Қазанғап
атынлағы Қызылорда музыкалық колледж жанынан ашылған Балалар музыка мектебі
Қазанғап
атындағы Қызылорда музыкалық колледж жанындағы Балалар Музыка Мектебі 2012 жылы
ашылды (27.06.2012 жыл бұйрық №16). Мектептің негізгі мақсаты балалардың шығармашылық
қабілеттерін дамыту, музыкалық өнерінің негіздерін оқыту, өнер саласындағы
шығармашыл дарынды оқушыларды анықтау, және де ең бастысы біздің колледжде
кейінгі деңгейде оқуды жалғастыру.
Қазіргі
таңда (2018-20179 оқу жылы) мектепте «Фортепиано», «Домбыра», «Қобыз», «Қыл
қобыз», «Баян», «Флейта», «Скрипка», «Ән салу», «Хорда дирижерлік ету»,
«Хореография өнері» мамандықтары бойынша барлығы 139 оқушы білім алуда. Оларға 29
оқытушы, 4 концертмейстер дәріс береді, барлығы да колледждің білікті
мамандары.
«Арнайы
аспап» пәні оқушыларға жеке өткізіледі. Аспапта ойнауға оқыту процесінде әр
оқушының табиғи мүмкіндіктері ескеріле отырып, орындаушылық өнер негіздерінің
білімдері мен іскерліктерінің көлемі қамтамасыз етіледі. Музыкалық-практикалық
қызмет дағдылары, орындаудың, ұжымдық музыка ойнаудың техникалық дағдылары,
музыкалық қабілеттері мен кәсіби дамуы қалыптасады.
«Сольфеджио»,
«Әлемдік музыкалық әдебиет», «Хор класы» пәндері музыкалық өнердің теориялық
негіздерін оқыту базасында оқушылардың музыкалық жадысын, ритмін дамытады, есту
тәжірибесінің жинақталуы қалыптасады, дүниетанымы кеңейеді, жалпы музыкалық
даму үшін тарих және музыкалық мәдениет саласындағы музыкалық-теориялық
білімнің белгілі бір деңгейі қалыптасады.
Балалар
музыка мектебі колледж жанынан ашылғасын кабинет жетіспеушілік орын алады.
Мектепке топтық сабақтарды өту үшін 2 дәрісхана, әр мамандық бойынша бір
кабинет (фортепиано, скрипка, үрмелі, халық аспаптары, ән салу), хор залы, би
залы, емтихан қабылдайтын кіші зал және меңгерушіге кабинет қажет етеді.
Барлығы:
Топтық дәрісхана – 3
Кіші кабинеттер – 6
Залдар - 2
Орындаушылық
өнері мамандығында оқитын оқушылар аптасына 6-7 сағат сабаққа қатысады. Оның 2
сағаты (арнайы аспап) оқушыға жеке өткізіледі. Фортепиано аспабынан басқа
барлық аспаптар әр оқушыға концертмейстер қажет етеді.
Музыкалық
аспаптар арзан тұрмайды, кейбір ата-аналар балаларына аспап сатып алып бере
алмайды. Сол себептен мектептің кішкентай балаларға арналған аспаптарының
болғаны дұрыс.
Ал
оқу ақысына келетін болсақ. Әр оқушы айына 12000 мың теңге төлейді. Ол 12000
мың теңге жеке сабақ оқытушысына, үш топтық сабақ оқытушыларына,
концертмейстеріне және салық аударымдарға жетер жетпес болады, мектепке
музыкалық аспаптарды алуды ойламақ түгіл.
Хореография
өнері мамандығында сабақтар топтық түрде өтеді. Бұл мамандықта төрт оқытушы,
бір концертмейстер жұмыс атқарады. Әр оқушы 6000 теңге оқу ақысын төлейді. Сол
себептен олардың қаражаты оқытушыларына да концертмейстеріне де жетеді. Бірақ
бұл мамандық сахнаны аса қажет етеді. Біздің оқушылармыз қалалық, облыстық,
республикалық байқауларға, іс-шарарларға белсенді қатысатын болғандықтан,
оларға арнайы костюмдер, аяқ киімдер, бас киімдер қажет.
Би
залында да кішкентай балалрға арналған «станок» орнатып, жөндеу жұмыстары
жүргізілді. Костюмге де, жөндеуге де қаражатты бөлім оқытушылары мектеп есеп
шотынан алады.
БММ меңгерушісі
Р.С. Ержанова
04.04.2019 жыл
Оставьте свой комментарий
Авторизуйтесь, чтобы задавать вопросы.