Презентация к познавательной беседы на родном ненецком языке на тему "Иисус сояма яля. Рождение Иисуса Христа"

• 1 слайд

  Иисус' сояма яля
  

• 2 слайд

  Иисус' сояма яля хэбидя яляӈэ тулы.
  
  

• 3 слайд

  ИОСИФ няби МАРИЯ
  Мариям' ненда мэӈгуда, нюдяко мякананди' ӈобкана иленгуху'. Хованда нюмда,
  Нум ӈацекым' харта нюдрев' вадаӈгуда.
  

• 4 слайд

  Мария' Нюм' ӈатеванда ельцьӈгана , пыди' ӈод' иринати" илемя Вифлеем хардан' пяди'. Вифлеем хардахана сеӈга мэта харад" панмы.
  Мария' Нюм хованда' ельцьӈэ хая. Нум Ӈацекы соя, хоба мю мэда. Нув юне ядэлана вади сер ӈа.
  

• 5 слайд

  Лакри' ябереня яля нув' нярам' ялэмдада! Малкода" юркыд", пыдо" тарем' сырпато', нув' няра няв-няв ханяцей' яберелъй". Хэвхэдо' ялэйдарев' хая, нув' юне ядэлана" ӈадимя". Малкода ӈэвдо панэхэ"нато' синдэйдо'. Нани ханяныдо' пэ' тяха' лыӈгаравэкыд".
  Нув юне' ядэлана" малкодаха" пыдо' тарем ма": «Сейда" нёя пин". Е"эмнянда" сава юнми таня. Вифлеем' хардахана Нум Нацекы, Иисус соявы. Хаяда Нацекым манэӈара".
  

• 6 слайд

  Иисус сояма хэбидя пи
  Малкода" тарем' тасладо": «Вифлеем' хардан хэхэва". Ӈацекым' хохова". Нум' табеко' сер' Сита манэкава"».
  Тикавахад малкода" Вифлеем' хардан' сюрбыд". Ӈаябэй ӈацекы небянда ня хоӈахаюдо". Ӈацекым' манэӈадо". Сомбой нацекы танга хоны.
  

• 7 слайд

  Хусувэй пи' ваӈута" вэсэй" нув' нумгыхы" сырмы". Ӈобӈгуна няхатата яӈга ябереня нумгым манэ"ӈа". Ти, ханявахана едэй пароӈода' соя. Пыда хусувэй ненэця' параӈодаӈэ ханда.
  

• 8 слайд

  Тикы нумгы – едэй нумгы, хаерад' падир' няӈы нув' ядхана ялэма. Тикавахад ненэця" хаерад падир няӈы нумгым' мание", няюнда манзада. Ӈаврадо", паныдо" сода, ӈарка пароӈода е"эмня ӈуда тер' сода.
  

• 9 слайд

  Ӈаябэй Ӈацекым' манэ"мандо' сер', ваӈуто вэсэй" Нянда ӈэвдо' ха"авра". Тад пуна ӈуда' терӈэ Нянда яберена солота, ё"йда юре, ёйда торабт"ӈэ мэта хадэсо та". Ваӈуто вэсэй" ненадо нумгым' манэ"мамдо, едэй Пароӈодам' хованзь Мариян' ваде"ӈа".
  

• 10 слайд

• 11 слайд

  2
  Хибя' сояма яля хэбеде яля' ӈэ тулы?
  МАНЯ" ЯХАНА ӇАМГЭ ЯЛЯХАНА, ИИСУС‘ ХРИСТОС' СОЯМА ХЭБИДЯ ЯЛЯ ӇА'?
  НЮДЯ ПЭВДЕЙ 7 ЯЛЯХАНА
  ВИКТОРИНА
  Иисус' Христос
  сояма‘ яля
  1
  

• 12 слайд

  4
  5
  5
  ИИСУС НЕБЯНДА, НИСЯНДА НЮМ' ӇАМГЭ ӇЭСА?
  ВИФЛЕЕМ ХАРДАХАНА
  ВИКТОРИНА
  МАРИЯ' НЯБИ ИОСИФ'
  ӇАМГЭ ХАРДАХАНА НУМ' ӇАЦЕКЫ'' СОЯСА?
  

