Планирование Сценария праздника "Белем бэйрэме"

Белем бэйрэме – 2015 ел.

(Музыка яңгырый. “Бәйрәм бүген” җыры җырлана)

Лилия: Бар күңеллелек бөтен дөньяда, бар бер ямь бүген! Нәрсәдән бу?

Альфред: Мин беләм: бәйрәм бүген, бәйрәм бүген!

Табигатьтә - көз,

Бөтен дөнья-

Алтын төскә кереп барганда.

Безнен теләк барлык  яшьләргә-

Кешелеккә язсын тагы бик күп еллар

Үткәннәрне барлап яшәргә!

        Көмеш кыңгыраулы сентябрем,

Ачып җибәр серләр дөньясын.

Без бәхетле йөрәк җырың,

Яшьлек җырын дөнья тыңласын.

Яңгырасын көйләр, шат көлүләр

Тирә-юньгә таралсын.

Кемнәр болар бәхетлеләр диеп,

Бөтен кеше безгә карасын.

Лилия:  Исәнмесез, хөрмәтле укучылар, укытучылар, әти-әниләр һәм     бәйрәмебез кунаклары! Менә кояшлы 1 сентябрь таңы безне кабат    бергә җыйды. Бүген белем алу йортларында һәр бала көтеп алган, кызыклы вакыйгаларга бай булган яңа уку елы башлана. 1 сентябрь конне уку йортынын бусагасын                 укучы атлап керде. Шуларнын    ____ - 1нче курс укучылары, э 30 укучы коллияттэ сонгы елларын белем ала.

Күңелләрдә сөенеч, йөзләрдә шатлыклы елмаю балкый. Яңа уку елы һәркемгә шатлык-    сөенечләр, бары “яхшы” билгеләр  генә алып килсен. Бәйрәм белән сезне, дуслар!

Альфред: Бэйрэм белэн котлау очен сузне Арча аграр hонэр коллиятенен №2 филиалы житэкчесе Хакимов Нияз Фильсуровичка бирэбез. Рэхим итегез! (Нияз Фильсурович суз эйтэ)

   Альфред:     Җырламыйча көн итмиләр,

         Җырсыз бер бәйрәм булмый

         Безнен яшьлэр җырламаса,

         Коллияттә ямь булмый.

Бэйрэм белэн котлап жырлый                                                                                                

   Лилия:   Җәйнең үтеп китүе бераз моңсу булса да, бүген без моңаймыйбыз. Чөнки бүген зур бәйрәм, Белем бәйрәме. Бу көнне 1 нче тапкыр безнен коллиятебезгэ килүче укучылар аеруча зур түземсезлек белән көтеп алганнардыр. Хэзер сузне аларга бирик.

1 курс укучысы:

                       Без атлаган юлларга, алтын яфрак сибелә.

                        Чыңлый көмеш кыңгырау, дәшеп белем иленә.

                        Өлкән курслар шаярталар,

                        Ә без ачуланмыйбыз.

                       - Чәчәкләр артыннан,- диләр,

                       Күренми бит буегыз.

                        Сезнең алда сүз бирәбез

                       Бик тырышып укырга.

                       Чэчкэлэрне генэ тугел,

                        Хэтта сезне узарбыз.

Альфред: Бүгенге тантанада иң күп дулкынланучылар, мөгаен, 3 нче курс укучыларыдыр, чөнки алар өчен Арча аграр hонэр коллиятендэ бүген соңгы уку елы башланачак. Ә хәзер сүзне үзләренә бирик.

3 курс укучысы:

1)   Сентябрь һәр елны укучыга

Сөенеч-шатлыклар китерә.

Коллиятнең ишеген ачканда

 Ләззәтле хыяллар кичерә.

 Беренче сентябрь – безнен,

 Бәхет – шатлыклы көнебез.

    Сагынып белем учагын,

    Соңгы кат сиңа килдек.

2)   Кайчан тудык, кайчан үстек,

Бу гомер бик тиз үтә.

Тиздән китәрбез коллияттэн –

Безне киләчәк көтә.

 Синдә алдык без белемне,

Илһамны, тәжрибәне.

Синең язмыш – безнең язмыш,

Бик яраттык без сине.

Әй, коллиятем, хәерле юл теләп,

Белем ишекләрен ачтың син.

Юлыбызны гүзәл итәр өчен

Якты маяк булып балкыйсың.

Бездән шушы матур җырыбызны

Сагыну сәламе итеп алчы син.

Лилия:  сезнен каршыгызда                                                                                                    

Лилия:  Хормэтле беренче курс укучылары! Сезне Арча аграр hонэр коллиятенен укучылары булуыгыз  белэн котлыйбыз. Коллияттэ уку  еллары сезнен өчен кызыклы, мавыктыргыч, файдалы үтсеннәр.

Эшчәннәрнең бөек иҗаты ул,

Табигатьнең гаҗәп хикмәте,

Барлык сый янында иң олы сый

 Өстәлдәге арыш икмәге.

Рэхим итеп икмэктэн авыз итегез.

