Пән: Математика "Екі-екіден қосып және азайтып санаймыз "

Күні:  Сынып: 4 Сабақ: Математика	Қатысқандар саны: Қатыспағандар саны:
Мұғалім: Талипова М.Ж.
Сабақтың тақырыбы	Екі-екіден қосып және азайтып санаймыз
Осы сабақта қол жеткізілетін оқу мақсаттары (оқу бағдарламасына сілтеме)	1.      1.    Оқушыларды 20-ға дейінгі сандарды тура және кері ретпен екі-екіден санай білуге жаттықтыру. Күнделікті өмірден тәжірибеде қолданылып жүрген екі-екіден санауға мысалдар келтіру.
Сабақтың мақсаттары	1.    Барлығы: 20-ға дейінгі сандарды 2-ден топтап тура және кері санайды; тәжірибе арқылы 2, 4, 6, 8, 10 заттың жартысын табады;. 2.    Көбі: 20-ға дейінгі сандар тізбегін/ондықтармен 100-ге дейінгі сандар тізбегін құрастырады; 3.    Кейбірі: 100 көлеміндегі сандар, суреттер, фигуралар, символдардан тұратын тізбектердің заңды-лықтарын анықтайды.
Пәнаралық байланыс	Дүниетану
Сабақ барысы:
Сабақтың жоспарланған кезеңдері	Сабақтағы жоспарланған іс-әрекет	Ресурстар
Сабақтың басы Ынтымақтастық тмосферасын қалыптастыру	-Сәлеметсіңдер ме, оқушылар.. Көңіл күйлерің қалай? Жақсы. Ал, барлықтарымыз орнымыздан тұрып, бір-біріміздің қолымыздан ұстап, менің айтқанымды қайтаңдар, жарайды ма? Біз балдырған баламыз, Құстай қанат қағамыз. Дүниені аралап, Оқып білім аламыз. Көзді салып қараңыз, Былай қанат қағамыз. – Балалар, бір-біріміздің қолымыздан ұстап, алақан арқылы жүректің жылуын сезініп үйренген қандай тамаша, қандай қуаныш! Жарайсыңдар, орындарыңа жайғаса қойыңдар. -Балалар, өткен сабақта қандай тақырыппен таныстыңдар? Менің қолымда тұрған конверттің ішінде өткен тақырыптарға байланысты сұрақтар бар, соны алып жауап берейік, жарайды ма? -Заттарды тез санау үшін, қалай санаған тиімді? (жұппен) -Сыныпта неше бала, оны жұппен санап шықшы? (24 бала, 12 жұп) - - суретке қара: аяқкиімдеріне қарап, суға неше баланың суға түсуге келгенін анықта ( 6 бала) -суретке қара: вилосипед дөңгелектерін қалай санауға болады? Сонда дөңгелектер нешеу екен? (жұппен, 10 дөңгелек бар) -Жақсы, жарайсыңдар, балалар! Сендер өткен сабақты жақсы түсініпсіңдер.	Өлең жолдары Сұрақтарға толы конверт
Сабақтың ортасы «Ұшып келді – ұшып кетті» Топтық жұмыс	-Балалар, бүгін біз сабақта тура және кері ретпен екі-екіден санап үйренетін боламыз. Тура ретпен екі-екіден былай санаймыз: 0, 2, 4, 6, 8, 10, 12, 14, 16, 18, 20. Ал, тақ саннан, яғни 1-ден бастап екі-екіден санайық: 1, 3, 5, 7, 9, 11, 13, 15, 17, 19. Енді, кері ретпен екі-екіден санайық: 20, 18, 16, 14, 12, 10, 8, 6, 4, 2, 0. (Топ бойынша бөліп санату) -Жақсы. «Ұшып келді — ұшып кетті» тапсырмасын орындайық: бұл тапсырма жұппен орындалады, яғни қасыңда отырған көршілеріңмен бірге орындайсыңдар, жарайды ма? а) — Ағашта неше қарға болған? (2) — Тағы 2 қарға ұшып келіп қонды. Ағашта енді қанша құс болды? (4) — Тағы 2 құс ұшып келіп қонды. Ағашта енді қанша қарға болды? (6) — Тағы 2 қарға ұшып келіп қонды. Ағашта енді қанша қарға болды? (8) — Олар 10 құс болу үшін тағы неше қарға ұшып келуі тиіс? (2) — Қандай сандар алдыңдар? (2, 4, 6, 8, 10) — Біз қандай ретпен санадық? (екі-екіден, тура ретпен) ә) — Ағашта неше торғай болған? (10) — Нешеуі ұшып кетті? Қанша қалды? (8) — Тағы екі торғай ұшып кетті. Енді нешеуі қалды? (6) — Егер үнемі 2 торғайдан ұшып кетіп отыратын болса, ағашта бірде-бір торғай қалмау үшін неше рет екі-екіден ұшу керек? (2 рет 2 құстан) — Қандай сандар алдық? (10, 8, 6, 4, 2) — Біз қалай және қандай ретпен санадық? (екі-екіден, кері ретпен) Топтық жұмыс: -Балалар, мен сендерге топтық тапсырма беремін, ол тапсырманы мынау А4 форматтағы қағазға жазып орындайсыңдар. Орындап болған соң, тақтаға шығып қорғайсыңдар, жарайды ма? - 3 санынан бастап, екіден қосып санаңдар. ( 3, 5, 7, 9, 11, 13, 15, 17, 19) - 20 санынан бастап, екіден азайтып санаңдар. (20, 18, 16, 14, 12, 10, 8, 6, 4, 2, 0) - 15 санынан бастап, екіден азайтып санаңдар. (15, 13, 11, 9, 7, 5, 3, 1) -Жарайсыңдар, сендер тапсырманы дұрыс орындадыңдар.	Оқулықпен жұмыс А4 фоматтағы қағаздар
Сергіту сәті 1 минут	Тереңдет ойыңды, Тiк ұста бойыңды. Құстарға ұсайық, Қалықтап ұшайық. Шық алға оң қанат, Шық алға сол қанат, Шаршаған кездерде Қонайық жорғалап. -Жарайсыңдар, орындарыңа жайғаса қойыңдар.	Сергіту сәтіне арналған жинақ
«Үйлердің нөмірі» «Артық санды тап» Дәптермен жұмыс Тапсырмалар	-Балалар, оқулықтың 107 бетіндегі суретке назар аударайық. Енді, мына сұрақтарға жауап берейік: -Суреттегі үілер қалай орналасқан? ( өсу ретімен) -Қыз бала қай үйге жақын тұр? (10-шы үйге) -Ал, ұл бала ше? (3-ші үй) -Ұл бала №9 үйді табу үшін қалай санауы керек? ( тура ретпен, тақ сандар арқылы) -Қыз бала №20 үйден шықты. Ол №4 үйді табу үшін қалай санауы керек?( Кері ретпен санау керек) -Жақсы, балалар енді «Артық санды тап» тапсырмасын орындайық. Берілген сандардың ішінен артық санды табыңдар. - -Балалар, тапсырманы жақсы әрі дұрыс орындадыңдар. Ал, енді дәптерімізді ашайық. Дәптердегі тапсырмаларды орындайық 1 тапсыпма: Бос дөңгелектерге тиісті сандарды жаз. -2 санынан бастап екі-екіден қос. -Шыққан сандарды қызыл түспен боя. 2 тапсырма: Бос дөңгелектерге түсіп қалған сандарды жаз.	Оқулық Суретшелер Жұмыс дәптері
Сабақтың соңы 2 минут	Рефлексия	Кеменің суреттері