• 13 слайд

  6
  МАЛКОДА"
  НУМ' НАЦЕКЫМ МАНЭМАСЬ ХИБЯ" ТОСА"?
  ВИКТОРИНА
  

• 14 слайд

  7
  8
  9
  ПЫДО", НУМ' ӇАЦЕКЫ СОЯМАХАД, ХАНЯД' НАМДВЫ"?
  ПЫДО" ӇАМГЭМ' НЁДА ТЭВСЯД"?
  ӇАНИ' ХИБЯ" ТОСА" НУМ' ӇАЦЕКЫМ МАНЭМАСЬ?
  НУВ‘ ЮНЕ ЯДЭЛАНА"
  ВАӇУТА ВЭСЭЙ"
  НУМГЫ
  ВИКТОРИНА
  

• 15 слайд

  10
  ВАӇУТА ВЭСЭЙ" ӇАМГЭМ ТЭВРАСА" ӇУДА' ТЕРӇЭ?
  Солота, торабт"ӈэ мэта хадэсо тэвра"
  ВИКТОРИНА
  

• 16 слайд

• 17 слайд

  С РОЖДЕСТВОМ
  ХРИСТОВЫМ
  

Слайд 1

Рождественская беседа на родном языке в группе «Ямал тату»

Тема: «Рождество Христова»!  Иисус' сояма яля!»

Ведущий 1:

 Невхы' похана"  Мария Назаретм'  нюбета нюдяко хардахана небянда мякана илевы. Ӈани"  некацекы"  тотрев'  нермянда идм'  тэвыби, ӈаварм' пиремба, сэдора  тоходавы.

Не ӈацекы вады, хаюпава ӈарӈэ хая!  Ӈамгэ пиркана Иосиф ненанда мэӈгуда.

Ведущий 2: Иосиф мирць' лохода танявы. Пыда ямна' манзаяда  юӈгу, мяд' мюня мэта хуркари паской ӈавори сертабавы. Мария' мя" ӈули" паской ӈэӈгу!

Ведущий 1: Ӈобнгуна хубтакохона мята мюня манзарава  мальгана  лохонда мю' ехаранам ненэць' ӈадимя. Имбытада  сэрӈэ ябере, ялэмдёда то"лаха. Мария сяхаӈгарт'  тарцям'  манэсо"  мада яӈгу,  сейда ӈули"  хая.

Тикы ехарана ненэць' Нув'  юнее ядэлана  ӈэвы. Сита Нум' Мариян' ӈэдаравы.

Ведущий 2: Пыда тарем ма: «Мария, сеяр нёя пин"!  Мань нянд сава юнм' тэврадм'. Нумгав' я' тирт' Ӈэдангодам'  Ӈэдараванзь хамэды. Ӈэдангода ненэцяӈг' Нум' мэневам' вадета.  Пыда'  тарем' харва: пыдар теда Нендо Ӈацекы'  Небяӈэ хэбат тара. Нюмд Иисусӈэ нюмдебат тара!».

Ведущий 1: Мария сейда няркома. Пыда тарем ма: «Мань нюми ханзер" таняӈгу, хаюпа  мами яӈгуню».

Нув' юне  ядэлана нянда ӈани  тарем ма: «Тикы ӈацекы – Нум' Ню. Пыда ненэцие хэбяха'  ӈэдангу»

Ведущий 2: Мария  Нум'  ӈацекы'  – Иисус' небяӈэ ханда.

Иосиф'

Ведущий 1: Назарет' хардакохона  миртя  хасава Иосиф' мирць' лохода таня.

Хусувэй яля' ненэцие"  е"эмня пяхад хуркари ӈавэ мимби. Ханяӈэхэ" на толь, ӈамдерцие мимбасеты. Тикы ӈаводэ мирдапвыда.

