План-конспект урока по логопедии по теме: "З дыбысы"

Әбдіқожа Нарқыз,

Жамбыл облысы, Шу ауданы, Төле би ауылы

Мұқағали Мақатаев атындағы тірек мектебінің логопеді

Сабақтың тақырыбы: З дыбысы

Сабақтың мақсаты:

• З дыбысын сөзде, сөйлемде дұрыс айтуға үйрету.Сабаққа қызығушылығын тапсырмаларды орындау барысында арттыру, еңбексүйгіштікке ертегі барысында тәрбиелеу

• Меңгерген дыбысты айтудағы кемшіліктерді сөздерді, жаңылтпашты айтқызу барысында түзету.

• Ауызша сөйлеу барысындағы қателіктерді жою.

Сабақтың көрнекілігі: з дыбысына байланысты суреттер, карандаш, айна, зонд, араның суреті, сюжетті суреттер, зымыранның суреті, дәндер, желім, қылқалам.

Сабақтың барысы:

І. Ұйымдастыру кезеңі:  -    сәлемдесу.

Психологиялық дайындық

Күн жарығын алақанға салайық,

Жүрегіме басып ұстап қалайық.

Сондай жарық, мейірімді көңілмен,

Сабағымызды бастайық.

ІІ.Үй тапсырмасын тексеру.

Дәптердегі «С» дыбысына байланысты буындарды, сөздерді қайталау

ІІІ Дайындық кезең

• Карандашты үрлеу

• «Бақбақ» жаттығуы

Логопедиялық массаж.

Баланың үстіңгі және астыңғы ерніне логопедиялық массаж жасау

Артикуляциялық жаттығу

А) ерінге арналған жаттығу

-ерінді күлімсіретіп ұстап тұру.

- ерінді түтікше етіп созу

Ә ) Тілге арналған жаттығу

• «Кесе » жаттығуы

• Тілге жеңіл тию сезімін қалыптастыру. – тілді шығарып, оны басында домалағы бар зондпен тітіркендіру, содан кейін тілді төменгі күрек тістерге тигізу қажет.

Ырғақпен жұмыс

«Буын туралы ертегі»

Бір күні орманға за-зо-зу-зы-зи қыдыруға шығыпты. (Бірге үлкен саусаққа әр саусақты кезек-кезек тигізу керек.)Қане оларды санап көрейкші, саусақты жұма отырып санап шығу, за-зо-зу-зы-зи. Кенеттен ағаштан ара шықты.Ара қандай? (оқушы жауабы) Жақсы, ара ол бал жинайды, өте еңбекқор, бір тыным таппай, шаршағанды білмей еңбек етеді. Біз де осы ара сияқты тынбай еңбек етуіміз керек екен.  Олар қорыққандарынан за-зо-зу-зы-зи деп жылап қашып кетіпті Енді екеуіміз бірге олары аттарын атап қайта шақырайық за-зо-зу-зы-зи. Жақсы, біз тапсырманы жақсы орындадық.

ІV. Сергіту сәті

Тербеледі ағаштар,

Алдымыздан жел соқты.

Кіп-кішкентай ағаштар,

Биік болып өседі

V. «З» дыбысын бекіту

1.Жаңылтпаш айтқызу

Зефир ме?

Зефир берсем жейсің бе?

Зәйтүн майын жасайын,

Зефир тәтті дейсің бе?

2.Жазу жұмысы

 «З» әріпін жазу

VІ. Үйге тапсырма

Жаңылтпашты жаттау.

VІІ.  Сабақты қорытындылау.