План урока по истории Казахстана "Желтоқсан оқиғасы" /9класс/

Бекітемін»

Оқу ісі орынбасары:

№ 49 сабақ

	Қазақстан тарихы 45 минут	9 сынып
Сабақ тақырыбы:	1986жылғы Желтоқсан оқиғалары
Жалпы мақсат:	Оқушыларды  «Желтоқсан оқиғасы» туралы жан-жақты мәліметтермен таныстыра отырып, оқушылардың тарихи оқиға қатысты ой-пікірлерін дамытуға ықпалдасу.
Міндеттер:	Білімділік. Желтоқсан оқиғасы туралы түсініктер мен жаңа көзқарастар қалыптастыруға ықпалдасу.                                                             Тәрбиелік: Тарихи тұлғалардың тұлғалық бейнесін тану арқылы, оқушылардың елге деген сүйіспеншіліктерін арттыруға ықпалдасу. Дамытушылық: Жаңа тарихи ойлар мен пікірлер қалыптастыру.
Сілтеме:	Қазақстан тарихы оқулығы. Хрестоматия. Қосымша: Талдахметов Сәкен Шардарбекұлы.Қазақстан тарихы /ҰБТ-ға дайындық оқулық тесті/.
Оқушылар үшін оқу нәтижелері:	-          «Көтеріліс», «оқиға», «қозғалыс» сөздеріне анықтама бере алады; -          Желтоқсан оқиғасының саяси мәнін оқиды, талдайды, өз ой-пікірлерін келтіреді, қорғайды, баға береді.
Негізгі идеялар:	Ең маңыздысы, оқушылардың  тақырып аясында өздерінің  ой-пікірлерін еркін жеткізу, сыныпта еркін атмосфера құрулары,кері байланыста белсенділік танытулары.
Сабақта қолданылатын материалдар:	Оқулық, хрестоматия,үлестірмелі материалдар, интерактивті тақта, карта, деректі фильм.
Оқыту әдістері:	-          Бірлескен топтық, жеке жұмыстар; -          Диалогтік оқытудағы әңгіме –дебат, кумулятивтік , зерттеушілік түрлері; -          Сыни тұрғыдан ойлауға бағытталатын түрткі, сынама, қайта бағыттау сұрақтарымен жұмыс.	1.       Жеке жұмыс 2.       Топтық жұмыс
Дерек көздері:	Оқулық,  Хрестоматия, Мұғалімдерге арналған оқу-әдістемелік құрал

