План урока на тему "Мемлекеттік тіл "

Алматы қаласы №52 жалпы білім беретін мектептің қазақ тілі мен әдебиеті пәнінің мұғалімі, директордың оқу ісі жөніндегі орынбасары Сайдахметова Венера Турдалиевна Пәні :қазақ тілі                      Сыныбы: 7                         Сабақтың тақырыбы: Мемлкеттік тіл. Сан есімнің түрлері
Сабақ тақырыбы:	Мемлекеттік тіл. Сан есімнің түрлері
Сабақтың мақсаты: Білімділік: Дамытушылық: Тәрбиелік:	Қазақ тіліндегі мәтіндер арқылы мемлекеттік тіл туралы ақпараттық ұғымын кеңейту. Лексикалық тақырып аясында сан есімді меңгерту. Топтық, жұптық жұмыстарды орындау арқылы оқушылардың ой-өрісін, тіл байлықтарын дамыту, іскерлікке машықтандыру. Тақырып төңірегінде өз ойларын ашық жеткізуге баулу. Тілдік коммуникация барысында мемлекеттік тілді құрметтеуге тәрбиелеу.
Сілтеме:	Оқу бағдарламасы, «Қазақ тілі» оқулығы, жазу дәптері
Жетістік  критерийлері:	Оқушының төменгі жетістігі: қарапайым тілдік үлгілер арқылы мемлекеттік тілдің адам өміріндегі рөлін түсінеді, ол жөнінде ақпарат бере алады. Оқушының орташа жетістігі: тақырыпқа қатысты қысқа сөйлемдерді қолдану арқылы мемлекеттік тіл туралы ақпарат бере алады. Оқушының жоғарғы жетістігі: мемлекеттік тіл туралы мәтін құрайды, мемлекеттік тілді қолдануға қатысты өз ойын айтады.
Сабақта қолданылатын материалдар:	Интербелсенді тақта, слайдтар, «Мемлекеттік тіл» туралы деректі фильм, тақырыпқа қатысты суреттер, А4 парағы, маркерлер
Оқыту әдістері:	Түсіндіру, сипаттау, әңгімелеу, «Көңіл күйді анықтау» тренингі, «Кубизм» әдісі, «Тірек сөздер» стратегиясы, «Кім жылдам?» ойыны, сергіту жаттығуы.
Сабақ барысындағы мұғалім мен оқушының іс-әрекеті
Тапсырмалар:	Мұғалімнің іс-әрекеті	Оқушының іс-әрекеті
Ұйымдастыру кезеңі. Оқушыларға психологиялық ахуал туғызу.	Мұғалім сыныппен сәлемдеседі, оқушылардың сабаққа қатысуын тексереді. Мұғалім «Көңіл күйді анықтау» тренингінің негізінде сабақ барысында оқушыларға А4  парағы мен маркерлер таратады.	Мұғаліммен сәлемдеседі, кезекші мұғалімнің сұрақтарына жауап береді. Оқушылар параққа маркермен өзінің көңіл-күйін сипаттайтын сурет (смайлик) салады.
Өткен сабақты тексеру.	Үй тапсырмасының орындалу деңгейі мен сапасын анықтайды. «Ана тілі» тақырыбы бойынша  берілген тапсырмаларды тексереді. Кемшіліктерді анықтайды, түзетеді, бағалайды.	Тапсырманы айтады, тақырып бойынша сұрақтарға жауап береді.
1.Қызығушылығын ояту	Оқушылардың жаңа сабаққа деген қызығушылығын арттыру мақсатында интербелсенді тақтадан «Мемлекеттік тіл» туралы деректі фильм көрсетеді. Сұрақтар қою арқылы мемлекеттік тіл туралы ақпарат береді.	Деректі фильмді көреді, сипаттайды. Қойылған сұрақтарға жауап береді, өз ойларын айтады.
2.Мағынаны тану	1. Сөздікпен жұмыс Мұғалім тақырыпқа қатысты жаңа сөздермен таныстырады, аудармасын айтады. Оларды оқиды, оқушыларға қайталатады.	Тыңдалым.Оқылым. Жаңа сөздердің айтылуын тыңдайды, мұғаліммен бірге оқиды.
	2. Мәтінмен жұмыс. а) Тыңдалым. Оқылым. Мәтінді мәнерлеп, дұрыс оқуға көңіл бөледі. ә) Айтылым. Мәтін бойынша тірек сөздерді тапқызады.	Тыңдалым.Оқылым. Бір оқушы мәтінді мәнерлеп оқиды, қалған оқушылар тыңдайды, дұрыс оқуға машықтанады. Айтылым. Мәтіннен алынған тірек сөздер бойынша мәтін мазмұнын өз ойларымен жеткізуге машықтанады.
	3. Грамматика Сан есім. Оның мағынасына қарай түрлерінің жасалуын қайталап, еске түсіріу, пысықтау (слайд арқылы сан есімнің түрлерін түсіндіру.	Сан есімнің түрлерін меңгереді. Ережелерін пысықтайды.
	«Кубизм» әдісін пайдаланып, оқушыларға тақырыпқа қатысты тапсырмалар береді. Сан есімнің түрлерін атап, мысал келтіру Жазылым. Айтылым Оқулықтағы 2-тапсырманы орындатады.	Жазылым.Айтылым. Тапсырмаларды толық орындайды, өз жауаптарын сан есімнің ережесімен толықтырады. Тапсырмаларды дәптерге жазады. Мәтіннен  сан есімді тауып, мағыналық түріне қарай ажыратады. Тапсырма дәптерге орындалады.
	4.Сергіту сәті. Мұғалім  «Кім жылдам?» ойынын ұйымдастырады.	Санмен берілетін ұғымға байланысты қанатты сөздер, түсініктер, мақал-мәтелдер айтады.
ІІІ Ойтолғаныс	«Тірек сөздер» стратегиясын пайдаланып, бірнеше сөздер береді,  тақырыпқа байланысты әңгіме құрастыруларын сұрайды. Тірек сөздер: мемлекеттік тіл, Тіл туралы Заң, азамат, міндетті, мәртебе, ұлт, байлық, құжаттар.	Тірек сөздерді пайдаланып, әңгіме құрайды.
ІV. Бекіту	«Суреттер сөйлейді» тақырыбында оқушыларға  слайд көрсетеді,  тапсырмалардың орындалуын қадағалайды.	Слайдтан көрсетілген суреттер бойынша сан есімді қатыстырып, сөйлемдер құрастырады.
V. Бағалау.	Формативті бағалау. Мұғалім оқушылардың бағалауы бойынша өз ойын айтып, қорытынды бағаны өзі қояды. (ынталандыру, мадақтау, ескерту)	«Жалпы сұрақ» техникасы бойынша бағаланады.
VІ. Үйге тапсырма	Оқушыларға үй тапсырмасының мақсатын, мазмұнын, орындалу тәсілдерін түсіндіру Мәтін бойынша эссе жазу.	Күнделіктеріне тапсырмаларды жазады.
VІІ. Рефлексия	Бүгінгі сабақ несімен ерекшеленеді? Мұғалім оқушыларға кесте салынған. А4 парағын таратып береді. Не білдім? Не ұнады? Сабақтан алған әсерім Не білдім? Не ұнады? Сабақтан алған әсерім	Оқушылар сабақтан алған әсерлерін параққа белгілерді қою арқылы білдіреді. + көп нәрсе білдім; - ешнәрсе үйренбедім 5- өте жақсы; 4- жақсы; 3- қанағанарлық; 2-нашар.