Рабочие листы
к вашим урокам
Скачать
1 слайд
нагъыш
«Аиле дегерликлери»
нагъыш
2 слайд
Мен, Аблякимова Фадме,
Советский район Ильичево
умумтасиль мектебининъ
10 сыныфында окъуйым.
«Аиле дегерликлери» ярышында
биринджи кере иштирак этем.
Мен къартанамнынъ нагъышлы
диварбези акъкъында икяе этмек истейим.
3 слайд
Бизим къорантамыз балабан ве муаббет. Мен озюмни бахтлы инсан саям, чюнки меним къартбаба ве къартаналарым бар. Бабамнынъ анасы-бабасы – Махфуре къартанам ве Мустафа дедем бизнен берабер яшай. Оларнынъ одасы чешит эвджыяларнен безетильген. Олар эписи къартанамнынъ эллеринен ишленген. Къартанамнынъ эвджыярлары бизим къорантамызнынъ дегерлиги,тарихымызнынъ бир парчасыдыр.
4 слайд
Махфуре къартанам 1937 сенеси Судакъ районнынъ Къутлакъ коюнде, Ибраим агъа ве Ваде-шерфенинъ къорантасында догъды.Къартанамлар бир огълан ве дёрт къыз эдилер. Дешетли 1944 сенеси бутюн халкъымызнен берабер сюргюнликке огърадылар. Олар Озьбекистаннынъ Андижан виляетине тюшти. Башларындан хорлукълар,ёкъсузлыкъ,ачлыкъ кечти.
Лякин олар яшадылар,Ватангъа къайтмакъ умютинен яшадылар Ниает, 1972 сенеси Къырымгъа кочип кельдилер.Ондан берли , Ички районнынъ Учь Къую коюнде яшайлар.
5 слайд
Къартанам яшлыгъында нагъышламагъа севе эди.Нагъышларнынъ кенарларыны да гырджвалар орип яраштыра тургъан.Биринджи юзьбезлерини о,15 яшында экенде ишледи. 22 яшынадже 15 эвджыяр, пешкирлер ,100 зияде явлучыкълар нагъышлады . Чюнки эвель къырымтатарларда ойле адет олгъан. Келин азырлагъан нишан богъчасында озь къолунен нагъышлагъан юзьбезлер, учкъур, кисе, киев явлукълары олмакъ керек.
Той куню къартанамнынъ одасы шу эвджыярларнен безетильди.Явлучыкълар исе, тойнынъ сабасына кельген мусафир къадынларгъа дагъытылды.
6 слайд
Къартанамнынъ нагъышлы пешкири
7 слайд
Къартанамнынъ диварбезлери
8 слайд
Гырджвалар
9 слайд
Энди дикъкъатынъызны эвджыярларгъа джельп этмек истейим.Орьнекли безлернинъ бир чешити сайылгъан эвджыярлар- къырымтатар орьнекли токъумаджылыгъы ве ишлемелернинъ парлакъ нумюнеси. Эвджыярлар савут-саба рафларыны, мусафир одасынынъ, я да ятакъ одасынынъ диварларыны яраштыра эди. Къырымтатарларда безетме ролюни ойнагъан ве куньделик яшайышта къулланылгъан безлернинъ чешитлери пек чокътыр:
юзьбезлер, тизбезлер. диварбезлер.
10 слайд
Къырымтатар одасынынъ безетилюви
11 слайд
Учкъур XIX асыр
Нагъышлар, башталары эвде токъулгъан басма узеринде сонъра исе къадифе,атлас узеринде йипек, юнь йиплернен, кимерде алтын, я да кумюш теллернен, эм де фабрикада япылгъан алтын шнурларнен япыла тургъан.
12 слайд
Къырымтатар орьнекли нагъышларнынъ 10 чешити олгъан: «татар ишлемеси», «эсап ишлемеси», «телли ишлеме», «мыкълама», «букме», «къаснакъ», «аппликация», «пуллу ишлеме», «инджилернен», «къыйметли ташларнен ишлеме».Ишлемелернинъ бутюн бу чешитлери XX асырнынъ башларына къадар сакъланып къалгъан эдилер. Басмагъа орьнек чекюв технологиясы асырлар девамында денъишмеди. Эр бир койде, эр бир шеэрде орьнек ресими япкъан къадынлар чалышкъан ве олар кенди ресимлеринен этрафтаки бутюн койлерни теминлей эдилер.
