Инфоурок Иностранные языки КонспектыПлан-конспект урока башкирского языка "Семья и лица"

План-конспект урока башкирского языка "Семья и лица"

Скачать материал

Дата: 5 декабрь, 2007.

Класс: 1 А.

Тема: Ғаилә.Исемдәрҙең зат менән үҙгәреше.

Маҡсат: Уҡыусыларҙың телмәрен үҫтереү,үтелгәнде иҫкә төшөрөү, ғаилә      тураһында белемдәрҙе арттырыу.

Бурыстар: 1) белем биреү: ғаилә тураһында белемдәрҙе арттырыу.Яны һүҙҙәр     отоп алыу.

                  2) үҫтереү: телмәр аппаратын үҫтереү, нығытыу, башҡорт телендә һүҙҙәрҙе уҡыусыларҙын телмәрендә күберәк ҡулландырыу.

                 3) тәрбиә биреү: башҡорт телен өйрәнеүгә ынтылыш, теләк уятыу. Ата – әсәгә ҡарата һөйөү тәрбиәләү.

Йыһазландырыу: һүҙҙәр менән карточкалар, һүрәттәр, дәреслек.

 

Дәрес планы:

I.  1) Ойоштороу мәле.

    2) Сәләмләү.

II. Төп өлөш.

    1) Артикуляцион күнегеү.

    2) Дәрескә маҡсат ҡуйыу.

    3) Ғаилә темаһына әнгәмә.

    4) Исемдәрҙе зат менән үҙгәртеү.

    5) Ял минуты.

    6) Был бармаҡ шиғыры ятлау.

    7) Нығытыу күнегеүҙәре.

III.Йомғаҡлау.

1)     Һығымта яһау.

2)     Баһалау.

 

 

 

 

Дәрес барышы:

I.                   Ойоштороу мәле.

- Вставайте дружно каждый раз,

   Когда учитель входит в класс.

- Һаумыһығыҙ тип башлайым әле,

  Курешеү бит шулай башлана

  Һеҙҙең менән осрашҡанға дуҫтар

  Күңелебеҙ шундай шатлана.

- Хәйерле иртә, Здравствуйте ребята!

- Улыбнитесь друг другу,  теперь посмотрите все на меня улыбнитесь,

  Садитесь!

 

II.                 Төп өлөш.

1)     Артикуляцион күнегеү.

-         Уҡытыусы а, о, ә, ө, ү хәрефе яҙылған карточка күрһәтә.

-         Өндәрҙең башҡортса яңғырашы менән таныштыра.

-         “ Ниндәй өн әйтергә теләйем? ”

-         Һуҙынҡыларҙы йырлап уҡыу:

А – а – а – ы – ы – ы

У – у – у –ы – ы – ы

Ө – ө – ө – ә – ә – ә

У – у – у –ә – ә – ә

2)     Дәрескә маҡсат ҡуйыу.

-         Үткән дәрестә нимәләр менән таныштыҡ?

-         Ниндәй тән өлөштәрен иҫегеҙҙә ҡалдырҙығыҙ?

-         Тән өлөштәрен ҡабатлау.

-         Бөгөн дәрестә ғаилә темаһына һөйләшәсәкбеҙ.

3)     “ Ғаилә ” темаһына әңгәмә.

-         Был кем?

-         Был әсәй, атай, олатай, өләсәй, ағай, ҡусты, апай, һеңле.

Уҡыусыларҙың белгәндәрен нығытыу өсөн ошо һүҙҙәрҙе карточкаларҙан уҡытыу, ижектәргә бүлдереп әйттереү.

-         Һинең исемең кем?

-         Минең исемем Лена. ( һәр кем үҙенең исемен әйтә).

-         Һин кемде яратаһың?

-         Мин әсәйемде, атайымды, олатайымды, өләсәйемде яратам.

 

4)     Исемдәрҙе зат менән үҙгәртеү.

