План урока по самопознанию

Өзiн-өзi тану сабағының жоспары

Мектеп:  №19 орта мектеп    Мерзiм: 14-16.11.2015_№ 10 сабақ

Тақырып:  Алынбайтын асу жоқ

Құндылық:  Ішкі  тыныштық, дұрыс әрекет

Қасиеттер:  Сенім, күш-жігер, табандылық, мақсат жете білу

Мұғалiм:  Аталыкова  Ж.О   Сынып «10   Оқушылар саны 25

Сабақ мақсаты:  әр оқушының өзіндік мүмкіндіктеріне сеніп, оларды қабілеттеріне орай дұрыс іс-әрекет етуі және ішкі тыныштыққа жету туралы түсініктерін тереңдету. Міндеттері: ·         Адам бойындағы күш-жігер мен алдына мақсат қоя білу туралы түсініктерін тереңдету; ·         Әр оқушының өз мүмкіндігіне сенуіне, табандылық қасиеттерін дамытуына ықпал ету; ·         Өз бойларындағы мүмкіндіктерін бағалай білуге және дұрыс іс- әрекет ету арқылы ішкі тыныштыққа жетуге, мақсатына жете білуге тәрбиелеу.	Ресурстар:(құралдар, мәлiметтер) слайд,  өлеңнің аудиодискісі
Сабақ барысы: 1.                  Ұйымдастыру кезеңі. Тыныштық сәті.    Нұрға бөлену   Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін. Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды  шайып, жүрегіңіздің қауызын ашты.  Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің  қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз  нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз  тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.  Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша  түсініспей, ренжісіп жүрген адамдарға да бағыттаңыз, олардың да жүрегі нұрға толсын. Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын». Осындай Нұр, Махаббат және Тыныштық күйінде  отыра тұрыңыз...  Енді осы Нұрды жүрегіңізге орналастырыңыз. Нұрға толы бүкіл әлем  сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады. Рахмет.    Үй тапсырмасын тексеру (мәтінмен жұмыс).  Үй тапсырмасы:  Бейбіт  Сапар  Алидің  ғарышкер  Тоқтар  Әубакиров                        туралы   шығармасынан   үзіндіні  оқу  Мәтін бойынша пікір алмасу сұрақтары: ·         Тоқтар ағаларың туралы не білдіңдер? ·         Тоқтар Әубәкіровтың топырақты, жусан мен қазақ әнін, елтаңбаны өзімен бірге ғарышқа алып ұшуын қалай түсіндірер едіңдер? ·         Ғарышкердің орнында болсаңыз, сіз ғарышқа не алып ұшар едіңіз? ·         Ғарышкер Тоқтар ағаға қандай тілек айтар едіңдер? ·         Тоқтар ағаның бойында қандай қасиеттері ғарышкер болуына көмектесті?	Сабақ барысын талдау:
1.      Дәйексөз. 2.      «... Егер өмірде өзіңе – өзің сенімді болғың келсе, қиындықпен бетпе-бет кездесуден қорықпа».   Сан Мен Мун
Әңгімелеу. Осы айтылған ойды қалай түсінесіңдер? Қиындықты жеңу үшін адамда қандай қасиет болуы керек? Қиындықтан қашсаң не болады? Мақсатқа жету жолында қандай қасиеттер адамға қажет деп ойлайсыңдар?
«Мұғалімнен сый»    Бейнетаспа көру «Қытай балеті» ·         Бишілер қандай адамдар? ·         Қандай дене кемшіліктері бар? ·         Олар неге осы кәсіпті таңдады деп ойлайсыңдар? ·         Бишілердің бойында қандай қасиеттер бар? ·         Осы сюжеттен қандай әсер алдыңдар? ·         Сендерде осы бишілерге деген қандай сезім пайда болды?
Шығармашылық жұмыс Топқа бөлу (гүлдің түрлері арқылы топқа бөлу) Ақылдың 6 қалпағы: Алға қойған мақсатқа қалай жетуге болады деп ойлайсыңдар? 1.Ақ шляпа – ақпараттар, фактілер 2.Қызыл шляпа – ішкі сезім 3.Қара шляпа – логикалық негативті ойлау 4.Сары шляпа – логикалық позитивті ойлау 5.Жасыл шляпа – шығармашылық ойлау 6.Көк шляпа – ойлау процесін басқару
Топпен ән айту «Қайран көңіл» әні
Үй тапсырмасы «Егер қаласа, адамның қолынан көп іс келеді» тақырыбында  шағын шығарма жазу.
Қорытынды Ой түбінде алтын бар, Ойлай берсең табарсың. Жолың ұзақ болғанмен, Жүре берсең барарсың .
1.      Соңғы тыныштық сәтi. Баяу музыка қосылады. - Көзімізді жұмып, тыныштықта  бүгінгі сабақты есімізге түсірейік. Бүгінгі сабақтан алған қасиеттерімізді жүрегімізге жеткізіп, сақтайық. Енді көздеріңді ашсаңдар да болады.Баяу әуен қойылады.