 Альфред: Коллияткэ озаткан чакта

                   әнием кочып сөйде:

                        -         Алдынгы булырга тырыш,

                   Бәбекәчем, берүк, - диде.

Әйе, чыннан да, ата-аналар бүген укучыларыбыздан ныграк дулкынланадыр, мөгаен. Чөнки балаларын хонэр алырга озату  –  алар өчен дә зур сынау. Йөрәк түрләрендә саклап йөрткән иң изге теләкләрен алар да балаларына җиткерергә тели.(1 курсларнын эти-энилэренэ суз бирелэ.)

Лилия:

                   Гүзәлләрдән гүзәл аның йөрәге,

                   Игелеген бирә һәркемгә.

                   Ашыга ул бәхет өләшергә

                   Һәр иртәдә безгә, һәр көндә.

                   Ак кәгазьдәй аның күңеле,

                   Җаны шигъри, кулы саф аның.

                   Күпме көтә безнең, үзенең дә,

                   Хыяллары чынга ашканын.

      Ихлас рәхмәтемне әйтер өчен,

      Ничек кенә табыйм сүзләрен?

      Каршылагыз тагын бик күп еллар

      Бүгенгедәй Белем бәйрәмен.

       Әйе, коллият бусагасын атлап керү белән, безне Белем иленә җитәкләп баручы изге җанлы, керсез күңелле укытучылар! Сез безгә йөрәк җылыгызны биреп, күңелегездәге бар яхшылыкны бүләк итеп, язмышыбыз өчен борчылып, йокысыз төннәр үткәрәсез, һәрберебезне үз балагыздай күреп, олы тормыш юлына озатып каласыз.

           Альфред:  Кеше гомере мәктәп юлы аша,

                   Моңлы бер җыр кебек сузыла.

                   Белем сукмакларын яра-яра

                   Киләчәккә юлы сузыла.

                   Олы юлга сукмак башы,

                   Зур тормыш баскычы син.

                   Серле белем дөньясының

                   Бердәнбер ачкычы син.

                   Шатлыклы җырлар белән

                            Күтәрәбез күңелне.

                            Кунаклар да сокланып

                            Тыңлыйлар үзебезне.

Жырлый                                                                                                                             

Лилия: Кеше өчен иң изге сүзләр - әти-әни, туган як. Туган җиребезне сагынсак, туган йортыбыз күз алдына килеп баса. Коллиятне уйласак туган җирне сагынабыз. Әлеге төшенчәләр        кешенең йөрәк түрендә һәрчак янәшә булачак. Кая гына барып, кемнәр     генә булсак та, без әти-әниебез, туган ягыбыз, коллиятебез үстергән бала булып калачакбыз. Һәр елдагыча, быел да, безнең укучыларыбыз басу-кырларыбызда үзләренең хезмәтләрен куйдылар. Мул уңыш үстерүдә өлешләрен керттеләр. Аларны котлау йозеннэн hэм рэхмэтлэу очен бугенге бэйрэмдэ катнашучы кунакларыбызга сүз бирэбез:

1) _______________________________________________________

2)________________________________________________________

3)_________________________________________________________

4)__________________________________________________________

5)_________________________________________________________

6)__________________________________________________________

   Альфред:Нинди матур минем туган ягым!

                   Җир шарында тиңнәр юк аңар.

                   Киң кырларда үсә мул игеннәр,

                   Шаулап ага озын елгалар.

                   Туган җирем – Татарстан!

                   Үз иркеңдә мәңге шат яшә.

                   Кошларың да синең “гөлем” диеп,

                   Саф татарча миңа эндәшә.

Укытучыларыбызны hэм кунакларыбызны  котлап жырлый                                        

Лилия:    Әйдә, дустым, бергә хәбәр итик,

                   Башлануын уку елының.

                   Күреп соклансыннар сихри көчен

                   Җиз кыңгырау чыңының.

                   Яңгырый бүген һәр төбәктә,

Көмеш кыңгырау чыңы.

Коллияткэ рәхим ит, әйдә,

  Башлана яңа уку елы.

(Кынгырау чыны)

 Альфред:   Ашыгабыз, һаман ашыгабыз,

           Ни көткәнен белми һичкем дә

           Сезнең юллар вакыт кулында гел

           Сезнең юллар язмыш иркендә.

           Хәерле юл!

           Хәерле юл, сезгә, укучылар!

           Максатларга барып җитегез

           Ашкынганнан гомер юлларыннан

           Язмышны да узып китегез!

           Хәерле юл сезгә, хәерле юл!

Лилия: Бәйрәмебез ахырына да якынлашты.

Хушлашмыйк без, бары саубуллашыйк,

 Очрашырбыз җае килгәндә.

Бер-беребезгә сәлам биреп китик

Очрашканда яки күргәндә.

Альфред: Хөрмәтле кунаклар, кадерле укучылар хэм укытучылар! Көннәрегез имин үтсен, кайгы хәсрәт күрмәгез! Киләсе очрашуларга кадәр сау-сәламәт торыгыз!