Берлектә                                                                                 Күплектә

 

I зат – минең әсәйем                                                     беҙҙең ағайҙарыбыҙ

          II зат – һинең әсәйең                                                       һеҙҙең ағайҙарығыҙ

          III зат – уның әсәһе                                                           уларҙың ағайҙары

5)     Ял минуты.

-         Әсәй нимә эшләй? (ҡамыр баҫа)

-          Атай нимә эшләй ?(гәзит уҡый)

-         Өләсәй нимә эшләй ?(бәйләм бәйләй)

6)     “ Был бармаҡ “ шиғырын ятлау.

Был бармаҡ – олатай,

Был бармаҡ – өләсәй,

Был бармаҡ – атай,

Был бармаҡ – әсәй,

Был бармаҡ – бәпәй

Уның исеме – сәтәкәй.

Хор менән шиғырҙы ятлау.

7)     Нығытыу күнегеүҙәре.

-         Был кем (әсәй, атай...)

-         Ниндәй зат ялғауҙарын беләһегеҙ?

-         Улар барыһы нисә?

-         Һәр баланың үҙ ғаиләһе тураһында һөйләүе.

III.              Йомғаҡлау.

1)     Һығымта яһау.

2)     Баһалау.

 

 

 

 

 

 

 

 

 

 

 

 

 

“Науруз байрамы”

 

 

 

 

 

 

 

 

 

 

 

 

 

 

 

 

 

 

 

Маҡсат:  Халҡыбыҙҙың йолалары, байрамдары менән таныштырыуҙы дауам итеү. Башҡорт халыҡ уйындарына, шаян йырҙарына ҡарата ҡыҙыҡһыныу һәм һөйөү тойғолары уятыу.

Йыһазландырыу: плакаттар, шарҙар.

Байрам барышы:

Малайҙар: Һаумыһығыҙ ҡыҙҙар!

Ҡыҙҙар: Һаумыһығыҙ, малайҙар!

Малайҙар: Ҡыҙҙар – һауалағы йондоҙҙар!

Ҡыҙҙар: Ә һеҙ, малайҙар, сүплектәге ҡалайҙар!

Малай: Бибеш , Йәнеш, Гөлйемеш ,

             Гөлйемеш шаҙра имеш.

             Гөлйемеш илаҡ имеш.

Ҡыҙ:    Салауат, Салауат

             Ике ботло карауат

             Ике ботло карауаттан

             Килеп төшкән Салауат.

Малай: Гөлсөм, Гөлсөм

             Бында торма, күлгә сум.

Ҡыҙ:    Гәрәй, Гәрәй

            Тау башынан тәгәрәй.

Малай: Хәлисә, Хәлисә,

             Бер самауыр сәй эсә.

             Урынынан саҡ күсә.

Ҡыҙ:    Азат илаҡ, шеш ҡолаҡ,

            Йомарла ла мейескә яҡ.

( Алып барыусы инә. Ҡулында табаҡҡа тултырылған бойҙай ).

Алып барыусы: Ниңә шаулашаһығыҙ, балалар? Ошо үсекләшеүегеҙҙе ҡуйығыҙ әле. Етмәһә бөгөн байрам, улай ярамай.

Балалар: Байрам ?! Ә ниндәй байрам?

Алып барыусы: Науруз байрамы. Ҡояш календары буйынса Яңы йыл башланған көн.

Бала: Апай, ә табаҡта нимә ул?

Алып барыусы: Был – бойҙай, туҡлыҡ, ырыҫ билдәһе. Оҙаҡламай, ҡар иреп бөткәс, ошо бойҙайҙы сәсәләр. Ул өлгөргәс, тарттырып, унан төрлө тәмле ашамлыҡтар бешерәләр.

                                             Науруз йылға баш булыр,

                                             Бойҙай – ашҡа баш булыр.

                                             Бойҙай уңһа, аш булыр,

                                             Уңмаһа, аш таш булыр.

Әбей инә:                          Йылдың башы уң булһын,

                                             Ризығы мул булһын.

                                             Ҡаҙандар ташып торһон,

                                             Бир көндәрҙең һилен.Амин.

Балалар:  Амин!!!

