План урока. Диктант.9 сынып.

Сынып: 9

Пәні: Қазақ тілі.

Сабақтың тақырыбы:Диктант

Сабақтың мақсаты: Оқушылардың тақырыптарды меңгергендігін тексеру, ережелерді естерінде бекіту.  Ережелерді тәжірибе жүзінде қолдана білуге үйрету, сөздік қорларын молайту,сауаттылығын арттыру. Оқушыларды ынта қойып тыңдауға, көркем , таза жазуға және тыныс белгілеріне мұқият болуға дағдыландыру. 
Сабақтың түрі: бақылау
Сабақтың әдісі: қайталау,түсіндіру,жазу. 
Көрнекілігі: ережелер кестесі,қиын сөздер. 
Сабақтың барысы:

І. Ұйымдастыру кезеңі. 
Амандасу, түгендеу. Көңіл-күйлеріне назар аудару. 
ІІ. Ережелерді еске түсіру. 
ІІІ. Диктант жұмысы. 
Күнді, айды жаздыру. Диктант тақырыбын жаздырту. Диктант мәтінін оқып беру. Қиын сөздермен таныстыру. Тақтаға жазып көрсету:
Мәтінді қайталап оқып беру. 
Асықпай жаздырту. Мәтінді қайталап оқу. Оқушыларға тексерту. 
Тыныс белгілерінің қойылуына назар аударту. 
   

Мамандық

  Мамандық таңдау – әрбір мектеп бітіруші түлектің мақсаты. «Армансыз адам қанатсыз құспен тең» дейді халық. Барлық адам баласының арманы болады. Арманшыл адам болашақта дегеніне жете алады. Мамандық пен өнерді өз қабілетіне де қарай таңдап алады. Өмірде мамандықтың түрі өте көп. Халық алдына шығып ән салатын әнші болу. Адам өмірінің арашасы болатын ақ халатты дәрігер болу. Шәкірттерді білімге жетелейтін ұстаз болу.

Адам жас кезінен бастап өзінің жүрегі қалаған мамандығына қарай бейімделе бастайды.Терең білім алуға талпынады. Өз бетінше ізденеді. Көп оқиды. Түрлі мамандықта еңбек етіп жүрген адамдардың өмірімен танысады.

Жақсы маман болу үшін еңбек ету керек. Инженер, дәрігер, мұғалім, журналист болу үшін оқу керек. Бақташы, сауыншы, егінші, шопан болу үшін ауылда жұмыс істеу керек. Ал жақсы жұмысшы, кенші, құрылысшы болу үшін өндірісте істеу керек.(121 сөз)

Диктантты қайталап оқып, тексерту. Өздеріне оқып, тексеруге уақыт беру. Тыныс белгілерін тексерту. 

Үйге:қайталау.