План урока по технологий на тему "Белдемше" /7 класс/

Жолдыбаева Жадыра Махамбетқызы

№70Жанқожа батыр атындағы мектеп,Технология пәнінің мұғалімі

Қазалы ауданы,Қызылорда облысы.

Сабақтың тақырыбы: Сарамандық жұмыс. «Белдемше»

Сабақтың мақсаты: Оқушыны өз бетімен жоба бойынша жұмыс жасауға дағдыландыру;

а) білімділік : Оқушыларға жеке жұмыстар беру арқылы талғамдарын өсіру, қызығушылығына байланысты жұмыс жасап үйрену

б)дамытушылық: Өз беттерінше жұмыс жасау шеберліктерін,қабілеттерін, ұлттық өнер сәнділігін дамыту

в)тәрбиелік мәні:Жұмыс кезіндегі қауіпсіздік ережелерді ескере отырып, ұқыптылыққа, тиянақтылыққа, шеберлікке тәрбиелеу.

Еңбек нысаны : Шеберхана

Сабақтың түрі : Аралас, сөз арқылы баяндау, жасаған жұмыстарды қорғау тәсілі

Көрнекіліктер:Сызбалар, арнайы бұйым түрлері, дайын бұйымдар, жасалу түрлері т.б.

Пәнаралық байланыс:Сызу, бейнелеу өнері, әдебиет, тарих

Сабақтың барысы:I.Ұйымдастыру кезеңі -5минут, оқушыларды түгендеу

II. тақырыпты пысықтау -20 мин

3. Үй тапсырмасын орындау-10 мин

4.Қорытындылау-5мин

5.Оқушыларды бағалау -3мин

6. Үйге тапсырма беру -2мин

III.Жаңа сабақты түсіндіру

1.Алты оқушыны ортаға шығарып «Тренинг» ойынын ұйымдастыру .

Қауіпсіздік ережелерін еске түсіру .

2.Жаңа сабақ

3.Бір оқушыны кіші мұғалім етіп тағайындап ,қалған оқушыларды екі топқа бөлеміз . Оқушыларға, яғни екі топқа «белдемше» қоржынынан сұрақтар береміз. Екі топтан команда жетекшілерін сайлаймыз. Команда жетекшісі екі топты бағалайды . Оқушылар сұрақтар арқылы қазақ халқымыздың мақал-мәтелдерімен үйге берілген тапсырманы пысықтайды.

Белдемше көне тас ғасырында аң терісін беліне қыстырып қолданған кезден пайда болған,белдемшені тек қыздар ғана емес ,оны кейбір елде (Шотландия) ерлер де киген .ХІХ ғасырда қыздардың белдемшелері кең етекті , бірнеше қабаттан тұратын ұзын болды.Оларды қымбат матадан желбір салып , гүлмен әшекейленген . Заманның өзгеруіне байланысты белдемшенің ұзындығы мен көлемі кішірейді . Өйткені қыз-келіншіктер де қызмет істеп ,көлікпен жүре бастады . Мұндай жағдайда кең ,әрі ұзын белдемшелер көп ыңғайсыздықтар тудырды.Белдемшені кез-келген матадан тігуге болады.Матаны қолдануына қарай таңдаған жөн.Белдемшені жылдың төрт мезгілінде киюге болады.Сондықтан матаны да соған сәйкес таңдаған дұрыс.Неше түрлі белдемшелердің сызбасын сызып ішінен біреуін тандаймыз.

Тік белдемше ; Ұзындығы тізеге дейін , сол жақ бүйір тігісінде сырмалы ілгек орналасқан .Белдігінің ұшындағы түймелік ирек тігін машинасымен өңделген.

Әшекейлеу

Сән бағыты

Түстің келісімі

Шығу тарихы

таңпароооооооооопдау

Мата таңдау

Белдемшені сәндеу мен құрастыру

Белдемшенің түрлері

Сырт көзбен қабылдау

Құрал-жабдықтар таңдау

Белдемшені орындау технологиялықтұтастығы

Тік белдемше екі бөліктен :алдыңғы және артқы бөліктерден тұрады.Артқы бөлігі алдыңғы бөлігіне қарағанда, енсіз болып келеді. Себебі, киімді тіккен кезде жан тігісті жақын артқы бойға орналастырады, ол пішіннің мүсінін көзбен қарағанда жинақы және сымбатты қылып көрсетеді.

Белдемшенің енін жамбастың орамымен есептейді.

Бұл өлшем бел орамынан көбірек. Тік белдемшелерде бел сызығындағыартық матаны бүрмеге жинайды немесе қыржымға жинақтайды. Қымтырмаларды былай орналастырады :екеуі алдында, екеуі артында және бір-бірден бел сызықтарында орналастырады. Әр қымтырмалардың ені және ұзындығы бірдей емес , ол белдемшенің тік дененің қай бөлігінқынап тұр , соған байланысты көбіне жан қымтырмаларды жіңішке және қысқа болып келеді . Бұйымды үлгілеу алдында жұмыс орнын дұрыс ұйымдастыру қажет. Жұмыс орнына жарық сол жақтан түсуі қажет . Жұмыс орнында қауіпсіздік ережесі сақталу керек .

Тік белдемшенің сызбасын құрастыру :

Құрал-жабдықтар :Лекало,қарындаштар қж,2ж,өшіргіш,пішуші сызғышы (м1:4,1:5),үшбұрыш.Өлшемдер ( қыз баланың пішініне146-80):

БЖО=32,5см

ЖЖО=43,7см

АБ.БҰ=35,0см

БҰ=50,0см Тік белдемшенің негізгі сызбасы

Б5 О2 Б6 Б3 ОБ4 Б7 О3 Б8

Б Б2 Б1

Ж6 Ж5 Ж7

Ж Ж3 Ж2 Ж4 Ж1

ТТ2Т1

Тік белдемшенің өңдеу технологиялық бірізділігі

1. Матаны пішуге даярлау;

2. Бөлшектерінің пішімін өңдеуге даярлау;

3. Өлшемді шақтап көру;

4. Өлшемнен кейінгі кемшіліктерді түзету;

5. Қымтырмаларын өңдеу;

6. Жан, орта тігістерін өңдеу;

7. Ысырма ілгекті қолданып ,ілгегін өңдеу;

8. Белбеуді өңдеу;

9. Тік белдемшені соңғы өңдеуден өткізу;

10. Ылғалды –жылулық өңдеу.

V. Сабақты бекіту

1.Белдемше қай ғасырда пайда болған ?

2.Белдемше неше бөліктен тұрады?

3.Белдемшені қандай маталардан тігуге болады?

VI. Бағалау

VII. Үйге тапсырма: Белдемшені аяқтау.