Power Point программасында слайдпен жұмыс істеу режимі.

№ 45 “Ақ Орда” мектеп-гимназиясы

Ашық сабақ

2008-2009 оқу жылы

Сабақтың тақырыбы:  Power Point программасында слайдпен жұмыс істеу

режимі.

Сабақтың мақсаты:

Білімділік:

Ø Power Point программасында слайдпен жұмыс істеуді және анимациялық эффектілерді орнатуды оқушыларға үйрету.

Тәрбиелік:   

Ø Компьютермен жұмыс істеуде ұқыптылыққа, техника қауіпсіздігін сақтай білуге үйрету;

Ø “Оқу инемен құдық ъқазғандай”, - еңбекті сүйе білуге, өз уақытын дұрыс пайдалана алуға тәрбиелеу;

Ø Жүрген орталарында кішіпейіл, сыйымды бола білуге баули отыра, білімді, шыншыл, өжет тұлғаны қалыптастыру;

Дамытушылық:

Ø Оқушылардың танымдық және шығармашылық қабілеттерін жан-жақты дамыту;

Ø Логикалық ойлау арқылы толық және нанымды жауап беруге дағдыландыру, ойларын дұрыс тұжырымдап сұрақтарға қорытынды жасай білуге үйрету;

Сабақтың көрнекілігі: Интерактивтік тақта, компьютерлер.

Сабақтың түрі: Аралас сабақ.

Оқу процесін ұйымдастыру әдістері:

Жеке - өзіндік, оқушы - компьютер, оқушы – мұғалім.

Сабақтың барысы.

I. Ұйымдастыру кезеңі

II. Үй тапсырмасын сұрау

Өткен сабақтарда өтілген тақырыптарды қайталаймыз. Қайталау жаппай электрондық оқулықтардағы тапсырмалар бойынша сұралады.Тапсырмалар Microsoft  Power Point программасынан жалпы мағлұматтары пысықталады.

III.Жаңа сабақты  түсіндіру

Microsoft  Power Point көрмесі өзге бағдарламалар құжаттарынан мультемедиялық нысандарды – бейнеклиптерді, жан бітірілген суреттерді, дыбыстық үзінділерді және т.б қолдануға мүмкіндік беретіндігімен ерекшеленеді.

Microsoft  Power Point қарапайым нысандарға жан бітіруге мүмкіндік береді.Өзгертпелі жан бітірім тапсырмалар аймағының көмегімен көрмені көрсету кезінде слайдтағы қай элемент қай кезде және қалай шығуы керек екенін – мысалы, тінтуірді шерткен кезде сол жақ жиектің артынан ұшып шығуын таңдауға болады. Жан бітірім параметрлерінің көбісі өзіне сәйксе пәрмендер қатарын қамтиды. Мысалы, тақырып бірден  емес, жеке-жеке әріптер түрінде  пайда  болады.

Бұл үшін Слайдтарды көрсету мәзірінің Жан бітірімді баптау әмірін таңдаңыз. Тапсырмалар аймағында түрлі жан бітірім пәрмендерінің сан алуан нұсқасын ұсынатын Өзгертпелі жан бітірім құралдар үстелі пайда болады.

Жан бітірім пәрмені әрбір нысан үшін жеке-жеке бапталады, сондықтан алдымен нысанды бөлектеп алып, содан кейін Пәрменді үстеу батырмасын шерту керек. Қажет болса, ипәрмен параметрлерін (басы, жолы, жылдамдық) баптап аласыз.

Көрмеге музыканы және басқа да дайын дыбыстықфайлдарды үстеу үшін Кірістіру мәзірінде Фильмдер және Дыбыстар тармағын таңдап, содан кейін мына әрекеттердің бірін орындаймыз.

Файл дыбысы әмірін таңдап, осы файл сақталып тұрған қалтаны табыңыз да, қажетті файлды екі рет шертіңіз.

Суреттер жинағының дыбысы әмірін таңдап, айналдыру сызығының көмегімен қажетті клипті тауып, оны слайдқа үстеу үшін шертіңіз.

Сұхбат терезесі пайда болған кезде мына әрекеттердің бірін орындаймыз.

Слайдты көрсету кезінде музыка немесе дыбыс өз бетімен ойнатылуы үшін Өзмәтіндік батырмасын басыңыз.

Музыка не дыбысты дыбыс белгішесін нұқу бойынша ойнату үшін Нұқу бойынша батырмасын басамыз.

Көрмені көрсетер алдында  слайдтарды ауысымы қалай жүретінін шешіп алу қажет; өз бетімен, слайдты нұқығанда, қандай да бір нысанды нұқығанда, дыбыстық сүйемелдемен бе, жоқ па т.б.

Слайдтар ауысымын дыбыспен сүйемелдеу үшін Слайдты көрсету мәзірінде Слайдтар өтуі әмірін таңдап, тапсырмалар аймағында пайда болған Слайдтар ауысуы үстелінде Дыбыс әмірінің қажетті параметрлерін баптау қажет. Осы үстелде Сіз сондай – ақ слайдтардың тінтуір нұқуымен немесе өздіктік ауысуын, слайдтар ауысуы жылдамдығын белгілеуіңізге болады.

Шындап келгенде, слайдтағы әрбір нысанды слайдтар ауысуын басқарушы батырмаға айналдыруға болады. Бұл үшін нысанды бөлектеп алып, мәтінмәндік мәзірді ашып, Әрекетттер баптаулары әмірін таңдап, қажетті параметрлерді баптау қажет.

Егер сіз ағымдық слайдты көрсеткіңіз келсе, Слайдты көрсету (ағымдық слайдтан) батырмасын басамыз.

Ол кішірейтілген слайд белгішелері бар үстелдің төменгі жағында орналасқан.

Көрсетуді біріншіслайдтан бастау үшін мәзір жолағының Слайдты көрсету – Көрсетуді баптау әмірін таңдау немесе <F5> персесін басу керек.

Слайдтар көрсетілімі режимін жабу үшін, яғни, слайдтарды көрсетуді тоқтату үшін <Esc> персесін басуға болады.

IV. Қорытындылау

Ø Қандай перне Power Point бағдарламасы көрмесінің слайдтарын көрсетуді тоқтатады?

Ø Power Point бағдарламасы көрмесінің слайдтарын ағымдық слайдтан бастап көрсетуді қандай әмірдің немесе  батырманың көмегімен іске қосуға болады?

Ø Қандай перне слайдтарды көрсетуді бастау әмірін орындайды?

V. Үйге тапсырма беру

Power Point программасында слайдпен жұмыс істеу режимдерін оқып келу.

VI. Бағалау