Презенстация по казахскому языку на тему "Ұлағатты ұстаз"

Қазіргі технологияда білімді меңгертудің шығармашылық деңгейіне жету үшін Блум жүйесі пайдаланылып жүр.Блум таксономиясы білу,түсіну,қолдану,талдау,жинақтау,бағалау деңгейлерін қамтиды.Шығармашылық деңгейге жету диалогтік оқыту,сыни тұрғыда ойлау модульдері арқылы жүзеге асырылуы мүмкін. 
Сын тұрғысынан ойлау-Қазақстандағы білім беруді дамыту үшін маңызды болып табылатын әдіс.Сын тұрғысынан ойлау «ойлау туралы ойлану»деп сипатталған.Маңызды мәселелерді талқылау және ой елегінен өткізумен түсіндіріледі. 
Қазір мектеп оқушыларының компьютер алдында көп отыруы,басқалармен желілік байланыста болуының бір кері әсері: олардың сөздік қорларының таяздауына,бір-бірімен жылы қарым-қатынас жасамауына әсерін тигізіп отыр деп ойлаймын.Сондықтан, оқытудың жеті модулін тәжірибеге енгізудің маңыздылығы жоғары. 
Топтық жұмыс істеу оқушылардың бір-бірімен жақсы қарым-қатынаста болуын,басқаның пікірін бағалауын,басқаның пікірін сыйлауын,жағдайдарды шешуін қамтамасыз етеді 
Оқушылардың жеке қажеттіліктерін ескере отырып оқытудың маңыздылығы өте жоғары екендігі дәлелденген.Оқушының үлгерімі мен оқып-білуінде бір-бірінен айырмашылықтары көп екендігін сабақ барысында білінеді.Мысалы:кейбір оқушылар белсенділігінің төмендігімен ерекшеленеді.Ал бір оқушы кез -келген сабақта белсенділік көрсетіп, көптеген пәндер бойынша қызығушылық танытады,неге болса да құлшыныс білдіріп отырады.Оқудың табысты болуы үшін отандық психологтар баланың танымдық қызығуы мен интеллектуалдық белсенділігі қажетті алғышарт болып табылатындығын айтады.Өкініштісі, көп балалардың белсенділігі,қызығушылығы мектеп жасына дейін немесе бастауыш мектепте-ақ бәсеңдеп қалатынын зерттеулер көрсеткен.Осындай жағдайлардан кейін баланың мектепке барғысы келмеуіне,мектепті жақтырмауына,өз деңгейінде ойламауына алып келеді.Сондықтан баланың өз деңгейінде дамуы үшін оның жеке мүмкіндіктерін,қызығушылығын ескермей оқу-тәрбие жұмысын ұтымды жүргізу мүмкін емес.Осындай оқушылардың қабілеттерін дер кезінде байқап,дамытуға ерінбеу-әрбір қарапайым мұғалімнің міндеті.Себебі,бұл адам тағдыры. 
Оқыту үдерісі нәтижелі,табысты болу үшін сабақ ерекшелігіне сәйкес оқытудың жеті модулін тиімді таңдай білудің және орынды пайдалана білудің маңызы зор.