Презентация по информатике на тему "Нысандармен жұмыс"

Пән:    Информатика                                     Сынып: 5                                              Күні: 16.09.2015

Сабақтың тақырыбы: §3. Ақпаратты өңдеу тәсілдері

Сабақтың мақсаты: білімділік: тірі ағзалардың ақпаратты қабылдауына, ақпарат

беруі мен қолдануына мысалдар келтіруді үйрету, қоршаған ортаға ақпараттық көзқарас қалыптастыру;

дамытушылық: ақпаратты сақтау, жеткізу және өңдеу тәсілдерімен тиімді жұмыс жасау дағдыларын қалыптастыру;

тәрбиелік: ізденімпаздыққа, жаңашылдыққа тәрбиелеу.

Сабақ түрі:  аралас сабақ

Сабақ типі:  жаңа тақырыпты түсіндіру.

Құрал-жабдықтар:  оқулықтар, дәптерлер, электронды оқулық, интерактивті тақта,аудио, видео.

Сабақ барысы

Сабақ кезеңдері	Бөлінген уақыт	Мұғалімнің іс — әрекеттері	Оқушылардың іс — әрекеттері
І. Ұйымдастыру кезеңі. Тренинг	3 мин	Оқушылармен амандасу. Тренинг өткізу. Балалар, әрбір елде адамдар әртүрлі амандасады. Қазір сендер орындарынан тұрып, көршілерімен қарама –қарсы тұрып, бір – бірлерімен амандасындар. Мысалы, Қазақтар– қол алысады; Итальяндықтар – құшақтасады; Бразилиялықтар – иықтарынан қағады; Зембібабалықтар– арқасын тигізеді; Макидондықтар – шынтақтасады; Никарагуалықтар—  иықпен амандасады; Австралиялықтар– 1 рет шапалақ қағады, 2 рет секіреді, 3 рет жанбастарымен бір — бірлерін итереді қалады.	Оқушылар орындарынан тұрып, көршілерімен қарама–қарсы тұрып, әр халықтар сияқты амандасады.
ІІ. Үй жұмысын тексеру. Жұппен жұмыс жасау	7 мин	1. Ақпарат дегенді қалай түсінесіңдер? Мысал келтіріңдер. 2. Адамның пайда болуына дейін ақпарат болды ма? 3. Ақпаратты ұсынудың қандай формаларын білесіңдер? Мысал келтіріңдер. 4. Қандай әрекеттермен ақпаратты өңдеуге болады? 5. Адам ақпаратты қандай ақпарат көздерінен қабылдайды? 6. Ақпараттың қандай қасиеттерін білесіңдер? Мысал келтіріңдер.	Бір оқушы екінші оқушыға сұрақ қояды. Мұғалім оқушы жауабын тыңдайды. Сұрақтар экранда көрсетіліп тұрады.
ІІІ. Жаңа тақырыпты түсіндіру.	10 мин	Ақпарат жасалады, жеткізіледі, сақталады және өңделеді. Ақпаратпен орындалатын әрекеттер ақпараттың кезеңдері деп аталады. Қандай да бір әрекеттер ақпараттық кезеңдерде орындалады. Ақпаратты сақтау Ақпаратты қайта – қайта пайдалану және оны тасымалдау үшін ақпаратты сақтаудың маңызы өте зор. Ақпаратты сақтау үшін адамдар жадыны немесе «сыртқы» тасығыштарды қолданады. Ерте заманда бұл мақсатта тастар мен папирус пайдаланылды. Қазіргі ақпарат қағаз бен электрондық тасығыштарда – дискілер мен флешкаларда сақталады. Егер ақпараттың көлемі үлкен болса, онда өзіңе керекті ақпаратты табу қиынға түседі. Бұл жағдайда ақпарат белгілі бір тәртіппен реттелуі тиіс. Реттелген ақпаратқа әртүрлі картатекаларды (кітапханалардағы, емханалардағы) жатқызуға болады. Компьютердің де ақпаратты реттеу құралдары бар. Ақпаратты бумаларға үлестіріп сақтауға, алфавит бойынша, жазылған күні бойынша және т.