Ведущий 2: Иосиф'  манзаяда ӈока ӈэб" ӈод",  пыхыдамда ябдана ненэцяӈэ пэрӈада. Пыда' нем мэванда няю' ӈули" маймби. Мария' савамбой  не ӈэвахад, сава нядаӈгода ӈэвахад тенева. Тарси" саванё,  Мария пыда мякнанда илеӈгу!

 Ведущий 1:  Ӈобгуна Мария' Иосифан'  и' хэбиле" мя  юнм' ваде"ӈа!

Мария нув' юне ядэлана' нянда то' мам' ваде"ӈа.  Тикы' хавна ӈацекым' ховамда ваде" ӈава.  Иосиф  идя тэри хэбилей" вадасялма .

Ведущий 2: Пи' Иосиф мякананда ӈопой ӈэвы.  Ида тарем' ядэрӈа:  Мария теда' пухуцяданда нида пират".  Пыда" тэри та мэй.

Ведущий 1: Тикы пи'  Иосиф пунсяда юдэм' ма"нэ.  Юдэхэнанда Нув' юне ядэлана нянда лахана.  Нумгад ӈэда саць тарана юнм Иосифан' тэвра.

Нув' юне ядэлана  нянда тарем ма: «Мариям' неданд мэсь нея пин". Мариям' Нюнда  ня'  лэтрамба сеяр нёя няркан". Мария' хованда ӈацекы – Нум' Ню. Соябата Иисусӈэ нюмдеир»

Ведущий 2: Хаерта ӈодь"  ӈадимзь, Иосиф юркы.

Тедахав' Ииосиф тидхалёда серм' тэрабата тара. Мариям' ненда мэӈгуда, нюдяко мякананди' ӈобкана иленгуху'. Хованда нюмда, Нум ӈацекым' харта нюдрев' вадаӈгуда.   

Ведущий 1:  Тад тикавахад Иосиф юркы', мер' емб"ы, Мария' мят' паромба сюрмби. Иосиф юдэхэханда манэ"мы нув' юне ядэланам'  Мариян' ваде"ӈа. Сидди' Ӈацекэнда ня' лэтрамба ватора.

Ведущий 2: Тиканда Иосифха' Марияха' тасла"манди' сер' ӈопой мят' тюӈаха'. Иисусм'  ӈобкана вадабаӈгуди'.

Иосиф'  Мариям', Ӈацекэнда ня' лэтрамба харвавада Нум' ихиня пои.

Сава юн.

Ведущий 1: Хусувэй яля' Вифлеем' хэвхы хой' ниня малкода"  хуводо'  хадыламби". Ӈобнгуда малковандо' сер' Вифлеем' няю' ӈэда сехэрэвна юно ниня нявоталаӈгода Рим' хардахад ӈэда' саю' манэ"ӈа".

Ведущий 2: Малкода" тикы саю' хардакохонандо' ненэцие толаванзь мимахад тенева".  (Перепись населения) Яля'  ямбан' пыхыдадо'  падувзь хардан' ненэця тэри вэрна.

Ведущий 1: Мария' Нюм' ӈатеванда ельцьӈгана , Иосиф' сояма хардаханда хая. Пыди' ӈод' иринати" илемя Вифлеем хардан' пяди'.  Вифлеем хардахана сеӈга мэта хард" панмы".

Ведущий 2:  Мария' Нюм  хованда' ельцьӈэ хая.    Нум Ӈацекы соя, хоба мю мэда. Нув юне ядэлана  вади  сер ӈа.

Ведущий 1: Та пиркана'  малкода" ныланавы". Ху"  хой' ядхана ва"ны. Ханяӈы"  малкода" синдарэяд".

