Хүндүлүг, Мѳген-Бүрен сумузунуң хоочуннары!
Силерге, Тиилелге хүнү
- биле изиг байыр чедирип, кадыкшылды, узун назынны күзедивис.
Силерниң ѳгбелериңер: Намчыл
Хорлуу Аскыраковна, Шагдыр Хертек Маңзырович, Иргит Комбу Чыргалович, Минчимаа
Ооржак Үнгүлчековна, Хертек Иргек Бодаганович, Иргит Байыр Сүрүнович, Мыйызоң
Хертек Херекчоковна, Саая Чодураа Кара-ооловна, Саая Серээ Кара-оолович, Иргит
Успун-Доржу Конгурович, Шыдыраа Саая Кара-оолович, Иргит Падма Тѳмүровна, Успун
Иргит Кудажыевич, Борбак-оол Иван Чылгаарович, Көже Михаил Чыдынчапович
болгаш өскелерниң-даа, Улуг Тиилелгеге киирген үлүг-хуузу салгалдарга үлегер -
чижек бооп артар. Тылга чонну хаара тудуп, фронтуга хѳй малды, аъш-чемни, алгы
- кешти, чылыг хепти, акша-мѳңгүннү хѳйү-биле дузалаан хоочуннарның туруштуг салгалдары
силер. Ѳгбелеривистиң фронтуга дузазы Совет Армияның Тиилелгени чедип алырын хүнден
хүнче чоокшуладып, хей-аъдын кѳдүрүп, сорук киирген. Оларның маадырлыг,
могаг-шылаг чок ажыл-ижи уттундурбас. Ɵгбелеривистиң үлегери – хѳй чылдарда
аныяктарны маадырлыг чоруктарже, буянныг үүле-херектерни кылырынче кыйгырып
чоруур.
Хүндүлүг, Афган, Чечен база Кѳрей дайынының
киржикчилери!
Делегей кырынга Тайбың
турзун дээш, бүгү чон аас-кежиктиг ажылдап, чурттазын дээш, ырак чуртка
дайылдажып, интернационалчы хүлээлгеңерни ак сеткилдиг, шынчы, маадырлыг күүсеткеш
келген маадырларны, силерни билир бис. Силерниң дидим чоруунар, быжыг тура-сорууңар
чаа-дайындан кадык, менди чанып келириңерге дузалаан. Байырлал - биле!
Хүндүлүг Чойганмаа Ойдуевна!
Силерге,
Тиилелге хүнү - биле байыр чедирип, кадыкшылды, аас-кежиктиг
чуртталганы, узун назынны күзедивис.
Силерниң акынар,
Иргит Кошкар-оол Ойдуевич Афган черге интернационалчы хулээлгезин
эрттирип чорааш, маадырлыы-биле мѳчээн болгай. Хып дээн аныяк назынында ырак
черге, афган чоннун хамаарышпас чоруу дээш, дидим, тура - соруктуг дайылдашкан.
Бѳмбүрзектиң кайы-даа булунунга, кандыг-даа чон боттарының күжүн, угаанын
тайбың ишке бараалгадып чурттаксаар. Афган чонга дузалажып, совет солдаттар хѳйү-биле
амы-тынындан чарылган. Оларның аттарын тѳѳгү утпаан, утпас-даа.
Бистиң чаңгыс
чер-чуртуувус Иргит Кошкар-оолдуң адын, ѳѳренип чораан школазында мѳңгежидип
кылган. Ооң ады-биле суурнуң улуг кудумчузун адаан.
Делегей
кырынга тайбың дээш, язы-сѳѳк ылгавайн, маадырлыы-биле тулчуп чораан, Тѳрээн
ак-кѳк Тывазынче, ада-иезинче, чоок кижилеринче чанып келбээн Иргит
Кошкар-оолдуң адын кезээде сактып, салгалдарга дамчыдып берип чоруур бис.
«Маадырлыг
чорууңар дээш четтирдивис!
Тайбың
чуртталга дээш четтирдивис!
Алдын хүн
дээш четтирдивис!
Чаштарның хѳглүг каткызы дээш
четтирдивис!» - деп, бѳгүн Кошкар-оолга чугаалап тур бис.
Акыңарның маадыр адын бедик
тудуп, салгалдарга чугаалап берип чорууруңарны күзеп тур бис, хундулуг Чойганмаа
Ойдуевна! Байырлал-биле!
Мѳген-Бүрен школазының 4 «а»
клазының ѳѳреникчилери, музей соведи.
Удуртукчу башкылары: Алефтина Салчак,
эге класстар башкызы
Леонид
Бойгал, куш-культура башкызы.
Оставьте свой комментарий
Авторизуйтесь, чтобы задавать вопросы.