Алып барыусыһы: бөгөн беҙ яҙҙы -  Наурузбикәне ҡаршы алырға йыйылдыҡ. Йәгеҙ әле, ул килгәнсе башҡаларҙы ла ҡотлап, уларға сәләмәтлек теләп, уйнап – бейеп алайыҡ.

Малай:                                 Ас ишеген инәбеҙ. –

                                             Науруз әйтә, -  киләбеҙ.

                                             Хәйер доға ҡылабыҙ.

                                             Аш – һый көтөп торабыҙ.

Ҡыҙ:                                    Ҡыш китте, яҙ килде

                                             Өйрәк менән ҡаҙ килде.

                                             Былбылдан ауаз килде.

                                                 Науруз мөбәрәк булһын!

Малай:                                    Науруз хаҡы биш алтын,

                                                 Бирһәң, яра ике алтын,

                                                 Ҡарама алан – йолан.

                                                 Науруз мөбәрәк булһын!

Ҡыҙ:                                        Науруз әйттек беҙ һеҙгә,

                                                 Хаҡын бирегеҙ беҙгә.

                                                 Йәшегеҙ енһен йөҙгә,

                                                 Малығыҙ артһын көҙгә.

Малай:                                    Ҡыҙҙар, ҡыҙҙар тыңлағыҙ,

                                                 Науруз етте, уйнағыҙ,

                                                 Ҡаҙ, йомортҡа һәм дә май,

                                                 Әҙерләйек беҙ давай,

                                                 Науруз, Науруз!

Ҡар бабай: Һаумыһығыҙ, балалар. Тиҙҙән Наурузбикә килә икән тип ишеттем. Шул дөрөҫмө?

Балалар: эйе, дөрөҫ.

Ҡар бабай: Мин китергә йыйындым, һеҙҙең менән хушлашырға тип килдем. Ҡыш бабай менән Ҡарһылыу киттеләр инде. Наурузбикә бик көслө, дәртле икән. Ҡояш менән һөйләшеп, мине иретәләр генә. Сыҙар хәлем ҡалманы. Эй, арыным. Ирей башланым, ахыры. Наурузбикә лә килеп етер. Мин китәйем әле. Хушығыҙ!

“Айҙар ғынайым” йыры башҡарыла.

Әбей: Ҡар бабай ҙа китте. Балалар, Наурузбикәһеҙ байрам байрам булмаҫ, әйҙәгеҙ, уны саҡырайыҡ.

Балалар: Наурузбикә! Наурузбикә! Наурузбикә!

( музыка аҫтында Шүрәле инә).

Алып барыусы: Абау, һин кем?

Әбей: Әстәғәфирулла тәүбә, был кем тағы?

Шүрәле: Мин – Наурузбикә!

Алып барыусы: Юҡ, һин һис оҡшамағанһың. Наурузбикә матур, зифа, ә һинең башыңда мөгөҙҙәрең бар. Балалар, кем ул?

Балалар: Шүрәле был, шүрәле!

Шүрәле: Наурузбикәне сихырланым да йыраҡҡа йәшерҙем. Яратмайым мин ҡояшты, яҙҙы, ҡоштарҙы.

Әбей: Нисек инде, Шүрәле, беҙгә Наурузбикә кәрәк.

Алып барыусы: Эйе, беҙ уны көтәбеҙ. Сихырыңды ҡайтар кире.

Шүрәле: Ә – һә – һә, сихырҙы кире ҡайтарыу эше бик ауыр ул. Уның өсөн һеҙ минең өс һынауымды үтәргә тейешһегеҙ.

Балалар: Беҙ әҙер.

Шүрәле: Ярай улай булғас. Беренсе һынау – зирәклеккә . Ике йомаҡ әйтәм, ә һеҙ яуабын табығыҙ.

Осоп килә, йөҙөп китә, ваҡыт еткәс, иреп бөтә.(ҡар)

Үкерә лә ҡотора, бөтә ерҙе тултыра.( буран)

Әбей: Үәт , афарин, балалар. Күрәһеңме, Шүрәле, беҙҙең балаларҙың зирәклеген.

