Презентация " Къостайы фæдоны сидт".

Къостайы фæдоны сидт.

                                                                                                      Мадæлтæй  райгуырди не'взаг ,

                                                                                           Рацыд фыдæлтæй нæ кад.

  Се'гъдау  нæ кæстæртæн баззад,

                                                                                                 Хистæртæн – фарны лæггад!

            Мадæлон æвзаг у уæле исгæ, бынæй ахадгæ къæбиц. Æмæ уым æвæрд  сты нæ дзыллæйы историон æмæ культурон бынтæ. Арвы айдæнау дзы зынынц нæ фыдæлты цин æмæ маст, нæ адæмы национ  удыхъæд. Æмæ æз мæхи амондджын хонын, уыцы  къæбицæй мæм дæгъæл кæй ис - кæй зонын дзурын Къостайы æвзагыл æмæ кæй æмбарын нæ фыдæлты куырыхон  зондæй цы сфæлдыстадон хæзнатæ райгуырд, уыдоны арф мидис.

            Æвзаг, дам, хиды хуызæн  у фæлтæрты 'хсæн. Æмæ нын æнусты дæргъы цы хид фæцарæзтой нæ кадджын хистæртæ, ууыл абон дæр фидарæй æмæ ныфсджынæй цæуæм. Нæ йæ бауадздзыстæм фæтасын! Йæ фидар  цæджындзтæ йын ноджы фæхъæддыхдæр кæндзыстæм! Æмæ зæрдиагдæрæй базардзыстæм нæ кады зарджытæ, уæнгрогдæрæй  æркафдзыстæм нæ цымыдисаг  кæфтытæ æмæ  нæ алæмæты 'взагыл æрдхæрæны ныхæстæ ракæндзыстæм!

                                                                          У иу æвзаг дæр а дунейыл фаг,

                                                                                        Фæлæ нæ ивынц мады риу æндæрыл.

                                                                                     Мæлæн дын нæй, нæ фыдæлты æвзаг.

   Кæд ма æрбайсæфт хоры нæмыг мæры.