б. сұрыптауға болады. Ақпаратты жөнелту Ақпаратты алыс қашықтыққа жеткізу үшін адамдар әртүрлі құралдар ойлап шығарған. Оларға телеграфты, телефонды, теледидарды, Интернетті және басқаларды жатқызуға болады. Ақпаратты жөнелту үшін қолданылатын құрылғыларды ақпаратты жеткізу арнасы деп атайды. Ақпаратты жеткізу арнасының сапасы нашар болса, онда жөнелтілетін ақпарат бұрмалануы немесе оның қайсыбір бөлігі жоғалуы мүмкін. Ақпаратты жеткізу үдерісінде әрқашан ақпарат көзі және оны қабылдаушы болады. Ақпарат көз ақпаратты жөнелтеді, ал қабылдаушы – оны қабылдайды. Мысалы, сабақты түсіндіруші мұғалім – ақпарат көзі де, оқушылар – оны қабылдаушы. Ақпаратты өңдеу Ақпараттың кез келген өзгеруі оның өңделуі деп аталады. Мысалы, есепті шығарудың өзі – бұрын белгілі есептен жаңа ақпарат алу. Ондай ақпаратты адам логикалық ойлау немесе математикалық есептеулер арқылы алады. Басқа мысал ретінде ақпаратты бейнелеу түрінің өзгеруін қарастыруға болады. Мысалы, мәтінді бір тілден екінші тілге аудару. Ақпаратты өңдеу оның бастапқы түрден басқа түрге айналуын немесе ақпарат мазмұнының өзгеруін білдіреді. Ақпаратты өңдеу нәтижесін адам ары қарай өз қажетіне жаратады.
IV. Бекіту. Тапсырмаларды орындау.	5 мин
V. Сергіту сәті.	2 мин	Қол саусақтарына арналған жаттығулар •  Алақанды уқалау. •  Қолды қысу •  Білезіктен айналдыру Көзге арналған жаттығулар. •  Көзді бірнеше рет жыпылықтату. •  Көзіңмен ақырын оң жаққа, жоғары, солға, төмен  қарай 3-4 рет айналым жаса	Жаттығуды орындарында отырып орындау.
VІ. Сабақты қорытындылау Компьютермен жұмыс.	14мин	А деңгейі 1. WordPad мәтіндік редакторын ашыңдар. Ол үшін Пуск→ Все программы → Стандартные → WordPad батырмаларын басыңдар. 2. «Ақпаратты сақтауға, жеткізуге және өңдеуге болады» мәтінін теріңдер. Үтір зақша тергенде жоғарғы қатардағы «6» батырмасы арқылы теріледі, ал бас әріптерді теру үшін CapsLock пернесін басу керек. Сөздердің арасын ажырату үшін бос орын пернесін бір рет басыңдар. 3. Өз ақпараттарыңды сақтап, программаны жабыңдар. В деңгейі 1. WordPad мәтіндік редакторын ашыңдар (Пуск→ Все программы → Стандартные → WordPad). 2. «Түйін» бөліміндегі мәтінді теріңдер. 3. Өз ақпараттарыңды сақтап, программаны жабыңдар. С деңгейі «Бақылау сұрақтары мен тапсырмалар» бөліміндегі 6 – тапсырманы орындаңдар. Ол үшін өздеріңе белгілі кез келген программаны қолданыңдар.	Сұрақтарға ауызша жауап береді
VI. Оқушыларды бағалау.	2 мин	Сабаққа белсенді қатысқан оқушыларды бағалау,  бағаларын күнделіктеріне қою.	Бағаны күнделіктеріне қойдырады
VII.Үй жұмысы.	2 мин	Оқулықтың §3 мазмұндау, тест тапсырмасын орындау.	Күнделіктеріне үй тапсырмасын жазып алады.