Ойлау деңг.	Мақсат	Күтілетін нәтиже	Түрткі (сұрақ, тапсырма, жағдаят)	Мұғалімнің іс-әрекеті	Оқушының іс-әрекеті
Білу /Кім? Не? Қашан? Қайда? Не істеді?/ 10 минут	Қайталау арқылы өткен сыныпта оқыған деректерін қалай сақталғанын тексеру	Ақпараттың оқушы жадында қаншалықты сақталғанын анықтау.	Өткен сабақтарда өткен тақырыптарды еске түсіреді. «Өткен тақырып бойынша....» айдарымен үш топтың оқушылары бірінші партадан бастап сағат тілімен өткен тақырып бойынша оқып-білгендерін жылдам қайталап өтеді.	-Оқушыларды топтарға бөледі; -Өткен тақырыптарды еске түсіреді; -Қойылған сұрақтардың дұрыстығын бақылайды, бағалайды.	-Топтарға бөлінеді; - Топ басшысын анықтайды, міндеттерін бөліп алады; -Сұрақтарға топ бойынша жауап береді; -Сұрақтардың жауаптарының дұрыстығын қадағалайды, реттейді, бір-біріне көмектеседі.  Мұғалім тарапынан бағаланады.
Түсіну /Неге? Неліктен? Не үшін?/ /10минут/	Мәліметпен танысып, анық күйге түсіру арқылы өзіндік түсінік қалыптастыру, есте сақталған мағлұматты басқаларға жеткізу жолдарын айқындау.	Берілген мағлұматты өзі оқып түсінеді.	Ең алдымен, оқушыларға  оқиғаның себеп-салдарын айқындау мақсатында алғышарт сұрақтар қойылады. Қоғамда қалыпасқан жағдайды шешудің қандай жолдары бар еді? 3-топқа арналған тақырыптық тапсырмалар: 44 параграф. 1986жылғы  Желтоқсан оқиғалары. Жоспар: 1.       Бетбұрыс алдында қалыптасқан жағдайлар; 2.       Демократияшыл жастар қозғалысының алғы шарттары, Желтоқсан оқиғаларының сипаты; 3.       Жаппай жазалаулар, Желтоқсан оқиғаларының тарихи маңызы. Мұхтар Шахановтың Мемлекеттік Думада сөйлеген сөзінен. Деректі фильмнен үзінді. Берілген тақырыпшалармен танысып, ортаға салып бір-біріне түсіндіреді, әңгімелейді.	Мұғалім сұрақ қояды, тақырыпқа алғышарт болатын сұрақтар қояды. Бейнекөрсетілім бойынша ой бөліседі. Тақырыптық тапсырмалар береді; Оқушыларды бақылайды, мадақтайды.	Оқушылар аталған тақырып жөніндегі білімдерін ортаға салады; Өздерін қызықтыратын мәселелерді ортаға салады: Өзара пікір алмасады; Мадақталады.
Қолдану /Оқулықта берілген мәлімет бойынша жұмыс жасау? /12минут/	Алған ақпаратты іс жүзінде қолдану, жүзеге асыру.	Тақырыпқа сәйкес тапсырма орындау дағдысын қалыптасады.	Оқулықпен жұмыс. Әр топ берілген тақырыпшалар бойынша жобалар қорғайды. Оқиғаның не себепті өрбуге себеп болғанын, барысын, нәтижесі бойынша пікірлері мен білімдерін ортаға салады.	Тапсырмалардың дұрыс орындалуын бақылайды; -Уақытты қадағалайды	-Берілген тапсырмаларды орындайды. -Бағаланады.
Талдау /Салыстыр, айырмашылығы енде?/ / 5минут/	Нәтижені анықтау.	Талдау Шешім шығару, салыстыру арқылы пікірталас.	Үш топқа жағдаяттық сұрақ беріледі. Үш топ өз ойларын ортаға салады. -Оқиға қаншалықты Одақтас Республикаларға әсер етуі мүмкін; -Бұл оқиғаға қандай әділ баға беруге болады? -Желтоқсан оқиғасы туралы Мұхтар Шахановтың өткір ойлары туралы қандай ой пікірдесіздер?	Мұғалім сұрақ қояды;  -Тапсырманың қорытындысын шығарады.	Оқушылар берілген сұрақтарға жауап береді. Өз ойларын еркін жеткізуге дағдаланады. Бағаланады/Топбасшы тарапынан және оқушылар «Үш шапалақ» әдісі/
Синтез /Жинақтау/ /Алынған ақпарат негізінде қорытынды жасау, жүйелеу /2 минут/	Алған білімдерін жинақтау.		Әр топ тақырып бойынша өз сөздерін жинақтап ортаға ұсынады. Мысалы:  «Қайта құру» кезеңіндегі сәтсіз бағыт-бағдарлар мен қордаланған ұлттық  мәселелер Желтоқсан оқиғасының туындауына әкелді.	Мұғалім тапсырма береді, тапсырманың қорытындысын шығарады, оқушыларды мадақтайды, өз ойы мен пікірін қосады.	-Өз ойларымен бөліседі; -Бағаланады /Топбасшы мен мұғалім тарапынан/.
Бағалау /Сен қалай ойлайсың? Не істер едің? Өзойыңыз? /3минут/ Кері байланыс /3 минут/	Өз ойын білдіру арқылы, сыни ойлауын дамыту Оқушылардың сабақ бойынша алған әсерлерін анықтау	Өз ойын айту. Оқушылардың сыни көзқарастарын дамыту	Интерактивті тақтада бірнеше тақырыптық бағалау сөздері ілінеді, оқушылар таңдау жасап, өз ойларын қорытындылайды. «Мен үшін...» Үш түрлі көңіл-күйдегі смайликтерге таңдау жасайды. -          Жалғастыруға дайынмын -          Бір нәрсе түсінемін,бірақ бәрін емес... -          Түсінбеймін, қайталап қарау қажет...	Мұғалім сұрақ қояды; Тапсырманың қорытындысын шығарады, оқушыларды мадақтайды. -Мұғалім бақылайды, бағалайды.	-Сұрақты мән беріп тыңдайды; -Өз ойларымен бөліседі; -Бағаланады Әр топтан бір оқушы кері байланысқа қатысады; Өз ойларын еркін жеткізуге дағдыланады. Бүгінгі сабақта алған ақпараттарын ортаға салып, өз білімдерінің қаншалықты деңгейде екенін көрсетеді.

