П,п арифлерни язув. И арифнинъ элементлерини Т арифнинъ элементлеринен тенъештирюв.

ДЕРС № ___

Мевзу: П,п арифлерни язув. И арифнинъ элементлерини Т арифнинъ элементлеринен тенъештирюв. Эджалар, сёзлер, джумлелер язув.

Макъсат: Янъы арифнинъ язылувынек таныштырмакъ Сес-эджа талиль къабилиетлерини илерилетмек. Язувда джыйнакълыкъ тербиелемек.

Дерснинъ донатмасы: язув дефтери, ресимлер, джедвеллер, арифлернинъ нумюнеси, тахта.

Дерснинъ кетишаты.

I.  Тешкилий дакъкъа.

II.   Таянч бильгилерини актуаллештирюв.

1.    Субет.

-             Хатырланъыз, окъув дерсинде анги арифнен таныш олдыкъ?

О насыл сес бильдире? Онынъ характеристикасыны беринъиз.

2,  Сёзнинъ сес-эджа талили. Тапмаджаны тапынъыз.

Чапа арткъа, эм огге

Тишлеп боле экиге.

(пычкъы)

-    «ПЫЧКЪЫ» сёзюни талиль этинъиз ве схемасыны тизинъиз.

III.    Дерснинъ мевзусыны ве макъсадыны еткизюв.

IV. Янъы мальземени анълатув.

1.              Уфакъ п арифнинъ язылувыны талиль этюв ве анъ­латув.

Уфакъ т арифнен тенъештирюв. Уфакъ п арифи эки злементтен иба- рет: биринджиси - догъру авукъ таячыкъ, экинджиси - тёпеде ве ашада тёгерекленген догъру авукъ таячыкътыр.

Иш сатырнынъ усттеки сызыгъындан догъру авукъ таячыкъ язмагъа башлаймыз, оны ашагъа иш сатырнынъ ашадаки сызыгъына алып барамыз. Бу элементинъ ортасындан тёгерекленген сызыкъ язамыз, о иш сатырнынъ усттеки сызыгъына токъунып, догъру авукъ таячыкъкъа чевириле. Оны иш сатырнынъ ашадаки сызыгьынадже алып барыла ве мында сагъ тарафкъа тегерекленип иш сатырнынъ ортасында язып битириле.

Ариф бойле тактнен языла: «Бир-ве-эки-ве».

2.    Пармакъ гимнастикасы.

ПОРТАКЪАЛ

Биз портакъал болъдик.

О кенди, биз - чокъмыз

Бир тилимчик - кирпиге,

Бир тилимчик - папийлерге,

Бир тилимчик - мышычыкькъа,

Бир тилимчик - къонъузгъа.

Къашкъыргъа кьалды...къабукъ.

О бизге ачувланды.

Дикъкъат!

Тезде къачынъыз мындан!

3.   Мустакъиль язув.

4.  Эджалар, сёзлер язув.

«Папий», «помидор» сёзлерини тахтадан кочюрип язув.

5.    Физдакъкъа.

Помидорлар къызаргъан,

Патильджанлар мораргъан,

Потюклеримни кийдим

Помидор джыйип келъдим.

6.   Баш П арифнинъ язылувыны талиль этюв ве анълатув. Баш Т арифнен тенъештирюв.

Баш П арифи учь догъру узуилашкъан, тёгерекленген авукъ таячыкълардан ибаретдир.

Биринджи элементни тёпедеки ара сатыр сызыгъындан башлап узунлашкъан авукъ таячыкъ язамыз. Оны ашагъа алып барып, иш сатырнынъ ашадаки сызыкъ янында сол тарафкъа тёгереклеймиз. Экинджи элементни биринджи элемент киби язмагьа башлаймыз, тёпедеки ара сатыр сызыгъындан ашагъа авукъ берип язамыз. Иш сатырнынъ ашадаки сызыгъына токъунып, сагь тарафкъа тёгереклеймиз, Учюнджи элемен­тни тёпедеки ара сатыр сызыгъындан  азчыкъ ашаджа язмагъа башлаймыз, тёпеге сагъ тарафкъа тегереклеп, тепедеки деки ара сатыр сызыгъы устюнден догъру таячыкъ девам этемиз ве оны экинджи элементнинъ тёгереклевинден азчыкъ узунджа япып язмагъа битиремиз.

Бойле тактнен языла: «Вир- ве-эки-ве-ве-учь».

7.      Мустакъиль язув.

8.      Дефтердеки вазифелернен чалышув.

9.      Баш П арифни уфакъ п арифнен ве башкъа арифлернен берабер язув.

10.    Джумле тизюв ве язув,

Петсе луто миподор.

(Сепет помидор толу.)

V. Дерснинъ нетиджеси.

-        Насыл арифнинъ язылувынен таныштыкъ?

-        Дерсте нелер яптыкъ?