Шүрәле: мкенсе һынауым ауыр буласаҡ. Мин һеҙҙең батырлығығыҙҙы һынайым.( арҡан тартышыу)

Алып барыусы: Был һынауыңды ла үтәнек. Шүрәле, малайҙар һынатманы.

Шүрәле: Өсөнсө һынауым бик – бик ауыр. Етеҙлегеҙҙе ҡарайым. Минең менән “Кем өлгөр” тигән уйын уйнарга кәрәк.

Алып барыусы: Йә, Шүрәле, балалар, был һынауыңды ла үтәне. Ебәр инде Наурузбикәне.

Шүрәле: Ярар, балалар бик зирәк булып сыҡтығыҙ. Хәҙер ебәрермен.

Наурузбикә: Ағым һыуҙар кистем мин,

                       Һеҙгә килеп еттем мин.

                       Науруз әйтеп үттем мин.

                       Науруз мөбәрәк булһын!

Ҡәҙерле балалар! Көн менән төн тигеҙләшкән ваҡытта кешеләргә бәхет теләгеҙ, ике ҡулығыҙҙы биреп күрешегеҙ. Бер – берегеҙгә яғымлы булығыҙ. Шул ваҡытта күрмәҫ күҙҙәр күрә башлар, телһеҙҙәрҙең теле асылыр, тәнегеҙгә таҙалыҡ, күңелегеҙгә изгелек хисе тулыр.

Ҡыҙ:           Эй, яҙ ҡыҙы, яҙ ҡыҙы,

                      Хуш киләһең, уҙ инде.

                      Ҡунаҡ булып килер тип,

                      Күптән көттөк беҙ һине.

Әбей: Әйҙәгеҙ, балалар, Наурузбикәнән йылдың нисек килерен юратайыҡ.

Наурузбикә: Яҡшы килер йылыбыҙ,

                        Туҡ булыр һәр көнөбөҙ.

                        Ямғыр яуып, ҡояш сығыр,

                        Емешләнер гөлөбөҙ.

                        Илгә килер именлек,

                        Һау булырҙар уландар.

                        Иген ишелеп уңыр,

                        Ҡуйырырҙар урмандар.

Әбей: Амин, шулай ғына була күрһен инде, балаҡайҙар. Юрағанығыҙ юш килһен. Науруз мөбәрәк булһан!

( «Яҙ килә» йыры башҡарыла).

Алып барыусы: Йәгеҙ әле, уйын уйнап алайыҡ.

                          (« Йәшерәм – йәшерәм» яулығымды уйыны).

Кемдәр һүҙгә оҫта, сығығыҙ майҙанға. Шиғыр һөйләп алайыҡ.

Балалар:                        1)  Көндәр аяҙ, күктән алһыу

                                            Нур һибеп ҡояш көлә

                                            Ергә тама көмөш тамсы,

                                            Һағынып көткән яҙ килә!

                               2)  Әйтегеҙсе ҡайһы ваҡыт

                                       Яҙҙағынан йәмлерәк?

                                       Ҡыш айҙарын да яратам,

                                       Әммә яҙ күңеллерәк.

                            3)   Көндәр йылы, күктән алһыу

                                  Нур һибеп , ҡояш көлә.

                                  Йәйге шатлыҡ, көҙгө байлыҡ

                                  Яҙ менән бергә.

                             4)  Йәмле яҙ нурҙары менән

                                  Селтәрләнә йомшаҡ ҡар.

                                  Епшек ҡар һыуҙары менән

                                  Тулып шаулай шаршылар.

                              5) Науруз байрамында бөгөн

                                  Уйнайбыҙ ҙа йырлайбыҙ

                                  Һәр саҡ шулай уйнап – көлөп

                                  Үтһен бала сағыбыҙ.

Алып барыусы: Ҡәҙерле балалар! Бына шулай беҙ яҙ килеүен шатланып ҡаршы алдыҡ.

Наурузбикә: Донъялар тыны булһын, зәңгәр күкте ҡара болот ҡапламаһын. Үләндәр һәр саҡ йәшел булһын, игендәр мул уңыш бирһен!