Лакри' ябереня яля нув'  нярам' ялэмдада! Малкода"  юркыд", пыдо"  тарем' сырпато', нув'  няра няв-няв ханяцей' яберелъй". Хэвхэдо'  ялэйдарев'  хая, нув' юне ядэлана"  ӈадимя". Тикы намгэ нэдакы? Малкода ӈэвдо панэхэ"нато' синдэйдо'. Нани ханяныдо'  пэ' тяха'  лыӈгаравэкыд".

Ведущий 2: Нув юне' ядэлана" малкодаха" пыдо' тарем ма": «Сейда"  нёя пин". Е"эмнянда"  сава юнми таня. Вифлеем' хардахана Нум Нацекы,  Иисус соявы.  Хаяда Нацекым манэӈара".

 Тад пуна нув'  юне ядэлана" нер ханзер ӈадимза", тарем лакри' юху".   Малкода" тарем' тасладо": «Вифлеем'  хардан  хэхэва".  Ӈацекым' хохова". Нум' табеко' сер'  Сита манэкава"».

Тикавахад малкода" Вифлеем' хардан' сюрбыд". Ӈаябэй ӈацекы небянда  ня хоӈахаюдо". Ӈацекым' манэӈадо". Сомбой нацекы танга хоны.

Едэй нумгы.

Ведущий 1: Вифлеем хардахана Иисус соявы.  Тикы хардакохона Ӈаябэй Ӈацекы' соявахад сянри ненэць' тенева. Тарем' ӈод", ӈа"и яля' тарп' няӈы иленя" ваӈута вэсэй"  тикы сава юнм' намдвы".

Хусувэй пи' ваӈута" вэсэй" нув' нумгыхы" сырмы".   Ӈобӈгуна няхатата яӈга ябереня нумгым манэ"ӈа".  Ти, ханявахана едэй пароӈода' соя. Пыда хусувэй ненэця' параӈодаӈэ ханда.

Ведущий 2: Тикы нумгы – едэй нумгы, хаерад'  падир' няӈы нув' ядхана ялэма.   Тикавахад ненэця"   Хаерад падир няӈы нумгым' мание", няюнда манзада. Ӈаврадо",  паныдо" сода, ӈарка пароӈода е"эмня ӈуда тер' сода.  

Ведущий 1: Ваӈута вэсэй" едэй пароӈодам' хованзь пон' ёндормы". Яля' хонесеты", пи нумгэмдо' нёда минзеты". Нумгы сиддо' пароӈодан' минре, нув' няравна миндя'  то" лаха.

Ведущий 2: Сянд пон ядпато' ӈод,  Нумгэдо' Вифлеем' харад' няю' сиддо' минре нерандо' няна ӈани' миӈа".  Нё"лёко мят сиддо' тэвра',  Иисусм'  Мария небянда ня' хоӈахаюдо'. 

Ведущий 1: Ӈаябэй Ӈацекым' манэ"мандо'  сер', ваӈуто вэсэй"  Нянда ӈэвдо'  ха"авра".  Тад пуна ӈуда' терӈэ Нянда яберена солота, ё"йда  юре, ёйда торабт"ӈэ мэта хадэсо та". Ваӈуто вэсэй" ненадо нумгым' манэ"мамдо, едэй Пароӈодам' хованзь Мариян' ваде"ӈа".

Ведущий 2: Ваӈута вэсэй" Иисусм' манэ"ман' харвава  Ӈарка' Нум'  ихиня пои. Ваӈута вэсэй"  нув'  няран'  ӈадимы нумгы' пумна мимадо'  Нум ихиня ӈани' пои. Иисус паронодадандо' тараӈгу.

Слайд 8

Ведущий 1: Тев ельцьгана хэбидя яля  пи нерня сямян ядер луца тюку  Иисус Христос сояма няю  сё мэцеты. Сава ембдяр сероби.  Иисус сояма яля пыдо нянандо нарка хэбидя яля.

 Ведущий 2: Теда викторина мэтава".

Тикы' хэбядя яля няю,  нянда"  сава'  вади"   хэт"ван харвава", нёда'  хангур', сававна' тохолкуда", нида" сяйда".