Блум таксономиясы бойынша оқушылардың әрекеттері

(сабақ мақсаттары)

Білу

Жаттайды, қайталайды, еске түсіреді, қалдырып кеткен әріптерді орындарына қояды, тыныс белгілерін қояды, формуланы жазып алады, көшіреді, диктант жазады, сипаттайды, сәйкестендіреді, хабарлайды, әңгімелеп береді, дәл сол қалпында қайта құрастырады, (бұл әрекеттерді жалғастыра беруге болады, сондықтан көп нүкте қоямын) ...

Түсіну

Әңгімелейді, түсіндіреді, өз сөзімен мазмұндап береді, екі ұғымды (объектіні, құбылысты) салыстырады, ереже құрастырады, мысал келтіреді, топпен талқылайды, тірек схемалар арқылы түсіндіреді/көрсетеді, анықтама құрастырады, «Неліктен? Не үшін?» деген сұрақтарға жауап береді, анықтама не формуланы ойлап шығарады, формуланы (теореманы, орфограмманы) түсіндіреді, интерпретациялайды, қорытындылайды, өз сөзімен айтып береді, түсіндіреді, кестемен (сөзбен, суретпен, графикпен, сызбамен, схемамен, диаграммамен, слайдпен) көрсетеді, суретін салады, постер жасайды, болжайды, басқа тілге аударады, түрлендіреді, ...

Қолдану

Есеп шығарады, сөйлем құрастырады, берілген схема (алгоритм) бойынша орындайды, модельдейді, кескін картамен жұмыс жасайды, хронологиялық кесте жасайды, иллюстрациялайды, атласпен жұмыс (саяхат) жасайды, жасап көрсетеді, рөлдер ойнайды, тәжірибе-эксперимент қояды, макет/құрылым жасайды, приборлармен жұмыс жасайды, жағдаят құрастырады/ойнайды, сахналайды (инсценировка), шолу жасайды, ұйымдастырады, санайды/өлшейді, есептейді, жоспарлайды, эксплуатациялайды, зерттейді, ...

Талдау

Дәлелдейді, сараптайды, жан-жақты салыстырады, құрамдас бөліктерге бөледі, бір-біріне қарсы қояды, сынайды, «Неліктен? Не үшін?» деген сұрақтарға жан-жақты (тереңінен) жауап береді, себеп-салдарын айқындайды, астарлы мағынасын (жасырын мағынасын) айқындайды, жіктейді (классификациялайды), категорияларға бөледі, тестілейді (тексереді), жасалу алгоритмін құрастырады, қателерді табады, кері есеп шығарады, ретке (тәртіпке) келтіреді, жасалған жұмысты талдайды, постер жасайды, топтастырады (кластерлейді), жасалған жұмыстың алгоритмін келтіреді, проблеманы шешу, ...

Жинақтау/Синтез

Шығармашылық жұмыспен айналысады: эссе, өлең, мақала, шығарма, ертегі, әңгіме (сторителлинг), баяндама, сөз, жоспар, сценарий жазады, слайд жасайды, есептер/жаттығулар құрастырады, жоба жасайды, тест сұрақтарын құрастырады, компьютерлiк бағдарлама жазады, тақырып бойынша сабақ жоспарын құрастырады, ғылыми гипотеза (болжау) құрастырады, құрамдас бөліктерді жаңаша біріктіреді, ...

Бағалау

Бірнеше жауаптың (ұсыныс, нұсқа, пікір, т.б.) ішінен біреуін таңдайды, таңдауды негіздейді (дәлелдейді), өзіндік шешім қабылдайды, қажеттілігін (маңызын, пайдасын, құндылығын, зиянын) айқындайды, дұрыс-бұрысын ажыратады, дәлелдейді, тұжырымдайды, жақтайды немесе қарсы шығады, өз пікірін дәлелдеп келтіреді, керектісін таңдап алады, тізім (рейтинг) жасайды.