 

 

 

 

 

 

 

 

 

 

 

Класс: 2 Б.

Тема: Фаҡиһа Туғыҙбаева “Сәй эсеү”.  Һөйләмдә һүҙҙәрҙең урыны.

Маҡсат: Аҙыҡ – түлекте белдергән һүҙҙәрҙе  үҙләштереү. Уҡыусыларҙың телиәрен үҫтереү, үтелгән һүҙҙәрҙе, һөйләмдәрҙе иҫкә төшөрөү.

Бурыстар:

1) белем биреү: Аҙыҡ – түлекте белдергән һүҙҙәрҙе үҙләштереү. Тиң киҫәктәр менән таныштырыу.

2) үҫтереү: Логик фекерләүҙе, хәтерҙе үҫтереү. Һүҙ һиҙемләү, телдең , коммуникатив һәләттәрен камиллаштырыу.

3) тәрбиә биреү: Аҙыҡ – түлеккә ҡарата һаҡсыл  мөнәсәбәт  тәрбиәләү.

Йыһазландырыу: аҙыҡ – түлек төшөрөлгән предметлы һүрәттәр, модель – схема, дәреслек.

 

Дәрес планы:

        I.Ойоштороу мәле.

II. Төп өлөш.

 

1)     Бармаҡтар өсөн күнегеү.

2)     Матур яҙыу минуты.

3)     Артикуляцион күнегеү.

4)     Дәрескә маҡсат ҡуйыу.

5)     Өйгә эште тикшереү.

6)     Ф. Туғыҙбаева Сәй эсеү шиғыры.

7)     Ял минуты.

8)     Диалог уҡыу.

9)     Һөйләмдәрҙе рус теленә тәржемә итеү.

10)            Яҙма эш.

 III.Йомғаҡлау.

           1)Һығымта яһау.

          2)Өйгә эш биреү.

          3)Баһалау.

 

Дәрес барышы:

  I.Ойоштороу мәле.

- Вставайте дружно каждый раз

  Когда учитель входит в класс.

  Парта – это не кровать

  И на ней нельзя лежать.

  Ты сиди за партой стройно

  И веди себя достойно.

  На уроках не болтай

  Как говорящий попугай.

  Ответить хочешь -  не шуми

  А только руку подними!

-         Хәйерле иртә, здравствуйте ребята!

-         Встаньте все прямо, красиво. Улыбнитесь друг другу, теперь посмотрите все на меня, улыбнитесь. Садитесь!

-          

   II. Төп өлөш.

1)     Матур яҙыу минуты.

6 декабрь.

Кесаҙна.

Класс эше.

ӘӨ

Әсәй, өкө, өҫтәл, өс, бәләкәй, өлөш.

2)     Артикуляцион күнегеү.

-          “ Ниндәй хәреф әйтәм” уйыны.

-         Йылы һауа.

-         Һыуыҡ һауа.

-         Ҡайнатма ялау.

3)     Дәрескә маҡсат ҡуйыу.

4)     Өйгә эште тикшереү.

5)     Ф. Туғыҙбаева  “ Сәй эсеү  шиғыры.

Инеш әңгәмә.

-         Һеҙгә Фаҡиһа Туғыҙбаева исеме  танышмы ?

-         Кем ул Ф. Туғыҙбаева ?

 Автор тураһында һөйләү.

-         Ф. Туғыҙбаева – Башҡортостандың балалар өсөн яҙған шағирә.

Һүҙлек эше.

 Эсә – пьет

 Сәйнүк – чайник

 Самауыр – самавар

“ Сәй эсеү” шиғырын уҡыу.

-         Уҡытыусы уҡыуы.

-         Что значит сәй эсеү?

-         Чайпитие.

-         Шиғырҙы балалар уҡыуы.

-         Кемдәр шиғырҙа сәй эсәләр?

-         Ғаилә ағзаларын ҡабатлау.

-         Нимәнән сәй эсәләр әсәй, өләсәй, ейәнсәр?