Учкъур
XIX асыр
13 слайд
Ресим басмагъа кечирильмеден эвель, къатты картон кягъыттан ресим къалыбы япыла, сонъра исе бу къалып басманынъ орьнек чекиледжек ерине къоюла ве этрафы къарандашнен сызыла, сонъ орьнек нагъышлана эди.
Эвджыяр
XIX асыр
14 слайд
Къырымтатар нагъышларында учь тюрлю орьнек расткеле: геометрик орьнеклер,айван ресимлери, осюмлюк орьнеклери (ляле, къаранфиль, замбакъ,нюлюферге, яни Къырымда энъ чокъ расткелинген чечеклерге бенъзетмелер),мейва ве себзе (кирез,къабакъ,бадем,согъан).
15 слайд
Ханлыкъ девиринде ишлеме ичюн йиплер Эски Къырым ве Багъчасарай районларында ишленип чыкъарыла экен. Осюмликлерден усталар йиплерни боямакъ ичюн боялар азырлай эдилер. Къаверенки ренк ичюн джевиз къабугъындан, сары ренк ичюн согъан къабугъындан файдалангъанлар. Акация ве къадын тузлыгъы (барбарис) тамырлары исе ачыкъ-сарыдандан портакъал тюсюнедже чешит ренклер бере экен. Орьнеклернинъ ренки ишлеме не вакъыт япылгъаныны тасдыкълай. Мавы, сары, беяз ренклер бирикмеси- XVIII асыргъа; мавы, сары, къырмызы – XVIII-XIX асырларгъа; къырмызы, сары, къара -XIX асырнынъ сонъуна аиттир.
16 слайд
Эр бир уста озь нагъышларында яшагъан ерининъ
табиат чизгилерини косьтермеге арекет эткен.
Ялы боюндаки нагъышларда денъиз,осюмликлер;
шималь беттеки нагъышларда исе -чель,отларнынъ
ресимлерини корьмек мумкюн.
17 слайд
Къартанамнынъ диварбези «татар ишлемеси» иле, саде йиплернен ишленген ве зенгин, аэнкли осюмлик орьнеги иле безетильген. Эки кенарында
геометрик орьнекли гырджвалар. Олар пакълава,яни ромб шеклинде.Ромб ер,берекетнинъ темсили олып, тертип ве акъикъатны ифаде эте.
Орьнекнинъ аньаневий къырмызы, мавы, ешиль тюслери сейирджиде миллий ислер уята.Мен беллесем, бу диварбезнинъ орьнеклери кучь-къувет, генчлик дюльберлик ве тынчлыкъ темсилидир.
.
18 слайд
Буларнынъ эписини къартанам тариф эткенде козьлери яшланды. Диварбезлернинъ бирисини о,мектепке,къырымтатар тили ве эдебият одасына,дигерини исе шахсен манъа багъышлады. Мен де пек эйеджанландым. Къартаначыгъымнынъ нагъышлы безлерини мен омюрлик сакълайджам, чюнки олар бизим аилемизнинъ дегерлигидир. Оларда къорантамнынъ кечмиши,сыры сакълы.
Буны бизлер - яш несиль анъламакъ керекмиз.
Рабочие листы
к вашим урокам
Скачать
6 660 047 материалов в базе
Настоящий материал опубликован пользователем Бальчаева Эльзара Сейтмеметовна. Инфоурок является информационным посредником и предоставляет пользователям возможность размещать на сайте методические материалы. Всю ответственность за опубликованные материалы, содержащиеся в них сведения, а также за соблюдение авторских прав несут пользователи, загрузившие материал на сайт
Если Вы считаете, что материал нарушает авторские права либо по каким-то другим причинам должен быть удален с сайта, Вы можете оставить жалобу на материал.
Удалить материалВаша скидка на курсы
40%
Оставьте свой комментарий
Авторизуйтесь, чтобы задавать вопросы.