Презентация еңбек қорғау пәні бойынша тақырыбы"Зақымданушыға дәрігерге дейінгі алғашқы көмек көрсету"

• 1 слайд

  «CҰРАҚ-ЖАУАП»
  1.Статикалық электр қуаты неден пайда болады?
  2.Статикалық электр қуатынан қорғанудың негізгі жолы?
  3.Найзағайдан қорғану тәсілдері
  4.Неліктен жайтартқыш немесе найзағайдан қорғағыш орнатылады?
  5.Найзағай кезінде адамдарды қалай қорғайды?
  

• 2 слайд

  Сабақтың тақырыбы:
  
  Зақымданушыға
  дәрігерге дейінгі
  алғашқы көмек көрсету
  

• 3 слайд

  Электр тогына түскен адамға дәрігерге дейінгі алғашқы көмек
  Тоқ көзін өшіру
  Зақымданушыны тоқ көзінен ажырату
  Жасанды дем беру (қажет жағдайда)
  Күйген жерлер болса, арнайы шара қолдану
  

• 4 слайд

  Токқа түскен адамды, ең алдымен, ажыратуға тырысу қажет. Оған мүмкіндік болмаса құрғақ шүберекпен қолды қалың байлап адамды ажыртады. Тіпті токқа түскен адамның киімі құрғақ болса, оның денесіне тимей тұрған жерлерінен, мысалы, жағасынан, етегінен тартып ажыратады.
  Егер адам электр сымын қолмен қысып қалған болса, оны сымнан ажыратудың орнына жерден ажыратқан дұрыс. Ол үшін астына құрғақ тақтай тығып немесе құрғақ арқанмен аяғынан тартып босатады. Сол кезде адам сымды өздігінен жібереді.
  Кейде токты сымды балтамен шабу арқылы ажыратуға болады. Ол кезде балтаның сабы құрғақ болуы керек және сымды біртіндеп шабу керек. Сымды үзуге қысқыштар мен тістеуіктерді де пайдаланады. Егер олардың тұтқалары оқшауланбаған болса, онда оған жібек шүберек немесе полиэтилен қалталарын орауға болады.
  

• 5 слайд

  Егер токқа түскен адам есінен танып жатса, бірақ тынысы, тамырларының соғуы тоқтамаса, оның ілгектері мен белдігін ағытып, мүсәтір спиртін иіскету қажет. Мүсәтір болмаған жағдайда аршылған жуаға сірке суын тамызып иіскетуге болады. Бетіне су бүркуге болады, бірақ басына салқын зат басуға болмайды.
  Егер токқа түскен адам тыныс алмай есінен танып жатса, оған жасанды дем беру қажет және бұл жұмыс тез атқаруылуы тиіс. Егер койлектің түймесін ағытып демалысты бастауға дейін 5 минуттан артық уақыт кетсе, ол адам өліп кетуі ықтимал. Оның аузын ашып, үрлеу қажет.
  Адамның аузына үрлеу әрбір 5 секунд сайын, яғни минутына 12 рет жасалдады. Ауаның шығуы өздігінше болып жатады және оның кеудесінен басып көмектесу қажет.
  

• 6 слайд

  Адам жараланғанда дәрігерге дейінгі көмек көрсетуші қолын сабынмен жуып немесе саусақтарын йод тұнбасымен майлап кірісуі қажет. Дәрігердің нұсқауынсыз жараны тіпті жуған қолмен ұстауға, сумен немесе дәрімен жууға, ұнтақ себуге болмайды. Өйткені, жараны зәрлеуі мүмкін. Жараны тек қана дәрігер тазартады.
  Жараның аузындағы қатқан қанды сүртпеген дұрыс. Өйткені қан қатты ағып кетуі мүмкін. Қанның ағуын тоқтату үшін ол жерді жоғары көтеріп, жараны дәкемен жауып тұрып саусақпен 4-5 минут басып тұру керек. Егер қанның ағуы тоқтаса, үстіне мақта және тағы бір дәкемен қабаттап салып, таңып тастау керек. Егер қан ағуы тоқтамаса, онда дәрігер шақыру қажет. Дәрігер келгенше қан ағып тұрған жерді қысу арқылы, ал, егер сынған жерден қан ағып тұрса, тамырды жоғарырақтан қысып тұру керек.
  Жараны байлау үшін дәке алып, жараның бетіне таза шүберек салып, ол жерге йод тұнбасын құйып байлау керек. Қысқасы, жараға микробтардың түспеуін қадағалау қажет.
  

• 7 слайд

  Сүйек сынғанда және шыққанда негізгі міндет-оны өзіне ыңғайлы жағдайда қозғалмайтын етіп бекіту. Шыққан қолды дәрігерлер салуы тиіс.
  Қол шыққанда немесе сынғанда ағаштан құрсау байлайды. Ауырған жерге салқын су басады.
  Бас жарақаттанғанда құлақ пен ауыздан қан ақса, бастың сүйегі сынды деп тұжырымдауға болады. Ол кезде басқа салқын суға батырып шүберек басу керек. Егер жауырын сынған болса, онда астына абайлап тақтай қою керек, денесі майыспауын қадағалау қажет. Өйткені, ол миға әсер етуі мүмкін.
  Жамбас сүйегі сынғанда арқасына жатқызып, аяғының тізесінен сәл бүгілетіндей етіп астына брезентпен орам жасап салу керек.
  

• 8 слайд

  Күйікті ауырлығына қарай
  І.Дененің қызаруы мен ісінуі;
  ІІ.Денеде көпіршіктердің суланып пайда болуы;
  ІІІ.Дененің кейбір ұлпаларының өлуі;
  ІV.Дененің күлденуі (қатты күйгенде).
  

• 9 слайд

  Түтінге, иісті газға уланған адамның басы ауырып, құлағы шыңылдайды, құсқысы келеді, тіпті есінен айырылуы мүмкін. Егер ауыр болса өліп кетуі де мүмкін.
  Қандай жағдайда болсын, уланған адамды таза ауаға шығарып, ілгектерін босату қажет. Бірақ денесі қатты тоңазымау керек. Егер ауыр жағдайда болса жасанды дем алдыру немесе оттегі баллондарынан ауа жұтқызу керек.
  

• 10 слайд

  «Топтық жұмыс»
  1 топ. «Электр тогына түскен адамға дәрігерге дейінгі алғашқы көмек көрсету»
  2 топ. «Жараланған адамға дәрігерге дейінгі алғашқы көмек көрсету»
  3 топ. «Сынған адамға дәрігерге дейінгі алғашқы көмек көрсету»
  4 топ. «Күйген адамға дәрігерге дейінгі алғашқы көмек көрсету»
  5 топ. «Газдармен уланған адамға дәрігерге дейінгі алғашқы көмек көрсету»
  

• 11 слайд

  Үй тапсырмасы