 Шиғырҙы ятлау.

6)     Ял минуты.

Күбәләк уянды, йылмайҙы

Йыуынды, елпенде, өйрөлдө

Һәм осоп китте.

7)     Диалог төҙөү.

-         Диалогты уҡытыусы уҡыуы.

-         Буксир менән уҡыу.

-         Синхронлап уҡыу.

-         Ролләп уҡыу.

8)     Һөйләмдәрҙе рус теленә тәржемә итеү.

-         Уҡытыусының һөйләмдәрҙе уҡыуы. Телдән тәржемә итеү.

9)     Яҙма эш.

-         54 – се бит, 4 – се күнегеү.

 

 

III Йомғаҡлау.

1)     Һығымта яһау.

2)     Өйгә эш биреү: 54 – се бит, 5 – се күнегеү.

3)     Баһалау.

 

 

 

 

 

Просмотрено: 0%
Просмотрено: 0%
Скачать материал
Скачать материал "План-конспект урока башкирского языка "Семья и лица""

Методические разработки к Вашему уроку:

Получите новую специальность за 3 месяца

Бренд-менеджер

Получите профессию

Технолог-калькулятор общественного питания

за 6 месяцев

Пройти курс

Рабочие листы
к вашим урокам

Скачать

Скачать материал

Найдите материал к любому уроку, указав свой предмет (категорию), класс, учебник и тему:

6 625 221 материал в базе

Скачать материал

Другие материалы

Вам будут интересны эти курсы:

Оставьте свой комментарий

Авторизуйтесь, чтобы задавать вопросы.

  • Скачать материал
    • 31.10.2017 1255
    • DOCX 39.6 кбайт
    • 22 скачивания
    • Оцените материал:
  • Настоящий материал опубликован пользователем Юльякшина Розалия Амировна. Инфоурок является информационным посредником и предоставляет пользователям возможность размещать на сайте методические материалы. Всю ответственность за опубликованные материалы, содержащиеся в них сведения, а также за соблюдение авторских прав несут пользователи, загрузившие материал на сайт

    Если Вы считаете, что материал нарушает авторские права либо по каким-то другим причинам должен быть удален с сайта, Вы можете оставить жалобу на материал.

    Удалить материал
  • Автор материала

    Юльякшина Розалия Амировна
    Юльякшина Розалия Амировна
    • На сайте: 6 лет и 4 месяца
    • Подписчики: 0
    • Всего просмотров: 2968
    • Всего материалов: 5

Ваша скидка на курсы

40%
Скидка для нового слушателя. Войдите на сайт, чтобы применить скидку к любому курсу
Курсы со скидкой

Курс профессиональной переподготовки

Секретарь-администратор

Секретарь-администратор (делопроизводитель)

500/1000 ч.

Подать заявку О курсе

Курс профессиональной переподготовки

Педагогическая деятельность по проектированию и реализации образовательного процесса в общеобразовательных организациях (немецкий язык)

Учитель немецкого языка

300 ч. — 1200 ч.

от 7900 руб. от 3950 руб.
Подать заявку О курсе

Курс повышения квалификации

Актуальные вопросы методики преподавания французского языка в условиях реализации ФГОС

72 ч.

2200 руб. 1100 руб.
Подать заявку О курсе

Курс профессиональной переподготовки

Теория и методика преподавания иностранных языков в начальной школе

Учитель иностранного языка в начальной школе

300/600 ч.

от 7900 руб. от 3950 руб.
Подать заявку О курсе
  • Сейчас обучается 188 человек из 55 регионов

Мини-курс

Творчество и технологии в медиакоммуникациях

8 ч.

1180 руб. 590 руб.
Подать заявку О курсе

Мини-курс

Методика поддержки физкультурно-спортивной деятельности для людей с ограниченными возможностями здоровья

10 ч.

1180 руб. 590 руб.
Подать заявку О курсе

Мини-курс

Основы психологических трансформационных игр

4 ч.

780 руб. 390 руб.
Подать заявку О курсе
  • Сейчас обучается 44 человека из 29 регионов