Презентация по крымскотатарской литературе на тему "Ашыкъ Умер"

• 1 слайд

• 2 слайд

  Эй Умер, меджнун Умер,
  асрет Умер, ашыкъ Умер...
  

• 3 слайд

  «Кендим Кёзлевели, Умердир исим, Бир кучук къатрадан вар алмыш джисмим»
  Ашыкъ Умер
  

• 4 слайд

  Умер къыскъа вакъыт девамында, Джума джами медресесинде Къуран окъумагъа огрене. Эдебият оджасы, шаир Сейт Абдулькерим Шерифийден дерс ала ве шиирлер уйдырып башлай.
  

• 5 слайд

  1621 сене… Къырымда, Кезлев шеэринде Абдулла Кендже огълу аилесинде огъланчыкъ догъа. Онынъ адыны Умер къоялар.
  Балалыкътан Умер шох, зекий, азырджевап олып осе.
  

• 6 слайд

  Севимли Шерефий оджасы вефат эткен сонъ, Умер медресени быракъып, озю язгъан шиирлерине макъамлар уйдурып, шеэрнинъ о вакъыт энъ мутебер къавеханесинде саз чалып, тюркюлер йырлап башлады.
  Истидатлы бу «ашыкънынъ» намы, аз бир вакъыт ичинде, Къырымнынъ бутюн дживарына эшитильди.
  Халкъ онынъ йырларыны бегене ве о, саз шаири оларакъ белли ола.
  
  

• 7 слайд

  Ашыкъ Умер омюрнинъ бир чокъ къысмыны Дагъыстан, Азербайджан, Иран, Сурие, Тюркиеде кечире. Кой - койден, шеэр - шеэрден, мемлекет – мемлекеттен юрип, озь йырларынен динълейиджилерни эйиликке, догърулыкъкъа, къардашлыкъкъа чагъырды. Озюни мейилине садыкъ шаир ханларгъа, султанларгъа, бейлерге, мырзаларгъа хызмет этмектен баш тартты. Халкънынъ ач ве чыплакъ яшагъаныны корьди ве бу адалетсизликни озь эсерлеринде акс этти.
  

• 8 слайд

  Бутюн омюрини шиир уйдурув ве бестекярлыкъкъа багъышлагъан Ашыкъ Умер асыл эвленмейип, аятыны бекярлыкъта кечире. Омюрининъ сонъунда о, догъгъан шеэри Кезлевге къайта ве 1707 сенеси сексен алты яшында бу ерде вефат эте.
  

• 9 слайд

  Ашыкъ Умернинъ иджады халкъымизнынъ эдебий ве медений вариетидир, къырымтатар орта асырлар эдебияты тарихынынъ рухий джевхерлеридир.
  

• 10 слайд

  «Кендим Кёзлевели, Умердир исим, Бир кучук къатрадан вар алмыш джисмим»
  Ашыкъ Умернинъ бу сёзлери эйкельнинъ темель ташында учь тильде оюлгъан.
  Шимди халкъымыз Ватанына къайтты ве озь медениетини джанландыра. Бугунь сазнынъ назик сеси яшамакъта ве онынънен бирликте Ашыкъ Умерни шиириети де яшай.