Пәні: қазақ тілі. Тақырыбы: "Зат есім"

«Жітіқара ауданы әкімдігінің білім бөлімі» ММ

«№2 орта мектеп» КММ

Зат есім

                                                                    Дайындаған: К.Артикова,

                                                                        бастауыш сынып мұғалімі

Сабақтың  тақырыбы:  Зат есім.

Сабақтың  мақсаты:

Оқушыларға зат есім жайлы түсінік бере отырып, сұрақтар қоя білуге үйрету.

Жаңа технология элементтерін пайдалана отырып шығармашылық қабілеттерін дамыту.

Сауатты, көркем жазуға, өзара ынтымақтастыққа, шапшаң ойлай білуге баулу.

Көрнекі- құралдар:  интерактивті тақта, компьютер, Microsoft PowerPoint презентациясы,  бағалауға арналған көрнекіліктер

Сабақтың түрі:  аралас сабақ

Cабақтың ұраны:

Қазақ тілім - өз тілім дара   тілім.

Абай ,Мұқтар сөйлеген дана  тілім.

Қастерлейді ұл-қызың мәңгі  сені

Болашағым ,бақытым қазақ тілім

Сабақтың  барысы: 

I. Ұйымдастыру кезеңі.

1) Психологиялық дайындық

Жарқырап күн де ашылды,
Айналаға нұр шашылды.
Қайырлы күн! Біз көңілді баламыз,
Қайырлы күн!Сәлемдесіп аламыз.
Мақсатымыз- білім алу,
Міндетіміз- еңбектену
Еңбектену арқылы
“5 “- ке қолды жеткізу!

ІІ. Ой қозғау: Елбасымыз Н.Ә. Назарбаев  «Ел болашағы- білімді ұрпақ»- деп  сіздерге үлкен сенім білдіруде.

 Қазір сендер кішкентай болғанмен, ертеңгі еліміздің кемелденуіне , гүлденуіне үлес қосатын маман болып, еліміздің түкпір- түкпірінде еңбек ететіндеріңе менің де сенімім мол. Біздің бүгінгі сабағымыз да  мамандық таңдауға байланысты.Араларыңда мамандықты таңдап жүрген оқушылар бар ма?

   Нағыз адам боламын!

Бүгін титтей баламын,

Әлі-ақ жігіт боламын.

Сонда, мүмкін, мен ғалым,

Әлде шофер болармын.

Ел сыйлайтын мұғалім,

Әлде шахтёр болармын.

Сонда ұста, не артист,

Не дәрігер болармын.

Әлде , әлде ,білсеңдер,

Жалғыз ғана талабым,

Ер жеткенде , ел сенер,

Нағыз адам боламын.

ІІІ. Үй тапсырмасын тексеру:

Мамандықтың бәрі жақсы. Сол маман иелерінің барлығы ұстаздан білім алған.Олай болса,мұғалім мамандығының тапсырмасына назар аударайық.

Мұғалімнің тапсырмасы: «Кім тапқыр?»

Сөз таптары	Зат есім	Сан есім	Сын есім	Етістік
қауын	+
келді				+
тоғыз		+
жасыл			+
айна	+
ойнады				+
әдемі			+
бір		+

ІV. Жаңа сабақ.

2.Балықшы тапсырмасы: «Сөзжұмбақты  шешіп көр».

Ерекше жолдағы сөзге түсіндірме жұмыс жүргізу.

Ережені түсіндіру жұмысы.

Дәптермен жұмыс.

Көркем жазу сәті:Зз әрпі.

 V. Жаңа сабақты пысықтау.

1. Дәрігер мамандығының тапсырмасы:  Сөздерді оқып , кім? не? сұрақтарына жауап беретін сөздерді теріп жаз.

 VI.Сергіту сәті:

Аппақ болып таң атты,
Түтін тік боп шығады.
Гүлге қонған көбелек,
Самғап биік ұшады.
Қоюланып қара бұлт,
Төкті жаңбыр себелеп.
Жапырақты жамылып,
Бұға қалды көбелек

VІ.Шығармашылық жұмыс.

Тігіншінің тапсырмасы: Өз бетінше жұмыс. 3- жаттығу.Кім? не? Сұрақтарына жауап беретін сөздерді екі қатарғабөліп жаз.

VІІ .Дәлелдеу.

Сазгердің тапсырмасы :  5- жаттығу. Өлеңді мәнерлеп оқы.

Зат есімдерді тауып, сұрақ қой.

Баратыным-

Қыр.

Қонатыным-

Гүл.

Теретінім-

Нәр.

Беретінім-

Бал.                                                     М.Әлімбаев

Суретшінің тапсырмасы:

2,3,4,5,6,7әріптен тұратын заттың атын білдіретін сөздерді тауып жаз.

VІІІ.Ойын «Баспалдақ».

З
А
Т
Е
С
І
М

ІХ.Қорытынды:

Құпия кестедегі сұрақтарға жауап беру.

1.Зат есім дегеніміз не?

2.Зат есімдерге қандай сұрақтар қойылады?

3.Зат есімге мысал келтіру.

Х. Үйге тапсырма:

Күнделікті енді ашайық
Үй тапсырмасын жазайық.
Бүгінгі  алған білімді,
Ұмытпай есте сақтап алайық.

 144-бет  4 - жаттығу. Сөйлемдерді көшіріп жаз. Зат есімдердің астын сыз.

ХІ. Бағалау