Сөмбөлә
Бүлмә көҙ
миҙгеленә тап килтереп биҙәлгән. Стенала яҙыу Алтын көҙ, тирә-яғында төрлө
төҫтә япраҡтар, өҫтәлдә кҙгө муллыҡ
А.Б.
Килеп етте тағы көҙ көнө,
Ябай түгел көҙҙөң алтыны.
Саған япраҡтары ғәжәйеп,
Яна улар,яна ялҡынып.
ЙЫР “КӨҘҺЫЛЫУ”
ШИҒЫРҘАР
Көҙгө урман.Ағастарҙан
Алтын япраҡ ҡойола.
Зәңгәр күктән парашюттар,
Төшкән кеүек тойола.
Көҙ килгән, көҙ килгән,
Көҙ быйыл бик тиҙ килгән.
Ҡайындар, тирәктәр,талдар,
Һарынан күлдәк кейгән.
УЙЫН “НИНДӘЙ АҒАСТЫҢ ЯПРАҒЫ”
-Балалар, ҡарағыҙ әле, терпе
энәләренә төрлө ағастың япраҡтарын элгән. Улар төрлө төҫтә. Ул үҙенең ҡыҙына
уйнатырға алып ҡайтып килә икән.Әйҙәгеҙ әле, әйтегеҙ, терпелә ниндәй ағастың
япраҡтары? Ҡапыл ғына ел сыҡты һәм бер япраҡ ты осороп алып киткән. Ҡайһы
япраҡты ел осорған?
УЙЫН “КЕМГӘ ЯПРАҠ ЕТМӘНЕ”
-Балалар, иҫегеҙҙәме көҙҙөң матур
бер көнөндә тышта йөрөгәндә Көҙһылыуҙы байрамға саҡырғайныҡ? Беҙҙең байрам
башланды, ә Көҙһылыу һаман да юҡ. Онотто микән. Әйҙәгеҙ күмәкләшеп саҡырайыҡ.
-Көҙһылыу, Көҙһылыу, Көҙһылыу.
Көҙ апай килә баҙарҙан,
Нимә генә алмаған.
Ниндәй бүләк кәрәклеген,
Әйтмәһәң дә аңлаған.
(Көҙһылыу инә.
Ҡулында кәрзин, уның эсендә йәшелсәләр)
-Һаумыһығыҙ, балалар, баҙарҙа
оҙағыраҡ йөрөп ташлағанмын. Һеҙгә һуңлабыраҡ килдем инде. Эйе, балалар, мин
ҡайындарға һары яулыҡ алдым, миләшкә - ҡыҙыл мунсаҡ, ә сейәгә - көрән алҡалар,
алда ҡолағыңа таҡ.
Алһыу, йәшел буяуҙарҙы
Бирҙем алма, ҡыярға.
Бөрлөгән ҡыҙыл мәрйенен
Белмәй ҡайҙа ҡуйырға.
А.Б.
Көҙ шулай матур тәҫтәргә
Буяй бөтә ерҙе лә.
Емеш-еләк менән һыйлай
Шатландырып беҙҙе лә.
ШИҒЫР (балалар)
Алтын сәсен тарап үреп,
Һары күлдәген кейеп,
Кәҙбикә ҡунаҡҡа килде
Урманға йырлап-бейеп.
Урман һылыу табын ҡорҙо,
Аҫалы балаҫ түшәп.
Уға япраҡтар ҡойолдо,
Яңы биҙәктәр өҫтәп.
КӨҘҺЫЛЫУ Ай,
афарин! Бигерәк минең турала матур шиғыр һөйләнең. Балалар, минең кәрзиндә
төрлө йәшелсәләр бар. Уларҙың исемен белер өсөн йомаҡтар сисергә кәрәк.
Әҙеһегеҙме?
Осо нәҙек, төбө йыуан
Ярата уны ҡуян. (Кишер)
Ер аҫтына берәү генә күмелде
Көҙ етеүгә балалары күренде.
(Бәрәнге)
Ҡат-ҡат тунлы, ҡарыш буйлы.
(Кәбеҫтә)
Бабай ҡат-ҡат тун кейгән,
Сисендерһәң, илаһың. (Һуған)
А.Б. Беҙҙең балалр
йәшелсәләр тураһында йыр беләләр.
ЙЫР «УРОЖАЙНАЯ”
А.Б. Ярай йәшелсәләрҙе йыйып алып
ҡайтҡанбыҙ. Ә бына шундай хәлдә булырға ихтимал.
СЦЕНАРИЙ «БАҠСАҒА КИЛГӘН ҠУЯН”
Баҡсаға килгән ҡуян,
Йәшелсә ашап туәған
Кишерҙе ул ашаған,
Башлаған да ташлаған.
Сөгөлдөрҙө кимергән,
Кимергән дә һимергән.
Помидорҙы ла йолҡҡан,
Бешмәгәнен онотҡан.
Ҡуян йолҡҡан бер шалҡан,
Тәгәрәгән ҡаҡ салҡан.
Түтәлдә бер ҡыяр юҡ,
Ашап бөткән ҡуян- шуҡ.
Һарымһаҡ шундай әсе-
Ҡуяндың сыҡҡан йәше.
Бәрәнгене лә тапҡан-
Таҙартҡан да тупраҡтан.
Кәбеҫтәнәндә туйған,
Ашап бөткән дә ҡуйған,
Их, ҡуян!
Ҡабаҡтан ҡалған һабаҡ-
Вәт нишләтә был тамаҡ!
Йәшел- йәшел йәшелсә,
Тапмаҫ ине йәшенһә,
Ҡуян уны һис ҡасан!
Ашаған да – ул ҡасҡан!
КӨҘҺЫЛЫУ
- Йәшелсәләр үҫһен өсөн нимә кәрәк?
БЕЙЕҮ ЗОНТИК МЕНӘН
КӨҘҺЫЛЫУ - Ә
хәҙер көҙ тураһында һынамыштар әйтеп үтәм.
КӨҘҺЫЛЫУ
- Көҙ көнө урманда нимә йыйалар?
БӘШМӘКТӘР БЕЙЕҮЕ
А.Б.
Йылы яҡтарға киткәндә,
Хуш-хуш, тине аҡҡоштар.
Күҙҙәре моңһоу, ҡанатын
Саҡ-саҡ ҡағып баралар.
ЙЫР «ҺАУ БУЛЫҒЫҘ АҠҠОШТАР»
ӘҘӘБИӘТ:
« Балалалар баҡсаһында музыка» Р.К.Мөхәмәтйәнова, Өфө, (Китап)1998г.
«Уйнайбыҙҙа йырлайбыҙҙа» Ф.З.Гершова,Өфө, (Китап)1999г.
«Беҙҙең байрамдар» Ф.Х.Гөбәйҙуллин, Өфө, (Китап)2004 г.
Күңелле бала саҡ Ә.Зиннурова, Өфө, (Китап)2013 г.
Оставьте свой комментарий
Авторизуйтесь, чтобы задавать вопросы.