Презентация "История села Петрунь" (Республика Коми)

• 1 слайд

  Петрунь сикт.
  
  

• 2 слайд

  Проект вылын уджалiсны
  Петрунь сикт шöр школаын 7-öд классын велöдчысьяс:
  1. материал чукöртöм -Проворная Кристина,
  Хозяинова Елена
  2. фотоснимокъяс вöчöм -Батманов Василий
  Велöдысь: Терентьева Елена Александровна.
  

• 3 слайд

  Веж гыяса Усва берегö öтчыд сибöдчисны пыжа йöз. Нель молодеч – статяöсь да паськыд пельпoмаöсь, пелькöсь да винелöсь – кайисны джуджыд кыркöтш вылö, кысянь кытчö кöть эн видзöдлы, заводитчö тшем сук вöр. Пырисны пармаö да лöнюв местаын корсисны узянiн. Чеччисны мöд асыв да аслыныс оз эскыны – шылькнитчöма на водзын туруна мича видз, енэжыс лöзалö – öзйö, а джуджыд берег сайын дзольöдчö – ворсö Усва. Райö быттьö веськалiсны.
  

• 4 слайд

  - Со аддзанныд ыджыд козсö. Пöрöдам сiйöс, да усьö кö асыввылö, татчö и овмöдчам, мöдарланьö кö – водзö мунам.
  И мöдiсны нельнан боксянь козтö керавны, мед катовыс некодарö эз ло. Замгысис пуыд, асыввывлань ен туганнас нюжöдчис.
  - Сiдзкö ачыс Енмыс шуöма миянлы татчö кольчыны!
  Пернапасасисны да босьтчисны керка тшупны.
  
  

• 5 слайд

  Тадзи Усва бöжса зарниöн лöсталысь чулькъяс дорын тыдовтчис медводдза йöзлöн оланiн: Петырлöн, Симонлöн, Василейлöн да Иванлöн, нель воклöн. Ветлысь- мунысь кöр видзысьяс да чери кыйысьяс нимтiсны выль олан месасö Бöлбанбöжöн.
  

• 6 слайд

  Ю дорсянь видзöдiгöн ылысянь синмад шыбитчö важ вичко дор. Гажа нöрыс йылö сiйöс лэптылöмаöсь, мирыслы чужöмбанöн. Сэнi бетонысь вöчöм мыджöд вылын ыджыд из, кытчö гижöма нимъяссö налысь, кодъяс пуктiсны юрныссö Сöвет власть сиктын котыртiгöн.
  

• 7 слайд

  Ещö öти памятник эм сиктын. Тайö йöз киöн нин – куд кодь мича керка, кытчö меститчис музей. Танi сернитöны талунъя йöзкöд Петруньса олöма войтыр, челядь дорö «вoлöны» асланыс кöм-паськöмöн Хозяинов вокъяс, коз пу пöрöдысьяс, некор сэсся оз вош йöзлöн паметьысь Усва кузя мукöд муясысь волöм йöзлöн нимъясыс, сiйö ярмангаясыс, кодъяс шызьöдлiсны тайö пельöссö да йöлöгаыс кывлiс весиг ыджыд каръясын.
  
  

• 8 слайд

  Эм мый петкöдлыны музейын.
  Уна вояс сайсянь миян вылö «видзöдöны» Усва вожса национальнöй паськомö вöччöм аньяс, вöралысьяс, чери кыйысьяс, кöр видзысьяс.
  Музейын петкодлöм кöм-паськöм,
  ас киöн вöчöм дозмукъяс – ставыс музейын кыпöдö нимкодь.
  
  

• 9 слайд

  „Важъя йöзлöн висьталöм серти, танi вöвлöмаöсь тундраöд ветлысь кöр видзысьяслöн Ен праздникъяс. Кывсяна местаыс вöлöма – зэв озыр быд сикас прöмыснас да кöръяслы эм конi ветлыны.
  Бöрынджык нин пöчиноксö нимтасны Петруньöн, татчö овмодчысь вокъяслöн бать ним серти.»
  В.А. Шашок.
  
  

• 10 слайд

  
  Кыдзи ай-мамтö
  Он вермы бöрйыны,
  Он же нинöмöн веж –
  Чужан му.
  Мунан кытчö кöть –
  Сьöлöмтö пöръявны
  Он тэ вермы,
  Коть мыйсö эн шу.
  
  
  Менам сиктöй кывбуръясын
  

• 11 слайд

  
  Тöлын турöб кöть
  Шутлялö ема моз,
  Кöть и войшöрын
  Шондiа юнь.
  Меным нэм кежлö
  Век лоö донаöн,
  Уса ю дорын
  Муса Петрунь.
  

• 12 слайд

  Мукöд сиктъяс моз, Мада, эн пöрысьмы,
  Лунысь – лун.
  Тэ и мича, и том.
  
  Тайö сiйöн, мый
  Быд морт зiль вöраса,
  Быд морт тöдö тан
  Ассьыс бур дон.
  
  
  

• 13 слайд

  Коми муыслöн
  Уна се пиянысь,
  Öти пиöн тэ
  лоан, Петрунь.
  Медбур сьылансö
  Тэд, эг на сиöй ми,
  Уна нэм ов
  Да синтö эн кунь.
  
  

• 14 слайд

  «Менам чужан сикт.»
  Проворная Кристина, Петрунь сикт шöр
  школаын велöдчысь.
  Чужан сиктöй! Видза олан!
  Менам сьöлöмлы век колан.
  Тöв коть гожöм, тулыс, ар,
  Олан гыыд тэнад яр!
  
  Сöстöм паськыд уличьясыд,
  Абу джуджыд керкаясыд,
  Сиктын олысьяслöн сям,
  Ставыс муса меным тан.
  

• 15 слайд

  
  
  Гажа нöрыс - Бöлбанвыв,
  Гуляйтiгад кöть тэ сьыв!
  Сэтшöм нимкодь сьöлöм вылын,
  Тшак и вотöс мылькъяс вылын.
  Козлöн корйыс- эзысь войт,
  Ичöт лэбачьяслöн койт.
  Ставыс синмö шыбитчана,
  Быдöн гажтö кыпöдана.