Презентация по биологии на тему "Адыраспанның емдік қасиеттері" 6-сынып

                                                                   Ақтөбе облысы

                                                                         Мұғалжар ауданы

Жем қалалық №5 орта мектебінің

                                                                                       Биология пәнінің мұғалімі

                                                                                             Ибайдаева Бағила Алдановна

Күні:   08.04.2017ж

Сыныбы:   6а

Вариативтік курс атауы.:   Менің денсаулығым - менің қолымда.

Сабақтың  тақырыбы:     Адыраспанның емдік қасиеті.

Сабақтың мақсаты: Білімділік: Оқушыларды адыраспанның емдік қасиетімен  таныстырып,олардың қолданылуын ,қандай ауруларға пайдалы екендігін таныстыру;

Дамытушылық: Оқушыларды оқулықтармен және компьютер құралдарымен жұмыс жасауды қалыптастырып,топпен жұмыс жасауды жалғастырып,жаңа терминдер арқылы ой өрістерін дамыту;

Тәрбиелік: Оқушыларға өз денсаулықтарына ұқыптылықпен қарауға,салауатты өмір салтын ұстануға тәрбиелеу.

Сабақ түрі: Аралас

Сабақ әдісі: Сұрақ-жауап

Оқыту технологиясы: АКТ - технология,

Құрал жабдықтар:   Интерактивті  тақта,оқулық, дәптер.

Сабақтың барысы.

І.Ұйымдастыру кезеңі:

 Амандасу, оқушының сабаққа дайындықтарын анықтап, сабаққа деген қызығушылығын арттыру.

II. Үй жұмысын қайталау (3 мин)

1.Қарақұмықтың емдік қасиетін түсіндіріңдер.

2.Қарақұмықтан қандай тағамдар жасауға болады?

3.Қарақұмықты қандай ауруларды емдеуге қолданады?

Оқушылар сұраққа жауап береді .

Ойқозғау.

Жаңа үйге көшіп келгенде, бөлмені тазалауға немесе сұқ көз тимеу үшін бір өсімдікті түтіндетеді бұл қай өсімдік?

IІІ. Жаңа тақырыпты меңгеру

Адыраспан қазақ үшін қасиетті шөп  болғандықтан жаңа үйге кірерде босағаға жын-шайтан мүлдем жоламасын деп, адыраспанмен аластаған. Сонымен қатар, бұл өсімдікті иесіз үйді иесі жоқ кезде жайлап алған беймәлім жын-шайтандардан тазарту үшін адыраспанның бір бұтағын отқа салып тұтатып, аластайтын болған.

Сондай-ақ, ауыл әйелдері бірігіп текемет басқанда, әзірленіп жатқан текемет, киіздің қасына көз тимесін деп адыраспан және қызыл түсті мата төсейді. Өйткені, ондайда текеметке немесе киізге көз тисе, салынған өрнектер қиғаш немесе қисық түседі-мыс.

   «Адыраспан» атты қасиетті өсімдіктің бар екенін, оған тиюге болмайтынын еңбектеген баладан,еңкейген кәріге дейін бүкіл санасымен түйсінген.     

   Адыраспанның қасиетіне өзбек,тәжік,түркмен,үнді халықтары да сеніп,оны өз ұрпағына қалдырған.Оны қасиетті санап,бесіктің басына адыраспан тұқымы салынған тұмарды қадап қойған.

   Адыраспанның  тұқымын жас жұбайлардың көрпе-төсегіне мақтамен бірге салып,олардың ұзақ,тату өмір сүруіне тілектес болып,тіл-көзден сақтайтынына көп адамдар бүгінге дейін сенеді.

  Тәжікстан мен Өзбекстанда үйді аластауға арналған адыраспанды белгілі бір формада қысып(пресстеп),арнайы дайындап,дәріханаларда сатады.

  Қазіргі  ғалымдар адыраспанның отаны-Үндістан  деп жорамалдайды.

  Қазақ  халқы адыраспан түтінімен жаңа туған әйелді,жас төлдерді аластаған Адыраспанның ем болатын аурулары:
Ревматизм ауруы  ,ұмытшақ ауруы, тіс ауруы,бастың созылмалы ауруы,тарамыс ауруы
буынның қабынуы, бел, сал ауруы  ,асқазан ауруы

  Қорыта  айтқанда,қазақ халқы ілім-білім  дамымай ақ адыраспанның қасиеттерін  толық біліп,оны өзінің қажетіне  жарата білген.

Жаңа сабақты бекіту тапсырмалары

1.Адыраспан қандай ауруларға ем?

2.Қазақ халқы адыраспанды қандай мақсатта қолданған?

3.Адыраспан улы өсімдік пе?

Үйге: Адыраспан туралы  қызықты мәліметтер әкелу.

Бағалау.