесі белгі бойынша балалар доптардың артынан барып, құлаған кегельдерді көтереді. Әрбір ойыншы кегельдердің қанша рет құлағанын санайды. Ойыншылардың шағын тобы 1-1,5 м-ден кем болмайтын қашықтықта. Балалар (2-8) тордың екі жағына тұрады (тор баланың қолын созып тұрған биіктікке сәйкес тартылған), одан кейін балалар допты бір-біріне тордың ар жағына лақтырады. Егер ойыншылар төртеу немесе одан көп болса, онда бір бала допты тордың ар жағына лақтырады, қағып алған бала өзінің жанында тұрған балаға допты лақтырады, ал ол өз кезегінде допты тордың ар жағына қайтарады.
Рефлексиялық түзетушілік	Шеңбер бойына тұру. «Жылан» жүрісімен ирелеңдеп жүру.	Нұсқаушының талаптарын орындайды.

Күтілетін нәтиже:

Орындайды: баскетбол ойынының элементтерін түсінеді;

Түсінеді: ойынның шарттарын;

Қолданады: доп лақтыру және допты екі қолмен қағып алу дағдыларын